തിരുവനന്തപുരം: ഫാ. സജി വട്ടുകുളത്തിൽ സംസ്ഥാന ഫോറസ്റ്റ് ആൻഡ് വൈൽഡ് ലൈഫ് ബോർഡ് അംഗമായി തിരഞ്ഞെടുക്കപ്പെട്ടു. പാലക്കാട് രൂപതാംഗമായ അദ്ദേഹം കാർഷിക സംരക്ഷണം, പരിസ്ഥിതി സംരക്ഷണം, വന്യജീവി ആക്രമണ ലഘൂകരണം എന്നീ മേഖലകളിലെ പ്രവർത്തനങ്ങളിലൂടെയാണ് ശ്രദ്ധേയനായത്.
അട്ടപ്പാടിയിലെ കർഷക മുന്നേറ്റങ്ങൾക്കും ഇഎസ്എ, ഇഎസ്എസ്‌എൻഡി, ഇഎഫ്എൽ വിഷയങ്ങളുമായി ബന്ധപ്പെട്ട ജനകീയ സമരങ്ങൾക്കും നേതൃത്വം നൽകി.ഇന്ത്യയിലെ ആദ്യ കാർബൺ ന്യൂട്രൽ ഇടവകയായി പൊൻകണ്ടം ഇടവകയെ പ്രഖ്യാപിക്കുന്നതിലും അദ്ദേഹം നേതൃത്വം നൽകി. ഇക്വറ്റർജിയോ സ്റ്റാർട്ടപ്പിലൂടെ കാലാവസ്ഥാ വ്യതിയാന പ്രതിരോധ പ്രവർത്തനങ്ങളും പരിസ്ഥിതി ബോധവത്കരണ പദ്ധതികളും നടപ്പാക്കിവരുന്നു. പാലായിൽനിന്ന് അട്ടപ്പാടിയിലേക്ക് കുടിയേറിയ വട്ടുകുളത്തിൽ കുടുംബത്തിലെ ജോസഫ് – മേരി ദമ്പതികളുടെ മകനാണ് ഫാ. സജി.
