Author: admin

കൊച്ചി: പാലിയേക്കര ടോള്‍ പിരിവില്‍ ദേശീയ പാത അതോറിറ്റിക്ക് തുടർച്ചയായ തിരിച്ചടി. ടോള്‍ പിരിവ് നിരോധനം ഹൈക്കോടതി വീണ്ടും നീട്ടി. കേസ് വീണ്ടും പരിഗണിക്കുന്ന വെള്ളിയാഴ്ച വരെയാണ് നിലവില്‍ നീട്ടിയിരിക്കുന്നത്. ദേശീയപാതയുടെ നിര്‍മാണ പ്രവര്‍ത്തനങ്ങള്‍ നടക്കുന്ന ഭാഗങ്ങളില്‍ രൂക്ഷമായ ഗതാഗതക്കുരുക്കും സുരക്ഷാ പ്രശ്‌നങ്ങളുമുണ്ടെന്ന ജില്ലാ കലക്ടറുടെ റിപ്പോര്‍ട്ടിന്റെ അടിസ്ഥാനത്തിലാണിത് . ജസ്റ്റിസുമാരായ എ.മുഹമ്മദ് മുഷ്താഖ്, ഹരിശങ്കര്‍ വി.മേനോന്‍ എന്നിവരുടെ ബെഞ്ചാണ് ടോള്‍ പിരിവ് നിരോധനം നീട്ടിയത്. ഇക്കാര്യത്തിലും ഒപ്പം ടോള്‍ നിരക്ക് കൂട്ടിയ നടപടിയിലും എന്തു നടപടി സ്വീകരിക്കുമെന്ന് അറിയിക്കാന്‍ കേന്ദ്ര സര്‍ക്കാരിനോടും കോടതി നിര്‍ദേശിച്ചിട്ടുണ്ട്. ദേശീയ പാതയില്‍ അടുത്തിടെയുണ്ടായ അപകടം അശ്രദ്ധ മൂലമോ ഉറങ്ങിപ്പോയതു കൊണ്ടോ ആവാം. നിര്‍മാണ പ്രവര്‍ത്തനങ്ങള്‍ പുരോഗമിച്ചു വരികയാണ്. ആദ്യ ഘട്ടം ജനുവരിയിലും അടുത്തത് മാര്‍ച്ചിലും മൂന്നാം ഘട്ടം ജൂണിലും പൂര്‍ത്തിയാകും. ഈ സാഹചര്യത്തില്‍ ടോള്‍ പിരിവ് നിര്‍ത്തിവയ്ക്കുന്നതിന് കാരണമില്ല. അതിനാല്‍ മുന്‍ ഉത്തരവ് മാറ്റണമെന്നും കേന്ദ്രം ആവശ്യപ്പെട്ടു. എന്നാല്‍ കരാറുകാരുടെ കാര്യത്തില്‍ മാത്രമേ ദേശീയപാത…

ചിന്നക്കനാല്‍ ചൂണ്ടലില്‍ കാട്ടാന ആക്രമണത്തില്‍ ഒരാള്‍ മരിച്ചു.

ജയ്‌പൂർ: രാജസ്ഥാനിലെ സവായ് മാൻസിങ് ആശുപത്രിയിലുണ്ടായ തീപിടിത്തത്തിൽ എട്ട് രോഗികൾ മരിച്ചു. മൂന്ന് പേരുടെ നില ഗുരുതരമാണ് . അപകടത്തില്‍ നിരവധി പേർക്ക് പരിക്കേറ്റുവെന്നാണ് റിപ്പോർട്ടുകൾ. ആശുപത്രിയിലെ ഐസിയു വാർഡിലാണ് ഇന്നലെ അര്‍ധരാത്രിയോടെ തീപിടിത്തമുണ്ടായത്. ആശുപത്രിയിലെ ട്രോമ ഐസിയുവിൽ ഷോർട്ട് സർക്യൂട്ട് ഉണ്ടായതാണ് തീപിടിത്തത്തിന് കാരണമെന്നാണ് പ്രാഥമിക റിപ്പോർട്ടുകൾ. രണ്ട് സ്ത്രീകൾ ഉൾപ്പെടെ എട്ട് പേരാണ് മരിച്ചത്. പരിക്കേറ്റവർ ചികിത്സയിലാണെന്നും ശ്വാസംമുട്ടല്‍ മൂലമാണ് രോഗികൾ മരിച്ചതെന്നും ഡോ ദീപക് മഹേശ്വരി പറഞ്ഞു. ആശുപത്രി അധികൃതര്‍ക്കെതിരെ ഗുരുതര ആരോപണവുമായി മരിച്ച രോഗികളുടെ ബന്ധുക്കള്‍ രംഗത്തെത്തി. ഐസിയുവിൽ നിന്ന് പെട്ടെന്ന് പുക ഉയരാൻ തുടങ്ങിയതായി രോഗികളും അവരുടെ ബന്ധുക്കളും ആശുപത്രി അധികൃതരെ അറിയിച്ചിരുന്നു. എന്നാൽ തുടക്കത്തിൽ രക്ഷാപ്രവര്‍ത്തനത്തിനായി ആരും എത്തിയില്ല-ബന്ധുക്കൾ ആരോപിച്ചു .

കൊച്ചി: ഇന്ത്യൻ കാത്തലിക് യൂത്ത് മൂവ്‌മെന്റ് (ICYM) ന്റെ ഒരു വർഷം നീണ്ടുനിന്ന രജത ജൂബിലി ആഘോഷങ്ങൾ ഒക്ടോബർ 5 ഞായറാഴ്ച കേരളത്തിലെ മുരിങ്ങൂരിലെ ഡിവൈൻ റിട്രീറ്റ് സെന്ററിൽ നടന്ന സാക്ഷി ദേശീയ യുവജന സമ്മേളനത്തിന്റെ സമാപന ദിവ്യബലിയോടെ സമാപിച്ചു. 3,500 യുവ നേതാക്കളുടെയും 200 പുരോഹിതരുടെയും സാന്നിധ്യത്തിൽ CCBI യുടെയും FABC യുടെയും പ്രസിഡന്റ് കർദ്ദിനാൾ ഫിലിപ്പ് നേരി ഫെറാവോ ദിവ്യബലിക്ക് നേതൃത്വം നൽകി.സമാപന ചടങ്ങിൽ, CCBI യൂത്ത് കമ്മീഷന്റെ എക്സിക്യൂട്ടീവ് സെക്രട്ടറി ഫാ. ചേതൻ മച്ചാഡോ, അടുത്ത ദേശീയ യുവജന സംഗമം 2026 ൽ ഒഡീഷയിൽ നടത്തുമെന്ന് പ്രഖ്യാപിച്ചു. പ്രഖ്യാപനത്തെ സ്വാഗതം ചെയ്തുകൊണ്ട്, ഒഡീഷയിലെ റീജിയണൽ യൂത്ത് ഡയറക്ടർ ഫാ. പ്രകാശ് കിറോ, “ഗോത്രങ്ങളുടെയും ക്ഷേത്രങ്ങളുടെയും നാടിലേക്ക്” പ്രതിനിധികളെ ക്ഷണിച്ചു.മേഘാലയ മുഖ്യമന്ത്രി കോൺറാഡ് സാങ്മ ചടങ്ങിന്റെ മുഖ്യാതിഥിയായിരുന്നു, അതേസമയം കർദ്ദിനാൾ ഫിലിപ്പ് നേരി ഫെറാവോ ജൂബിലി സമാപനം ഔദ്യോഗികമായി പ്രഖ്യാപിച്ചു. സിസിബിഐ കമ്മീഷൻ ഫോർ യൂത്ത് ചെയർമാൻ ബിഷപ്പ്…

സഭയില്‍ പ്രതിപക്ഷ പ്രതിഷേധം കൊച്ചി: സ്വര്‍ണപ്പാളി ചെമ്പുപാളിയായി മാറിയ വിവാദത്തില്‍ എസ്‌ഐടി അന്വേഷണത്തിന് ഉത്തരവിട്ട് ഹൈക്കോടതി. എഡിജിപി എച്ച് വെങ്കിടേഷിനാണ് അന്വേഷണ ചുമതല. എഡിജിപിയുടെ നേതൃത്വത്തില്‍ അന്വേഷണം നടത്തണമെന്ന് സര്‍ക്കാരും ദേവസ്വം ബോര്‍ഡും ഹൈക്കോടതിയില്‍ ആവശ്യപ്പെട്ടിരുന്നു. ഇന്ത്യന്‍ ശിക്ഷാ നിയമം അനുസരിച്ച് ഗുരുതര കുറ്റങ്ങള്‍ നിലനില്‍ക്കുമെന്ന് ഹൈക്കോടതി .വാകത്താനം സിഐ അനീഷ് ജോയ്, കൈപ്പമംഗലം സിഐ ബിജു രാധാകൃഷ്ണന്‍, കൊച്ചി സൈബര്‍ പൊലീസ് സി ഐ സുനില്‍ കുമാര്‍, പൊലീസ് അക്കാദമി അസിസ്റ്റന്റ് ഡയറക്ടര്‍ എസ് ശശിധരന്‍ എന്നിവരാണ് സംഘത്തില്‍. യഥാര്‍ത്ഥ കുറ്റവാളികളെ നിയമത്തിന് മുന്നിലെത്തിക്കണമെന്നും ഹൈക്കോടതി നിര്‍ദേശിച്ചു. അതേസമയം സ്വര്‍ണപ്പാളി വിഷയത്തില്‍ സഭയില്‍ പ്രതിപക്ഷ പ്രതിഷേധം ശക്തമായി. പ്രതിപക്ഷ നേതാവ് വി ഡി സതീശന്‍ വിഷയം അവതരിപ്പിച്ചെങ്കിലും അതവഗണിച്ച് സ്പീക്കര്‍ എ എന്‍ ഷംസീര്‍ ചോദ്യോത്തര വേളയിലേക്ക് കടന്നു. എന്നാല്‍ പ്രതിപക്ഷാംഗങ്ങള്‍ പ്രതിഷേധിച്ചു. ധനമന്ത്രി കെഎന്‍ ബാലഗോപാലിന്റെ പ്രസംഗം തടസപ്പെട്ടതോടെ ഭരണപക്ഷ എംഎല്‍എമാര്‍ എഴുന്നേറ്റു. ഇതോടെ ഭരണ പ്രതിപക്ഷ ബഹളമായി.

കൊച്ചി: യുവ കത്തോലിക്കർ തങ്ങളെത്തന്നെ “സഭയുടെ വർത്തമാനവും ഭാവിയും” ആയി അംഗീകരിക്കണമെന്ന് സിസിബിഐയുടെയും എഫ്എബിസിയുടെയും പ്രസിഡന്റും ഗോവ ആർച്ച് ബിഷപ്പുമായ കർദ്ദിനാൾ ഫിലിപ്പ് നേരി ഫെറാവോ. കേരളത്തിലെ മുരിങ്ങൂരിലെ ഡിവൈൻ റിട്രീറ്റ് സെന്ററിൽ നടന്ന ഇന്ത്യൻ കാത്തലിക് യൂത്ത് മൂവ്‌മെന്റിന്റെ (ഐസിവൈഎം) രജത ജൂബിലി ആഘോഷത്തിൽ ദിവ്യബലിമധ്യേ സംസാരിക്കുകയായിരുന്നുണദ്ദേഹം . അഞ്ച് ദിവസത്തെ ദേശീയ യുവജന പരിപാടിയുടെ സമ്മേളനത്തിൽ 2,500-ലധികം യുവ നേതാക്കളും 200 പുരോഹിതന്മാരും ഒത്തുകൂടി. “നിങ്ങൾ സഭയ്ക്കും ലോകത്തിനും പ്രത്യാശയുടെ വാഹകരാണ്,” കർദ്ദിനാൾ ഫെറാവോ യുവാക്കളോട് പറഞ്ഞു, യേശുവിനോടും സഭയോടും അടുത്തുനിൽക്കാൻ അവരെ പ്രേരിപ്പിച്ചു. വിശുദ്ധ കാർലോ അക്യുട്ടിസിന്റെ മാതൃക ഉദ്ധരിച്ചുകൊണ്ട്, ക്രിസ്തുവിനെ പ്രഘോഷിക്കുന്നതിനായി അവരുടെ കഴിവുകൾ ഉപയോഗിക്കാൻ അദ്ദേഹം യുവ നേതാക്കളെ പ്രോത്സാഹിപ്പിച്ചു.

ഗാസ സമാധാന ചര്‍ച്ചകള്‍ക്ക് ഇന്ന് തുടക്കമാകും. ഈജിപ്തിലെ ഷറം അല്‍ ശൈഖില്‍ വെച്ചാണ് ചര്‍ച്ച.

കഴിഞ്ഞ വര്‍ഷം ഒക്ടോബറിൽ ഫ്രാൻസിസ് മാർപാപ്പ പുറത്തിറക്കിയ “ദിലെക്സിറ്റ് നോസ്” (അവൻ നമ്മെ സ്നേഹിച്ചു) എന്ന പേരിന്റെ തുടർച്ചയെ സൂചിപ്പിക്കാൻ ലെയോ പാപ്പ ആഗ്രഹിക്കുന്നുവെന്നാണ് തലക്കെട്ടില്‍ നിന്നു വ്യക്തമാകുന്നത്

സ്വിറ്റ്സർലണ്ടിൻറെ രാഷ്ട്രപതി ശ്രീമതി കെറിൻ കെല്ലെർ പാപ്പായുമായും വത്തിക്കാൻ സംസ്ഥാന കാര്യദർശിയുമായും വെള്ളിയാഴ്ച കൂടിക്കാഴ്ച നടത്തി.

കൊച്ചി: കേരളത്തില്‍ സ്ത്രീകള്‍ക്കും കുട്ടികള്‍ക്കും എതിരെ വര്‍ധിച്ചു വരുന്ന അക്രമങ്ങളില്‍ കമ്മീഷന്‍ ഉത്ക്കണ്ഠ രേഖപെടുത്തി. ഇതിനെതിരെ രാഷ്ട്രിയ പ്രസ്ഥാനങ്ങളും, മത-സാംസ്‌കാരിക സംഘടനകളും ശക്തമായി രംഗത്ത് വരണമെന്ന് കമ്മീഷന്‍ ആവശ്യപ്പെട്ടു. സാമൂഹിക അതിക്രമങ്ങളിലേക്ക് നയിക്കുന്ന മദ്യം, മയക്കുമരുന്ന് ഇവയ്‌ക്കെതിരെ സ്ത്രീ സമൂഹം ഒന്നിച്ച് പ്രതികരിക്കണമെന്ന് കമ്മീഷന്‍ ആവശ്യപ്പെട്ടു. എറണാകുളം പിഒസി ആസ്ഥാനത്തു നടന്ന നേതൃത്വസംഗമം കെസിബിസി വിമന്‍സ് കമ്മീഷന്‍ ചെയര്‍മാന്‍ ബിഷപ്പ് മാര്‍ പീറ്റര്‍ കൊച്ചുപുരക്കല്‍ ഉത്ഘാടനം ചെയ്തു. എക്‌സിക്യൂട്ടീവ് സെക്രട്ടറി ഡോ. ജിബി ഗീവറുഗീസ് സമ്മേളനയോഗത്തില്‍ അധ്യക്ഷയായിരുന്നു. സ്പിരിച്വല്‍ ഡയറക്ടര്‍ ഫാ. ബിജു കല്ലുങ്കല്‍, കെസിബിസി ഡെപ്യൂട്ടി സെക്രട്ടറി ജനറല്‍ ഫാ. തോമസ് തറയില്‍, ഡെല്‍സി ലുക്കാച്ചന്‍, സിസ്റ്റര്‍ നിരഞ്ജന, ഷേര്‍ലി സ്റ്റാന്‍ലി, അഡ്വ . മിനി ഫ്രാന്‍സിസ്, തുടങ്ങിയവര്‍ പ്രസംഗിച്ചു. ക്രൈസ്തവ ജീവിതാധിഷ്ഠ മൂല്യങ്ങളുള്ള നേതാക്കളെയാണ് സഭയ്ക്ക് ഇന്നാവശ്യം എന്ന് പീറ്റർ പിതാവ് . കുടുംബ മൂല്യങ്ങളും സനാതന ധർമ്മങ്ങളും സാമൂഹിക സാംസ്കാരിക അവബോധവും നേതാക്കളിൽ വളർത്തി എടുക്കണം സ്ത്രീകളും…