ബെയ്റൂട്ട്: വെല്ലുവിളികൾക്ക് നടുവിൽ ക്രിസ്തുവിൽ ആശ്രയം അർപ്പിച്ചു ലെബനൻ. മിഡിൽ ഈസ്റ്റിലെ ഏറ്റവും വലിയ ക്രിസ്തുവിന്റെ രൂപം ലെബനൻ നിർമ്മിക്കുന്നു – അതിന്റെ നിർമ്മാണത്തിന്റെ വിവിധ ഘട്ടങ്ങളുടെ വീഡിയോ ലോകമെമ്പാടുമുള്ള ക്രിസ്ത്യാനികളെ പ്രചോദിപ്പിക്കുന്നു. സിറിയയ്ക്കടുത്തുള്ള ക്രിസ്ത്യൻ അതിർത്തി പട്ടണമായ എൽ ക്വയിൽ നിന്നുള്ള ബെക്കാ സമതലത്തിന് അഭിമുഖമായി ജബൽ അൽ-സാലിബിലാണ് (“കുരിശിന്റെ പർവ്വതം”) ക്രിസ്തുവിന്റെ കൂറ്റൻ രൂപം സ്ഥാപിക്കുന്നത്. കഷ്ടപ്പാടുകൾ കൊണ്ട് വളരെക്കാലമായി പരീക്ഷിക്കപ്പെട്ട ഒരു സമൂഹത്തിന് വിശ്വാസം, സഹിഷ്ണുത, പ്രത്യാശ എന്നിവയുടെ പ്രതീകമായി ക്രിസ്തുവിന്റെ രൂപം മാറി.
രൂപകൽപ്പനയ്ക്കും നിർവ്വഹണത്തിനും മേൽനോട്ടം വഹിച്ച എഞ്ചിനീയർ ജോയി മാറ്റർ, പദ്ധതിയെക്കുറിച്ചുള്ള കൂടുതൽ വിവരങ്ങൾ മാധ്യമങ്ങളോട് പങ്കിട്ടു. പ്രതിമയ്ക്ക് 15 മീറ്റർ ഉയരമുണ്ട്, 5 മീറ്റർ അടിത്തറയിലാണ് സ്ഥാപിച്ചിരിക്കുന്നത്, ചുറ്റുമുള്ള പള്ളിയുടെ ആകെ ഉയരം ഏകദേശം 23 മീറ്ററാണ്. സ്മാരകത്തിന് താഴെ, ഒരു പുതിയ പള്ളിയും നിർമ്മാണത്തിലാണ്. ഒരു സ്റ്റീൽ ഫ്രെയിം, മോൾഡഡ് സെർഫോം, സംരക്ഷണത്തിനായി ഫൈബർഗ്ലാസ് റെസിൻ പൂശിയ ഈ രൂപം വരും വർഷങ്ങളിൽ കഠിനമായ പർവത-കാലാവസ്ഥയെ നേരിടാൻ രൂപകൽപ്പന ചെയ്തിട്ടുള്ളതാണ്.
ക്രിസ്തു വിശ്വാസത്തിന്റെയും പ്രതിരോധത്തിന്റെയും ശക്തമായ പ്രതീകമെന്ന നിലയിലാണ് ബ്രസീലിലെ പ്രസിദ്ധമായ ക്രൈസ്റ്റ് ദി റിഡീമർ രൂപത്തിന് സമാനമായ ഈശോയുടെ ശിൽപ്പവും സ്ഥാപിക്കപ്പെട്ടത്. ഈശോയുടെ ശിരസ് ഉൾപ്പെടെയുള്ള ഭാഗങ്ങൾ രൂപത്തോട് ഒന്നിപ്പിക്കുന്ന വീഡിയോ ഇൻസ്റ്റാഗ്രാം ഉൾപ്പെടെ നവമാധ്യമങ്ങളിൽ ശ്രദ്ധ നേടിയിരിന്നു.
2025 സെപ്റ്റംബറിൽ ആരംഭിച്ച പദ്ധതിക്ക് എഞ്ചിനീയറായ ജോയി മാറ്ററിന്റെ നേതൃത്വത്തിലുള്ള സംഘമാണ് ഏകോപനം നടത്തിയത്. ലോകമെമ്പാടുമുള്ള സമാധാനത്തെയും സംരക്ഷണത്തെയും പ്രതിനിധീകരിക്കുന്ന ക്രിസ്തുവിന്റെ മറ്റ് രൂപങ്ങൾപ്പോലെ ലെബനോന്റെ അതിർത്തിയിലുള്ള പുതിയ സ്മാരകം ആഴമേറിയ ആത്മീയ സന്ദേശമാണ് പകരുന്നതെന്നും ലെബനോനിലെ തുടർച്ചയായ പ്രതിസന്ധികൾ മൂലമുണ്ടായ വെല്ലുവിളികൾക്കിടയിലും തൊഴിലാളികൾക്കും താമസക്കാർക്കും ഉന്മേഷം പകരുന്നതാണ് പുതിയ രൂപമെന്നും പ്രദേശവാസികൾ സാക്ഷ്യപ്പെടുത്തുന്നു.
