മാനവരാശിയെ നശിപ്പിക്കുന്ന മദ്യലഹരി വിപത്തിനെതിരെ സാമൂഹ്യ മനസ്സാക്ഷി ജാഗ്രത പുലർത്തണമെന്ന് ബിഷപ് ഡോ. ആന്റണി കാട്ടിപറമ്പിൽ

കൊച്ചി : അന്താരാഷ്ട്രയിലെ ലഹരി വിരുദ്ധ ദിനം കൊച്ചി രൂപത കെ സി ബി സി മദ്യവിരുദ്ധ സമിതിയുടെ നേതൃത്വത്തിൽ ആചരിച്ചു. ഫോർട്ട്കൊച്ചി മെത്രാസന മന്ദിരത്തിൽ വെച്ച് കൊച്ചി രൂപത അധ്യക്ഷൻ ബിഷപ് ഡോ.ആന്റണി കാട്ടിപ്പറമ്പിൽ ഉദ്ഘാടനം നിർവഹിച്ചു സംസാരിച്ചു. മാനവരാശിയെ നശിപ്പിക്കുന്ന മദ്യലഹരി വിപത്തിനെതിരെ സാമൂഹ്യ മനസ്സാക്ഷി ജാഗ്രത പുലർത്തണമെന്ന് ബിഷപ് ഓർമിപ്പിച്ചു. വിര്യം കുറഞ്ഞ മദ്യത്തിന് നികുതി ഇളവു പ്രഖ്യാപിക്കുന്നതിനെതിരെ വർദ്ധിത വീര്യത്തോടെ കെസിബിസി മദ്യവിരുദ്ധ സമിതി രംഗത്തിറങ്ങണമെന്ന് ബിഷപ് ആഹ്വാനം ചെയ്തു. ലഹരി വിപത്തിനെതിരെ യുവതലമുറയെ ബോധവൽക്കരിക്കണമെന്ന് രാസ ലഹരിയുടെ വിപണവും വ്യാപാരവും തടയണമെന്ന് ബിഷപ് ആവശ്യപ്പെട്ടു. ലഹരിക്കെതിരെ തൂഫാൻ നടത്തുന്ന പരിപാടികൾ അഭിനന്ദനാർഹമാണ്. ജാതി മതഭേദമെന്നെ എല്ലാവരും ഒറ്റക്കെട്ടായി ലഹരിക്കെതിരായി നിലകൊള്ളണമെന്നും ബിഷപ്പ് ആഹ്വാനം ചെയ്തു.സംസ്ഥാന സെക്രട്ടറി ബോണി രൂപത ഡയറക്ടർ ഫാദർ ആന്റണി അറക്കൽ സെക്രട്ടറി പീറ്റർ റൂഫ് എക്സ് ആനിമേറ്റർ സിസ്റ്റർ സൂസൻ ഓ പി, സിസ്റ്റർ സാമൂവേല , സിസ്റ്റർ ജയിൻ , ജോർജ് നിഖിൽ, ടി കെ ആന്റണി എന്നിവർ സംസാരിച്ചു.