Author: admin

എറണാകുളം: പത്തൊമ്പതാം നൂറ്റാണ്ടിലെ പ്രത്യേക സാമൂഹിക സാഹചര്യത്തില്‍ സ്ത്രീസമൂഹത്തിന്റെ ഉയര്‍ച്ചയ്ക്കു വേണ്ടി തന്റെ ജീവിതം തന്നെ ഉഴിഞ്ഞുവച്ച് മലയാളക്കരയില്‍ സ്ത്രീസന്ന്യാസസമര്‍പ്പണത്തിന്റെ ആദ്യ മാതൃക രൂപപ്പെടുത്തിയ ധന്യയായ മദര്‍ ഏലീശ്വയുടെ പുണ്യജീവിതത്തിന്റെ മഹിമ അതിന്റെ ചരിത്രഭൂമികയില്‍ കൂടുതല്‍ മിഴിവോടെ അടയാളപ്പെടുത്തേണ്ടതുണ്ടെന്ന് മുന്‍ എംപിയും കേരള ലാറ്റിന്‍ കാത്തലിക് ഹിസ്റ്ററി അസോസിയേഷന്‍ പ്രസിഡന്റുമായ ഡോ. ചാള്‍സ് ഡയസ് പറഞ്ഞു. കേരളത്തിലെ ആദ്യ സന്ന്യാസിനിയും ഭാരതത്തിലെ ആദ്യ കര്‍മലീത്താ സന്ന്യാസിനീ സമൂഹത്തിന്റെ സ്ഥാപികയുമായ മദര്‍ ഏലീശ്വയെ സാര്‍വത്രിക സഭ വാഴ്ത്തപ്പെട്ടവളായി പ്രഖ്യാപിക്കുന്നതിന്റെ പശ്ചാത്തലത്തില്‍, മദര്‍ തന്റെ സമര്‍പ്പിത ജീവിതത്തിന്റെ രണ്ടാം ഘട്ടത്തില്‍ 23 വര്‍ഷം ജീവിക്കുകയും സ്വര്‍ഗീയ സമ്മാനത്തിനായി വിളിക്കപ്പെടുകയും ചെയ്ത, തെരേസ്യന്‍ കര്‍മലീത്താ സമൂഹത്തിന്റെ (സിടിസി) മാതൃഭവനമായ വരാപ്പുഴ സെന്റ് ജോസഫ് കോണ്‍വെന്റില്‍ സംഘടിപ്പിച്ച ‘എലിഷേവ 2025’ സിമ്പോസിയം ഉദ്ഘാടനം ചെയ്യുകയായിരുന്നു അദ്ദേഹം.ദൈവം നിയോഗിച്ച വഴിയിലൂടെ നടന്ന മദര്‍ ഏലീശ്വ സ്ഥാപിച്ച പ്രഥമ കര്‍മലീത്താ നിഷ്പാദുക മൂന്നാം സഭ (ടിഒസിഡി) എന്ന സന്ന്യാസിനീ സമൂഹത്തില്‍…

കോഴിക്കോട്: വംശഹത്യ നേരിടുന്ന പലസ്തീന് പിന്തുണ നൽകുന്ന കേരളത്തിന് നന്ദി അറിയിച്ച് പലസ്തീൻ അംബാസഡർ അബ്ദുല്ല അബു ഷാവേഷ്. കേരളത്തിന്റെ മനുഷ്യത്വത്തിന്റെ ശബ്ദം അതിർത്തി കടന്ന് എത്തുന്നതായും എൽഡിഎഫ് കോഴിക്കോട് സംഘടിപ്പിച്ച പലസ്തീൻ ഐക്യദാർഢ്യ സദസിൽ അബ്ദുല്ല അബു ഷാവേഷ് പറഞ്ഞു. ഇസ്രയേൽ നടത്തുന്ന വംശഹത്യക്കെതിരെ എല്ലാവരും സമൂഹമാധ്യമങ്ങളിൽ പലസ്തീൻ അനുകൂല പോസ്റ്റുകൾ തുടർച്ചയായി ഇടണമെന്നും അദ്ദേഹം ആവശ്യപ്പെട്ടു . പലസ്തീനെ അംഗീകരിച്ച രാജ്യമാണ് ഇന്ത്യ. യുഎന്നിൽ ഇന്ത്യ പലസ്തീൻ അനുകൂല നിലപാടാണ് സ്വീകരിച്ചത്. ഇനിയും ഇന്ത്യയുടെ പിന്തുണ പ്രതീക്ഷിക്കുകയാണെന്നും അദ്ദേഹം പറഞ്ഞു. പലസ്തീനികളുടെ ചരിത്രത്തിന് നൂറ്റാണ്ടുകളുടെ പഴക്കമുണ്ട്. പഴയ ചരിത്രം മറച്ചുവെച്ച് പുതിയ സംഭവങ്ങൾ മാത്രമാണ് ചർച്ച ചെയ്യപ്പെടുന്നത്. പലസ്തീന്റെ അസ്ഥിത്വം ആർക്കും അവഗണിക്കാനാവില്ല- അബു ഷാവേഷ് പറഞ്ഞു.

ഫാ. ഡീൻ തോമസ് സോറെങ്ങിനും യുവജനങ്ങള്‍ക്കിടയില്‍ ശുശ്രൂഷ ചെയ്യുന്ന വൈദികനായ ഫാ. ഇമ്മാനുവൽ ബാഗ്‌വാറിനുമാണ് പരിക്കേറ്റത്.

കൊച്ചി: എല്ലാത്തിനും ഉത്തരം നൽകുന്ന, എല്ലാത്തിനെയും ഒന്നിപ്പിക്കുന്ന ആശയമാണ് ഗാന്ധിയെന്ന് വി ഡി സതീശൻ. ഫാസിസ്റ്റ് വിരുദ്ധ പോരാട്ടങ്ങൾക്ക് കാലാതീതമായ മാതൃകയാണ് അദ്ദേഹമെന്നും പ്രതിപക്ഷ നേതാവ് ഫെയ്സ്ബുക്കിൽ കുറിച്ചു.വിഡി സതീശന്റെ ഫെയ്സ്ബുക്ക് കുറിപ്പിന്റെ പൂർണരൂപം: ജാതി, മത, വർഗ, വർണ, ദേശ, ഭാഷാ വ്യത്യാസങ്ങളില്ലാതെ എല്ലാത്തിനെയും ഒന്നായി കാണുന്ന, എല്ലാത്തിനും ഉത്തരം നൽകുന്ന, എല്ലാത്തിനെയും ഒന്നിപ്പിക്കുന്ന ആശയമാണ് ഗാന്ധി. ഗാന്ധിയൻ ആശയ സംഹിതയുടെ അന്തസത്ത കൊണ്ട് ആറ്റിക്കുറുക്കി എടുത്തതാണ് ഇന്ത്യ. സത്യം എന്ന വാക്കിന് മറുപേരാകുന്നു ഗാന്ധി. ഓരോ അനുഭവത്തിലും ഓരോ സമരമുഖത്തും ഗാന്ധിജി പുനർജനിക്കുന്നു. ലോകത്തിലെ എല്ലാ സ്വാതന്ത്ര്യ – അതിജീവന- ഫാഷിസ്റ്റ് വിരുദ്ധ പോരാട്ടങ്ങൾക്കും കാലാതീതമായ മാതൃക തീർക്കുകയായിരുന്നു ഗാന്ധി. ഇന്നും ഗാന്ധിസം പ്രസക്തമാകുന്നതും വഴിവെളിച്ചവും ഊർജവും തിരുത്തലുമായി മാറുന്നതും അതിനാലാണ്.

കണ്ണൂര്‍: കൂത്തുപറമ്പ് എംഎല്‍എ കെ പി മോഹനനെ നാട്ടുകാർ കയ്യേറ്റം ചെയ്തു . പ്രദേശത്തെ മാലിന്യ പ്രശ്‌നം പരിഹരിക്കാന്‍ ഇടപെട്ടില്ലെന്ന് ആരോപിച്ചുണ്ടായ വാക്കുതര്‍ക്കമാണ് എംഎല്‍എയ്ക്ക് എതിരായ കയ്യേറ്റത്തില്‍ കലാശിച്ചത്. പ്രദേശത്ത് പ്രവര്‍ത്തിക്കുന്ന ഡയാലിസിസ് സെന്ററില്‍ നിന്നും മാലിന്യം പുറത്തേക്ക് ഒഴുകുന്നു എന്ന പ്രശ്‌നം ഉന്നിയിച്ച് നാട്ടുകാര്‍ പ്രതിഷേധം നടത്തിവരുകയായിരുന്നു. ഇതിനിടെയാണ് അംഗന്‍വാടി ഉദ്ഘാടനത്തിനായി കെ പി മോഹനന്‍ എംഎല്‍എ പെരിങ്ങത്തൂരില്‍ എത്തിയത്. മാലിന്യ പ്രശ്‌നം നാട്ടുകാര്‍ അറിയിച്ചിട്ടും പ്രതിഷേധത്തെ വേണ്ടവിധം എംഎല്‍എ പരിഗണിച്ചില്ല എന്നതാണ് തര്‍ക്കത്തിന് ഇടയാക്കിയത്.

ഇറ്റലി : യുദ്ധങ്ങളും, പീഡനങ്ങളും കാരണവും, മാനവികാവകാശങ്ങൾ ഇല്ലാതാക്കപ്പെടുന്നതിനാലും, അതികഠിന ദാരിദ്ര്യത്താലും പട്ടിണിയാലും, മാനവികപ്രതിസന്ധികളാലുമാണ് നിരവധിയാളുകൾ സ്വരാജ്യങ്ങൾ ഉപേക്ഷിച്ച് കുടിയേറാൻ നിർബന്ധിതരാകുന്നത് . കുടിയേറ്റശ്രമങ്ങളുടെ ഭാഗമായുള്ള യാത്രയിൽ മുപ്പത്തിരണ്ടായിരത്തിയെഴുന്നൂറിലധികം പേർ കഴിഞ്ഞ പത്തുവർഷങ്ങളിൽ മെഡിറ്ററേനിയൻ കടലിൽ മരണമടയുകയോ കാണാതാകപ്പെടുകയോ ചെയ്തതെന്ന് സേവ് ദി ചിൽഡ്രൻ അന്താരാഷ്ട്രസംഘടന. 2025-ൽ മാത്രം ആയിരത്തിയിരുന്നൂറോളം പേരാണ് ഈ കണക്കിൽപ്പെട്ടിരിക്കുന്നതെന്നും ഒക്ടോബർ ഒന്നാം തീയതി പുറത്തുവിട്ട ഒരു പത്രക്കുറിപ്പിൽ സംഘടന എഴുതി. ഇങ്ങനെ മരണമടയുകയും കാണാതാവുകയും ചെയ്തവരിൽ നിരവധി കുട്ടികളുമുണ്ടായിരുന്നുവെന്ന് സംഘടന വ്യക്തമാക്കി . 2025-ൽ മാത്രം അൻപതിനായിരത്തിൽപ്പരം ആളുകൾ അഭയാർത്ഥികളും കുടിയേറ്റക്കാരുമായി ഇറ്റലിയിലേക്കെത്തിയിട്ടുണ്ടെന്ന് എഴുതിയ സേവ് ദി ചിൽഡ്രൻ, ഇവരിൽ 9,156 പേർ മാതാപിതാക്കളുടെയോ മുതിർന്നവരുടെയോ ഒപ്പമല്ലാതെയെത്തിയ പ്രായപൂർത്തിയാകാത്ത കുട്ടികളായിരുന്നു. 2025-ൽ മുതിർന്നവർ കൂടെയില്ലാത്ത ഒൻപതിനായിരത്തിലധികം പ്രായപൂർത്തിയാകാത്ത കുട്ടികൾ കടൽ കടന്നെത്തിയെന്നും, മൊത്തം കുടിയേറ്റക്കാരുടെ പതിനെട്ട് ശതമാനവും കുട്ടികളാണെന്നും, കുട്ടികളുടെ അവകാശങ്ങൾക്കുവേണ്ടി പ്രവർത്തിക്കുന്ന അന്താരാഷ്ട്രസംഘടന വിശദീകരിച്ചു. നമ്മുടെ മനഃസാക്ഷിയുണർത്തേണ്ട ഈ കണക്കുകളുടെ മുന്നിൽ, കടലിൽപ്പെടുന്ന ആളുകളെ…

കൊച്ചി : ഗാന്ധിജയന്തി ആശംസകൾ നേർന്ന് മുഖ്യമന്ത്രി പിണറായി വിജയൻ സാമൂഹികമാധ്യമങ്ങളിൽ കുറിച്ചു- ‘സമൂഹത്തിൽ ഭിന്നിപ്പുണ്ടാക്കുന്നവർക്കെതിരെയുള്ള നമ്മുടെ ചെറുത്തുനിൽപ്പുകൾക്ക് ഗാന്ധിയുടെ സ്മരണ എക്കാലവും ഊർജ്ജം പകരും’എഫ് ബി പോസ്റ്റിന്റെ പൂർണ്ണരൂപം – ഇന്ന് ഗാന്ധി ജയന്തിയാണ്. സ്വന്തം ജീവിതം തന്നെ ലോകത്തിനുള്ള സന്ദേശമാക്കി മാറ്റുകയാണ് ഗാന്ധിജി ചെയ്തത്. ജനാധിപത്യത്തിനും മതനിരപേക്ഷതയ്ക്കുമായി വിട്ടുവീഴ്ചയില്ലാതെ നിലകൊണ്ടു എന്ന കാരണത്താലാണ് രാഷ്ട്രപിതാവിനെ ഹിന്ദുത്വ വർഗ്ഗീയ ഭ്രാന്തൻ വെടിവെച്ചു കൊന്നത്. ഇന്ത്യൻ മണ്ണിലെ വിഭജന രാഷ്ട്രീയത്തിനും വിഭാഗീയ ആശയങ്ങൾക്കും ഗാന്ധിജിയും അദ്ദേഹത്തിന്റെ ആശയങ്ങളും പ്രതിബന്ധങ്ങൾ തീർത്തു. അതാണ് വർഗ്ഗീയവാദികളെ പ്രകോപിപ്പിച്ചത്. ഇന്ത്യയെന്ന ആശയത്തിനുവേണ്ടി തന്നെയാണ് ഗാന്ധി സ്വന്തം ജീവൻ ബലി നൽകിയത്. ഗാന്ധിവധത്തെ തുടർന്ന് നിരോധിക്കപ്പെട്ട സംഘടനയായ ആർഎസ്എസിന്റെ നൂറാം വാർഷികത്തോടനുബന്ധിച്ച് കേന്ദ്ര സർക്കാർ തപാൽ സ്റ്റാമ്പും നാണയവും പുറത്തിറക്കിയത് ഇന്നലെയാണ്. ഭരണഘടനയെ തന്നെ അവഹേളിക്കുന്ന തീരുമാനമാണിത്. ആർഎസ്എസിന് ഇങ്ങനെയൊരു അംഗീകാരം നൽകാൻ ഗാന്ധിജയന്തിയുടെ തലേദിവസം തന്നെ തെരഞ്ഞെടുത്തത്, ഗാന്ധി സ്മൃതിപോലും സംഘപരിവാർ ഭയപ്പെടുകയാണെന്നതിന്റെ തെളിവാണ്. ഗാന്ധി…

ഗാസ : ഗാസയിലേക്ക് സഹായവുമായി വന്ന ബോട്ടുകൾ ഇസ്രായേൽ നാവികസേന തടഞ്ഞു. സ്വീഡിഷ് ആക്ടിവിസ്റ്റായ ഗ്രേറ്റ തുൻബെർഗ് ഉൾപ്പെടെയുള്ള പ്രവർത്തകരെ കസ്റ്റഡിയിലെടുത്തു. ഗ്ലോബൽ സുമുദ് ഫ്ലോട്ടില്ലയുടെ (ജിഎസ്എഫ്) ഭാഗമായ നിരവധി കപ്പലുകൾ “സുരക്ഷിതമായി നിർത്തിവച്ചിട്ടുണ്ടെന്നും” അതിലുള്ളവ ഇസ്രായേലി തുറമുഖത്തേക്ക് മാറ്റുകയാണെന്നും ഇസ്രായേൽ വിദേശകാര്യ മന്ത്രാലയം അറിയിച്ചു.”സജീവമായ ഒരു യുദ്ധ മേഖലയിലേക്ക്” അടുക്കുന്നതിനാൽ കപ്പലുകളുടെ ഗതി മാറ്റാൻ നാവികസേന പറഞ്ഞതായും അതിൽ കൂട്ടിച്ചേർത്തു. പ്രാദേശിക സമയം വ്യാഴാഴ്ച പുലർച്ചെ, 30 ബോട്ടുകൾ ഇപ്പോഴും “ഗാസയിലേക്ക് കൃത്യമായി സഞ്ചരിക്കുന്നുണ്ടെന്നും” അവ ഉദ്ദേശിച്ച ലക്ഷ്യസ്ഥാനത്ത് നിന്ന് 46 നോട്ടിക്കൽ മൈൽ അകലെയാണെന്നും ജിഎസ്എഫ് പറഞ്ഞു.ഈ തടസ്സപ്പെടുത്തൽ “നിയമവിരുദ്ധം” എന്ന് അവർ വിശേഷിപ്പിച്ചു.ഫ്ലോട്ടില്ലയിലെ ബോട്ടുകൾ ജലപീരങ്കികൾ ഉപയോഗിച്ച് ആക്രമിച്ചുവെന്നും സംഘം ആരോപിച്ചു. “ഗാസ പട്ടിണി കിടക്കുകയും ഒറ്റപ്പെടുകയും ചെയ്യുന്നത് ഉറപ്പാക്കാൻ അധിനിവേശക്കാർ എത്രത്തോളം പോകുമെന്ന് ഇത് വ്യക്തമായി വെളിപ്പെടുത്തുന്നു,” ജിഎസ്എഫ് സോഷ്യൽ മീഡിയയിൽ എഴുതി.

മുനമ്പം: സ്വന്തം ഭൂമിയുടെ റവന്യൂ അവകാശങ്ങൾ പുനസ്ഥാപിക്കുന്നതിന് വേണ്ടി സമരം ചെയ്യുന്ന മുനമ്പം ജനതയ്ക്ക് ഐക്യദാർഢ്യം പ്രഖ്യാപിച്ചുകൊണ്ട് കെഎൽസിഎ കോട്ടപ്പുറം രൂപത സമിതി അംഗങ്ങൾ സമരത്തിന്റെ 354 ദിവസമായ ഇന്നലെ സമരപ്പന്തലിൽ എത്തി സമര നേതാക്കൾക്ക് ഐക്യദാർഢ്യം അർപ്പിച്ചു. കെഎൽസിഎ കോട്ടപ്പുറം രൂപതാ പ്രസിഡണ്ട് അനിൽ കുന്നത്തൂർ ഉദ്ഘാടനം ചെയ്തു. ഭൂസംരക്ഷണ സമിതി ചെയർമാൻ സെബാസ്റ്റ്യൻ പാലക്കൽ അധ്യക്ഷത വഹിച്ചു. KLCA കോട്ടപ്പുറം രൂപത ജനറൽ സെക്രട്ടറി ജോൺസൺ മങ്കുഴി, ടോമി തൗണ്ടശ്ശേരി, ജോൺസൺ വാളൂർ, ഫാദർ മോൺസി അറക്കൽ,ജോസഫ് കളങ്ങര, ബെന്നി ജോസഫ് എന്നിവർ പ്രസംഗിച്ചു

ന്യൂഡൽഹി: ഇന്ന് ഗാന്ധി ജയന്തി. രാഷ്ട്രപിതാവ് മഹാത്മാഗാന്ധിയുടെ 156-ാം ജന്മദിനം.ഇന്ത്യൻ സ്വാതന്ത്ര്യസമരം, ലോകത്തിലെ തന്നെ ഏറ്റവും വലിയ സ്വാതന്ത്ര്യ പോരാട്ടമായിരുന്നു . സ്വാതന്ത്ര്യ സമരത്തിൽ ഒരു പങ്കുമില്ലാത്തവർ,ഗാന്ധിജിയെ വെടിവച്ചുകൊന്നവന്റെ അനുയായികൾ രാജ്യം ഭരിക്കുമ്പോൾ ഗാന്ധിയുടെ ഓർമ്മകൾ ഉയർത്തിപ്പിടിച്ചുള്ള പോരാട്ടങ്ങൾ ശക്തിപ്പെടുത്തണമെന്ന് തന്നെയാണ് ഈ ദിനത്തിന്റെ സന്ദേശം. ഗാന്ധിജി മാനവികതയ്ക്ക് മുഴുവൻ പ്രചോദനമാകുന്ന സമാധാനത്തിൻറെയും സഹിഷ്‌ണുതയുടെയും സത്യത്തിൻറെയും സന്ദേശം നൽകിയെന്ന് രാഷ്‌ട്രപതി ദ്രൗപദി മുർമു അനുസ്മരിച്ചു . തൊട്ടുകൂടായ്‌മയും നിരക്ഷരതയും ലഹരിയോടുള്ള അടിമത്തവും മറ്റ് സാമൂഹ്യ അനാചാരങ്ങളും ഇല്ലാതാക്കാൻ അദ്ദേഹം തൻറെ ജീവിതം സമർപ്പിച്ചുവെന്നും രാഷ്‌ട്രപതി ചൂണ്ടിക്കാട്ടി. രാഷ്ട്രപതിയുടെയും പ്രധാനമന്ത്രി നരേന്ദ്രമോദിയുടെയും നേതൃത്വത്തിൽ രാജ്യം അദ്ദേഹത്തിന് ആദരമർപ്പിച്ചു.മുൻ പ്രധാനമന്ത്രി ലാൽ ബഹാദൂർ ശാസ്‌ത്രിയുടെയും ജന്മ ദിനമാണ് ഇന്ന്. അദ്ദേഹത്തിനും മോദി ആദരമർപ്പിച്ചു. ഇന്ത്യ ഇവരുടെ കാലടികൾ പിന്തുടരുമെന്നും അവരുടെ കാഴ്‌ചപ്പാടുകളായ ആത്മനിർഭർ, വികസിത് ഭാരത് എന്നിവയിലൂന്നി മുന്നോട്ട് പോകുമെന്നും പ്രധാനമന്ത്രി പറഞ്ഞു.