ഗെല്‍സൻക്വെഷൻ: യുവേഫ യൂറോ കപ്പ് പ്രീ ക്വാര്‍ട്ടറില്‍ തോല്‍വിയുടെ വക്കില്‍ നിന്നും ജയിച്ചുകയറി ഇംഗ്ലണ്ട്. സ്ലൊവാക്യയെ ഒന്നിനെതിരെ രണ്ട് ഗോളിന് തോല്‍പ്പിച്ചാണ് ഇംഗ്ലീഷ് പട അവസാന എട്ടില്‍ സ്ഥാനം പിടിച്ചത്.
മത്സരത്തിന്‍റെ 25-ാം മിനിറ്റില്‍ ഇവാൻ ഷ്രാൻസിലൂടെയാണ് സ്ലൊവാക്യ ആദ്യം മുന്നിലെത്തിയത്.95-ാം മിനിറ്റില്‍ ഒരു അത്യുഗ്രൻ ബൈസിക്കിള്‍ കിക്കിലൂടെയാണ് ജൂഡ് ഇംഗ്ലണ്ടിനായി ഗോള്‍ നേടിയത്.
ഇതോടെ, മത്സരം 1-1 എന്ന നിലയിലായി. പിന്നീട് എക്‌സ്‌ട്രാ ടൈമിലേക്ക് നീണ്ട മത്സരത്തില്‍ ഹാരി കെയ്‌ൻ ഇംഗ്ലീഷ് പടയുടെ വിജയഗോള്‍ കണ്ടെത്തി.
ജയത്തോടെ മുന്നേറിയ ഇംഗ്ലണ്ടിനെ ക്വാര്‍ട്ടറില്‍ കാത്തിരിക്കുന്നത് സ്വിറ്റ്‌സര്‍ലൻഡാണ്.
