Author: admin

ഇസ്രായേൽ- ഹമാസ്  സംഘർഷത്തിൽ ഏറെ ദുരിതമനുഭവിക്കുന്ന ഗാസയിലെ ക്രൈസ്തവ സമൂഹത്തിനു പ്രത്യാശയുടെ സന്ദേശം നൽകിക്കൊണ്ട്, ജറുസലേമിലെ ലത്തീൻ പാത്രിയാർക്കീസ് കർദിനാൾ പിയർബത്തിസ്ത്ത പിറ്റ്സബല്ല വിശുദ്ധ ബലിയർപ്പിക്കുകയും, വചനസന്ദേശം നൽകുകയും ചെയ്തു. ഗാസയിലെ തിരുക്കുടുംബ ദേവാലയത്തിലാണ് കർദിനാൾ വിശുദ്ധ ബലിയർപ്പിച്ചത്. ജറുസലേമിൽ നിന്നും, ഇസ്രായേൽ സൈനികരുടെ സുരക്ഷാഅകമ്പടിയോടെയാണ് പാത്രിയർകീസ് ഗാസയിൽ പ്രവേശിച്ചത്. പതിനാലു മാസങ്ങളിലേറെയായി നിരവധി അഭയാർത്ഥികൾക്ക് തണലായി മാറിയ ഇടവക സമൂഹമാണ്, ഗാസയിലെ തിരുക്കുടുംബ ദേവാലയം. ശാന്തതയുടെയും സന്തോഷത്തിൻ്റെയും അന്തരീക്ഷത്തിൽ തങ്ങളുടെ ഇടയനോടൊപ്പം ബലിയർപ്പിക്കുവാൻ കഴിഞ്ഞതിലുള്ള സന്തോഷം വിശ്വാസികൾ പങ്കുവച്ചു. മെയ് മാസം പതിനാറാം തീയതിയാണ് അവസാനമായി പാത്രിയാർക്കീസ് അവസാനമായി ഇടവകതിർത്തിയിൽ പ്രവേശിക്കുവാനും, ഇടവകവികാരി ഫാദർ ഗബ്രിയേലേ റോമനെല്ലിയൊപ്പം വിശുദ്ധ ബലിയർപ്പിക്കുവാനും സാധിച്ചത്. വഴിയിൽ പരമാവധി സുരക്ഷ ഉറപ്പാക്കാൻ, ഇടവകയിൽ  എത്തിയതിന് ശേഷം മാത്രമാണ് സന്ദർശന വാർത്ത നൽകിയത്. വിശുദ്ധ ബലിമധ്യേ ഏതാനും വിശ്വാസികൾക്ക്, സ്ഥൈര്യലേപനവും പാത്രിയർക്കീസ് പരികർമ്മം ചെയ്തു. വിശ്വാസത്തിലുള്ള ഇടവകജനങ്ങളുടെ അചഞ്ചലമായ സാക്ഷ്യത്തിനു അദ്ദേഹം നന്ദിയർപ്പിക്കുകയും, അഭിനന്ദിക്കുകയും ചെയ്തു. “…

നെയ്യാറ്റിൻകര: നെയ്യാറ്റിൻകര ഇൻ്റഗ്രൽ ഡവലപ്മെൻ്റ് സൊസൈറ്റിയുടെ നേതൃത്വത്തിൽ സാമൂഹ്യാധിഷ്ഠിത ഭിന്നശേഷി പുനരധിവാസ പദ്ധതിയുടെ ഇരുപത്തിരണ്ടാം വാർഷികാഘോഷം ലോഗോസ് പാസ്റ്ററൽ സെൻ്ററിൽ വച്ച് സംഘടിപ്പിച്ചു. അസോസിയേഷൻ പ്രസിഡന്റ് തങ്കമണി അധ്യക്ഷത വഹിച്ച പൊതുസമ്മേളനം കോവളം നിയോജകമണ്ഡലം എം.എൽ.എ. .എം.വിൻസെന്റ് ഉദ്ഘാടനം ചെയ്‌തു.ഡൽഹി ശിവശക്തി മോഡൽ സ്കൂളിൽ സംഘടിപ്പിച്ച ദേശീയ സ്പെഷ്യൽ ഒളിമ്പിക്സ് വനിത വിഭാഗം ഫ്ലോർബോൾ ചാമ്പ്യൻഷിപ്പിൽ വെങ്കല മെഡൽ നേടിയ ആരതിയെ ആദരിച്ചു. നെയ്യാറ്റിൻകര രൂപത വികാരി ജനറൽ മോൺ.ജി. ക്രിസ്തുദാസ് അനുഗ്രഹ പ്രഭാഷണവും NIDS ഡയറക്ടർ വെരി.റവ. ഫാ.രാഹുൽ ബി. ആൻ്റോ ആമുഖ സന്ദേശവും നൽകി. മുഖ്യ സന്ദേശവും ട്രസ്റ്റ് ഫോർ റീട്ടെയിലേഴ്സ് ആൻ്റ് റീട്ടെയിൽ അസോസിയേഷൻ ഓഫ് ഇന്ത്യയുടെ സഹകരണത്തോടെ ഭിന്നശേഷി കുട്ടികൾക്ക് വേണ്ടി സംഘടിപ്പിക്കുന്ന സൗജന്യ സ്വയംതൊഴിൽ പരിശീലന കോഴ്സിന്റെ രണ്ടാമത്തെ ബാച്ചിൻ്റെ ഉദ്ഘാടനവും കമ്മീഷണർ ഫോർ പേഴ്സൺ വിത്ത് ഡിസബിലിറ്റി കേരള പി.റ്റി.ബാബുരാജ് നിർവഹിച്ചു. നിഡ്സ് കമ്മീഷൻ സെക്രട്ടറി ഫാ.ഡെന്നിസ് മണ്ണൂർ, പ്രോജക്ട് ഓഫീസർ മൈക്കിൾ,…

ജീവനും സ്വത്തിനും നീതിക്കും മനുഷ്യാവകാശങ്ങൾക്കും വേണ്ടി പോരാടുന്ന പോരാളികൾക്ക് പിന്തുണയേകാൻ പ്രചോദനമാകണം ക്രിസ്മസ് എന്ന് കോട്ടപ്പുറം രൂപത ബിഷപ്പ് ഡോ. അംബ്രോസ് പുത്തൻവീട്ടിൽ.സന്ദശത്തിന്റെ പൂർണ്ണരൂപം താഴെ : ബഹുമുഖമായ സംഭവവികാസങ്ങളുടെ മദ്ധ്യേയാണ് ഈ വർഷത്തെ ക്രിസ്മസ് ആഘോഷങ്ങൾ വന്നണയുന്നത് . ലോകത്തിന്റെ വിവിധ ഭാഗങ്ങളിൽ മനുഷ്യർ നേരിടുന്ന വ്യത്യസ്തങ്ങളായ പ്രശ്നങ്ങളും പ്രതിസന്ധികളും സങ്കടങ്ങളും ക്ലേശങ്ങളും നമ്മുടെ ഹൃദയത്തെ നൊമ്പരപ്പെടുത്തുന്നുണ്ട് . വിവിധ സ്ഥലങ്ങളിൽ നടന്നുകൊണ്ടിരിക്കുന്ന യുദ്ധങ്ങളും സമരങ്ങളും അഭയാർത്ഥിപ്രശ്നങ്ങളും ക്രിസ്തുമസിൻ്റെ സന്തോഷത്തിന് മങ്ങലേൽപ്പിക്കുന്നു . കേരളത്തിൽ മലയോര മേഖലയിലെ മനുഷ്യരുടെ നീറുന്ന പ്രശ്നങ്ങളും വന്യജീവി ആക്രമണങ്ങളും മുനമ്പത്തെ പാവപ്പെട്ട മനുഷ്യരുടെ നീതിക്കുവേണ്ടിയുള്ള, , വില കൊടുത്തു വാങ്ങിയ സ്വന്തം ഭൂമിയുടെ റവന്യൂ അവകാശങ്ങൾ പുനസ്ഥാപിച്ചു കിട്ടുന്നതിനുള്ള , സമരവും നമ്മെ വളരെയധികം സങ്കടപ്പെടുത്തുന്നതാണ്.. ജീവനും സ്വത്തിനും ജീവിക്കാനുള്ള അവകാശത്തിനും വേണ്ടി നടക്കുന്ന സമരങ്ങളും പോരാട്ടങ്ങളും ക്രിസ്തുവിൻ്റെ ജീവിത സഹനങ്ങളോട് ചേർത്ത് വായിക്കേണ്ടത് തന്നെയാണ് . രണ്ടായിരം വർഷങ്ങൾക്കുമുമ്പ് ബേത് ലെഹെമിൽ ജനിച്ച…

കൊച്ചി:കെഎൽസിഎ വരാപ്പുഴ അതിരൂപതയുടെ നേതൃത്വത്തിൽ പപ്പാഞ്ഞിറാലിയും സംഗമവും സംഘടിപ്പിച്ചു.എറണാകുളം സെൻ്റ് ഫ്രാൻസീസ് അസീസി കത്തീഡ്രലിൽ വരാപ്പുഴ ആർച്ച്ബിഷപ് ഡോ.ജോസഫ് കളത്തിപ്പറമ്പിൽ മയക്കുമരുന്ന് ലഹരിക്കെതിരെയുള്ള സ്നേഹജ്വാല തെളിയിച്ചുകൊണ്ട് പപ്പാഞ്ഞിറാലി ഫ്ലാഗ് ഓഫ് ചെയ്തു. തുടർന്ന് വഞ്ചി സ്ക്വയർ ഓപ്പൺ സ്റ്റേജിൽ നടന്നസ്നേഹസംഗമം കൊച്ചി മേയർ അഡ്വ.എം അനിൽകുമാർ ഉദ്ഘാടനം ചെയ്തു.സമൂഹത്തെ കാർന്നു തിന്നുന്ന സാമൂഹ്യ വിപത്തിനെതിരെ ജാഗ്രതപാലിക്കുന്നതിന് ഇത്തരം ആഘോഷവേളകൾ വിനിയോഗിക്കുന്നത് മാതൃകാപരമാണ്. നഗരത്തിൽ മയക്കുമരുന്ന് വ്യാപനംതടയാൻ കർശനന നടപടികളാണ് സ്വീകരിച്ചിരിക്കുന്നത്. പൊതുപ്രവർത്തകർ ലഹരിവിരുദ്ധ പ്രവർത്തനങ്ങളിൽ മുന്നിട്ടിറങ്ങണമെന്നും കൊച്ചി കോർപറേഷൻ കെഎൽസിഎ വരാപ്പുഴ അതിരൂപതയുമായി ചേർന്ന് ലഹരിക്കെതിരെയുള്ള ബോധവൽക്കരണ പരിപാടികൾ സംഘടിപ്പിക്കുമെന്നും മേയർ ചൂണ്ടിക്കാട്ടി. പപ്പാഞ്ഞിക്കൂട്ടത്തിന് അഭിവാദ്യമർപ്പിച്ച് മേയർ അഡ്വ.എം അനിൽകുമാർ ഉദ്ഘാടനം ചെയ്യുന്നു വരാപ്പുഴ അതിരൂപത സഹായമെത്രാൻ ബിഷപ് ഡോ.ആന്റണി വാലുങ്കൽ ക്രിസ്മസ് സന്ദേശം നൽകി.കെഎൽസിഎ വരാപ്പുഴ അതിരൂപത പ്രസിഡൻ്റ് സി.ജെ.പോൾ അധ്യക്ഷത വഹിച്ചു. വരാപ്പുഴ അതിരൂപത കെഎൽസിഎ ഡയറക്ടർ ഫാ. മാർട്ടിൻ തൈപ്പറമ്പിൽ ലഹരി വിരുദ്ധ സന്ദേശം നൽകി.കെഎൽസിഎ സംസ്ഥാന…

കിഴക്കിനെയും പടിഞ്ഞാറിനെയും ബന്ധിപ്പിച്ചുകൊണ്ട് പതിനഞ്ചാം നൂറ്റാണ്ടിന്റെ അവസാന കാലഘട്ടത്തിൽ യൂറോപ്പിൽ നിന്നും ഇന്ത്യയിലേക്ക് പുതിയ കടൽ മാർഗ്ഗം കണ്ടുപിടിച്ച സാഹസിക നാവികൻ വാസ്കോ ഡ ഗാമ മൺമറഞ്ഞിട്ട് ഇന്നേക്ക് (ഡിസംബർ 24ന്) 500 വർഷം തികയുന്നു. ലോക ചരിത്രത്തിലെ രണ്ടു സുപ്രധാന സംഭവങ്ങളിൽ ഒന്നായി ആഡം സ്മിത്ത് വിശേഷിപ്പിച്ച ഈ പുതിയ കടൽ മാർഗ്ഗം കണ്ടുപിടിക്കൽ എന്തെല്ലാം മാറ്റങ്ങൾ ലോകത്തിൽ ഉണ്ടാക്കി എന്നത് സംബന്ധിച്ച് ഒരു ചരിത്ര സെമിനാർ 2025 ജനുവരി 25ന് കൊച്ചിയിൽ നടത്തുമെന്ന് ഇൻഡോ പോർച്ചുഗീസ് കൾച്ചറൽ സെന്റർ ഡയറക്ടർ ഡോ. ചാൾസ് ഡയസ് അറിയിച്ചു. മുൻ കൊച്ചി മേയർ കെ. ജെ. സോഹൻ, കോർപ്പറേഷൻ പ്രതിപക്ഷ നേതാവും ഫോർട്ട് കൊച്ചി കൗൺസിലറുമായ അഡ്വ. ആന്റണി കുരീത്തറ, മുൻ എം.പി. ഡോ. ചാൾസ് ഡയസ് എന്നിവരുടെ നേതൃത്വത്തിലാണ് സെമിനാർ സംഘടിപ്പിക്കപ്പെടുന്നത്.

കൊച്ചി : ക്രിസ്മസ് ആശംസകൾ നേർന്ന് വരാപ്പുഴ ആർച് ബിഷപ്പ് ഡോ.ജോസഫ് കളത്തിപ്പറമ്പിൽ.ജാതി-മത, സമുദായിക, രാഷ്ട്രീയ ബന്ധങ്ങൾക്ക് അതീതമായി വ്യക്തികളുടെ മഹത്വം അംഗീകരിക്കാനും നാം തയ്യാറാവണമെന്ന് ആശംസാ സന്ദശത്തിൽ അദ്ദേഹം പറഞ്ഞു . പൂർണ്ണരൂപം താഴെ: സ്നേഹമുള്ളവരെ, പിതാവായ ദൈവം മനുഷ്യ മക്കൾക്ക് നൽകിയ ഏറ്റവും പൂർണ്ണതയുള്ള സമ്മാനമാണ് അവിടുത്തെ പുത്രനായ ഉണ്ണീശോ. സ്വർഗ്ഗത്തിൽ നിന്നും ദിവ്യമായ ആ സമ്മാനത്തെ ഭൂമി ഏറ്റുവാങ്ങിയ സുന്ദരവും സന്തോഷകരവുമായ ഓർമ്മയാണ് നാം ക്രിസ്‌മസിൽ അനുസ്‌മരിക്കുന്നതും ആഘോഷിക്കുന്നതും. സ്നേഹം, ത്യാഗം, സമാധാനം എന്നിവ മുറുകെപ്പിടിക്കുന്ന മനുഷ്യർക്ക് മാത്രമാണ് ക്രിസ്തു‌മസിൻ്റെ പൂർണ്ണതയെന്ത് എന്ന് അറിയാൻ സാധിക്കുകയുള്ളൂ. ദൈവസ്നേഹത്തിൻ്റെ മനുഷ്യവതാരമാണ് ക്രിസ്‌തുമസ് എന്നും നമുക്കറിയാം. മനുഷ്യകുലത്തോടുള്ള ദൈവത്തിൻ്റെ അതിരില്ലാത്ത സ്നേഹത്തിൻ്റെ ഫലമായിട്ടാണ് ദൈവപുത്രൻ ഈ ഭൂമിയിൽ മനുഷ്യനായി അവതരിച്ചത്. ആ പുണ്യ സ്നേഹമാണ് നമ്മുടെ ഹൃദയത്തിൽ നിറയേണ്ടതും പങ്കുവയ്ക്കപ്പെടേണ്ടതും. ക്രിസ്‌തുമസ്ക‌ാലം സ്നേഹം പങ്കുവയ്ക്കുന്ന പ്രത്യേക കാലമാണ്. പുൽക്കൂട്ടിൽ പുഞ്ചിരിക്കുന്ന ഉണ്ണീശോ നമ്മെ ക്ഷണിക്കുന്നതും സ്നേഹത്തിൻ്റെ പ്രവാചകരാകുവാനാണ്. നമ്മൾ ശുശ്രൂഷ…

കൊച്ചി: ആൻറണി ചേട്ടൻറെ 101 മൂലകൾ ഉള്ള നക്ഷത്രം വാർത്താ പ്രാധാന്യം നേടുകയാണ്. ഏകദേശം 3.5 മീറ്റർ ഉയരം വരുന്ന ഈ സൂപ്പർസ്റ്റാർ നക്ഷത്രം മുണ്ടംവേലിയിലെ (തോപ്പുംപടി സമീപം) വാദ്യ മേളങ്ങളുടെയും, നാട്ടുകാരുടെയും അകമ്പടിയോടെ കൂടി മുണ്ടംമേലി പള്ളി അങ്കണത്തിലേക്ക് കൊണ്ടുപോയി സ്ഥാപിച്ചു. ആഴ്ചകളോളം ഒരു ദിവസം പോലും ജോലി ഉപേക്ഷിക്കാതെ, ചില ദിവസങ്ങളിൽ വൈകിട്ട് മുതൽ, വെളുപ്പിന് 4 മണി വരെ കൊതുകു തിരിയും കത്തിച്ചു നീളുന്ന പണികൾ. ഒറ്റയ്ക്ക് തന്നെ ആണ്, ആന്റണി ചേട്ടൻ നിർമാണം പൂർത്തിയാക്കിയത്. കഴിഞ്ഞ വർഷവും, 51 മൂലകൾ ഉള്ള നക്ഷത്രം ഉണ്ടാക്കി വാർത്തകളിൽ സ്ഥാനം പിടിച്ചിരുന്നു. എം.എൽ.എ. കെ.ജെ. മാക്സി, മുണ്ടംവേലി പള്ളി വൈദികർ എന്നിവർ ചേർന്ന് പള്ളി ഗ്രൗണ്ടിൽ ഓൺ സ്വിച്ച് ഓൺ കർമ്മം നിർവഹിച്ചു.

പാ​ല​ക്കാ​ട്: ബി​ജെ​പി​യു​ടെ ക്രൈ​സ്ത​വ സ്നേ​ഹം അ​ഭി​ന​യ​മെ​ന്ന് സ​ന്ദീ​പ് വാ​ര്യ​ര്‍. പാ​ല​ക്കാ​ട് ന​ല്ലേ​പ്പ​ള്ളി സ്കൂ​ളി​ൽ ക്രി​സ്മ​സ് ക​രോ​ൾ ത​ട​സ​പ്പെ​ടു​ത്തി​യ വി​എ​ച്ച്പി പ്ര​വ​ർ​ത്ത​ക​രു​ടെ ന​ട​പ​ടി​യി​ലാ​യി​രു​ന്നു സ​ന്ദീ​പി​ന്‍റെ പ്ര​തി​ക​ര​ണം. സം​ഭ​വ​ത്തി​ൽ ബി​ജെ​പി നേ​തൃ​ത്വ​ത്തി​ന് പ​ങ്കു​ണ്ടെ​ന്ന് സ​ന്ദീ​പ് വാര്യ​ർ ആ​രോ​പി​ച്ചു. കേ​സ് അ​ട്ടി​മ​റി​ക്കാ​ൻ യു​വ​മോ​ർ​ച്ച ശ്ര​മി​ച്ചു. അ​റ​സ്റ്റി​ലാ​യ മൂ​ന്നു പേ​രി​ൽ ര​ണ്ടു പേ​രും സ​ജീ​വ ബി​ജെ​പി പ്ര​വ​ർ​ത്ത​ക​രാ​ണെ​ന്നും സ​ന്ദീ​പ് പ​റ​ഞ്ഞു. പാ​ല​ക്കാ​ട്‌ തെ​ര​ഞ്ഞെ​ടു​പ്പി​ൽ പ്ര​ചാ​ര​ണ ചു​മ​ത​ല ഉ​ള്ള​വ​ർ ആ​യി​രു​ന്നു ഇ​വ​ർ. പാ​ല​ക്കാ​ട്ടെ ബി​ജെ​പി സ്ഥാ​നാ​ർ​ഥി​യാ​യി​രു​ന്ന സി. ​കൃ​ഷ്ണ​കു​മാ​റു​മാ​യി ഇ​വ​ർ​ക്ക് അ​ടു​ത്ത ബ​ന്ധ​മു​ണ്ട്.

ലഖ്‌നൗ: പഞ്ചാബില്‍ പൊലീസ് സ്റ്റേഷന്‍ ആക്രമിച്ച മൂന്ന് ഖലിസ്ഥാന്‍ തീവ്രവാദികളെ ഉത്തര്‍പ്രദേശില്‍ ഏറ്റുമുട്ടലില്‍ വധിച്ചു. ഖലിസ്ഥാന്‍ പ്രവര്‍ത്തകരായ ഗുര്‍വീന്ദര്‍ സിങ്, വീരേന്ദ്ര സിങ്, ജസന്‍പ്രീത് സിങ് എന്നിവരാണ് കൊല്ലപ്പെട്ടത്. ഇവരില്‍ നിന്ന് എകെ സീരീസില്‍പ്പെട്ട രണ്ട് റൈഫിളുകളും ഗ്ലോക്ക് പിസ്റ്റളുകളും കണ്ടെടുത്തിട്ടുണ്ട്. പാകിസ്ഥാന്‍ സ്പോണ്‍സര്‍ ചെയ്ത ഖലിസ്ഥാന്‍ സിന്ദാബാദ് ഫോഴ്സിന്റെ ഭാഗമാണ് മൂവരുമെന്ന് പഞ്ചാബ് പൊലീസ് പറഞ്ഞു. പഞ്ചാബ് അതിര്‍ത്തിയിലെ പൊലീസ് സ്റ്റേഷനുകളില്‍ ഇവര്‍ ഗ്രനേഡ് ആക്രമണം നടത്തിയിരുന്നു. അക്രമികള്‍ യുപിയിലെ പിലിഭിത്തിലെ പി എസ് പിരന്‍പൂര്‍ മേഖലയില്‍ ഉണ്ടെന്ന രഹസ്യ വിവരത്തിന്റെ അടിസ്ഥാനത്തില്‍ ഉത്തര്‍പ്രദേശ്, പഞ്ചാബ് പൊലീസ് സംയുക്തമായി വളയുകയായിരുന്നു.അറസ്റ്റ് ചെയ്യാന്‍ ശ്രമം നടത്തിയ പൊലീസ് സംഘത്തിനു നേര്‍ക്ക് അക്രമികള്‍ നിറയൊഴിച്ചു. തുടര്‍ന്ന് പൊലീസ് നടത്തിയ തിരിച്ചടിയിലാണ് തീവ്രവാദികള്‍ കൊല്ലപ്പെട്ടത്.

തിരുവനന്തപുരം: ഈ മാസത്തെ ക്ഷേമ പെന്‍ഷന്‍ വിതരണം ഇന്ന് ആരംഭിക്കും. വിധവാ പെന്‍ഷന്‍ കൈപ്പറ്റുന്നവര്‍ പുനര്‍വിവാഹിതരായിട്ടില്ലെന്ന സാക്ഷ്യപത്രം വാര്‍ഡ് അംഗത്തില്‍ നിന്നും വാങ്ങി സമര്‍പ്പിക്കണമെന്ന നിര്‍ദേശം ചില തദ്ദേശസ്ഥാപനങ്ങള്‍ നല്‍കിയിട്ടുണ്ട്. ഒരു ഗഡുപെന്‍ഷനാണ് സര്‍ക്കാര്‍ അനുവദിച്ചത്. 26.62 ലക്ഷം പേരുടെ ബാങ്ക് അക്കൗണ്ടില്‍ തുക എത്തും. മറ്റുള്ളവര്‍ക്കു സഹകരണ ബാങ്കുകള്‍ വഴി വീട്ടിലെത്തി പെന്‍ഷന്‍ കൈമാറും. ഓണത്തിന്റെ ഭാഗമായി മൂന്നു ഗഡു പെന്‍ഷന്‍ വിതരണം ചെയ്തിരുന്നു. ഈ സര്‍ക്കാര്‍ വന്നശേഷം 33,000 കോടിയോളം രൂപയാണു ക്ഷേമ പെന്‍ഷന്‍ വിതരണത്തിനായി അനുവദിച്ചതെന്ന് കെഎന്‍ ബാലഗോപാല്‍ പറഞ്ഞു. സാമൂഹിക സുരക്ഷാ പെന്‍ഷന്‍ പദ്ധതിക്ക് ആവശ്യമായ പണത്തിന്റെ 98 ശതമാനവും സംസ്ഥാനമാണ് കണ്ടെത്തുന്നത്. രണ്ടു ശതമാനം മാത്രമാണ് കേന്ദ്ര വിഹിതം. 62 ലക്ഷം ക്ഷേമ പെന്‍ഷന്‍ ഗുണഭോക്താക്കളില്‍ 5.88 ലക്ഷം പേര്‍ക്കാണ് ശരാശരി 300 രൂപവരെ സഹായം കേന്ദ്ര സര്‍ക്കാരില്‍നിന്ന് ലഭിക്കുന്നത്. കേരളത്തില്‍ പ്രതിമാസ പെന്‍ഷന്‍ക്കാര്‍ക്ക് ലഭിക്കുന്നത് 1600 രൂപയും. ബാക്കി മുഴുവന്‍ തുകയും സംസ്ഥാനമാണ്…