ന്യൂജേഴ്‌സി:കോപ്പ അമേരിക്ക ക്വാര്‍ട്ടറില്‍ ഇക്വഡോറിനെതിരെ അര്‍ജന്‍റീനയ്‌ക്ക് ജയം. ഷൂട്ടൗട്ടിലേക്ക് നീങ്ങിയ മത്സരത്തില്‍ അര്ജന്റീന ജയം പിടിച്ചത് 4-2 എന്ന സ്കോറിന്. ഷൂട്ടൗട്ടില്‍ മെസിയുടെ കിക്ക് ലക്ഷ്യം കണ്ടില്ല. . സൂപ്പര്‍ താരം ലയണല്‍ മെസി പെനാല്‍റ്റി നഷ്‌ടപ്പെടുത്തിയ മത്സരത്തില്‍ ഗോള്‍ കീപ്പര്‍ എമിലിയാനോ മാര്‍ട്ടിനെസിന്‍റെ മികവിലാണ് അര്ജന്റീന മത്സരത്തില്‍ ജയം നേടിയത് .
ഹൂലിയൻ അല്‍വാരസ്, മാക് അലിസ്റ്റര്‍, ഗോണ്‍സാലോ മൊണ്ടിയെല്‍, നിക്കോളസ് ഒട്ടമെൻഡി എന്നിവരാണ് അര്‍ജന്‍റീനയ്‌ക്കായി ലക്ഷ്യം കണ്ടത്. ഇക്വഡോറിന്‍റെ ഏയ്‌ഞ്ചല്‍ മെന, അലൻ മിൻഡ എന്നിവരുടെ കിക്കുകളാണ് മാര്‍ട്ടിനെസ് തടുത്തിട്ടത്. നിശ്ചിത സമയത്ത് ഇരു ടീമും ഓരോ ഗോളുകള്‍ നേടി സമനില പാലിച്ചതോടെയാണ് മത്സരം ഷൂട്ടൗട്ടിലേക്ക് നീങ്ങിയത്.
