വത്തിക്കാൻ സിറ്റി: ശ്വാസകോശത്തിലെ അർബുദബാധയെ തുടർന്ന് ശസ്ത്രക്രിയയ്ക്കു വിധേയനായ ലെയോ പതിനാലാമൻ പാപ്പായുടെ ആരോഗ്യനില തൃപ്തികരമായി തുടരുന്നതിനാൽ ഉറുഗ്വേ, അർജന്റീന, പെറു എന്നീ ലാറ്റിൻ അമേരിക്കൻ രാജ്യങ്ങളിലേക്കുള്ള യാത്ര മുൻനിശ്ചയിച്ച പ്രകാരം നടക്കുമെന്ന് പരിശുദ്ധ സിംഹാസനത്തിന്റെ പ്രസ്സ് ഓഫീസ് അറിയിച്ചു.
ശസ്ത്രക്രിയയ്ക്കു ശേഷം വത്തിക്കാനിൽ മടങ്ങിയെത്തിയ പാപ്പാ, ഡോക്ടർമാരുടെ നിർദേശങ്ങൾ പാലിച്ച് ഔദ്യോഗിക ചുമതലകൾ ഘട്ടംഘട്ടമായി പുനരാരംഭിച്ചിരിക്കുകയാണ്. സുഖം പ്രാപിക്കുന്നതിന് ആവശ്യമായ വിശ്രമം ഉറപ്പാക്കുന്നതിനൊപ്പം പ്രധാനപ്പെട്ട കൂടിക്കാഴ്ചകളിലും പൊതുപരിപാടികളിലും അദ്ദേഹം പങ്കെടുക്കുന്നുണ്ട്.ഒക്ടോബർ 26-ന് പുറത്തിറക്കിയ വാർത്താക്കുറിപ്പിലാണ് പാപ്പായുടെ ആരോഗ്യസ്ഥിതിയെക്കുറിച്ചുള്ള വിവരങ്ങൾ പ്രസ്സ് ഓഫീസ് വ്യക്തമാക്കിയത്. ആരോഗ്യപരമായ മുൻകരുതലുകൾ സ്വീകരിച്ചുകൊണ്ട് ദൈനംദിന പ്രവർത്തനങ്ങളും പ്രധാനപ്പെട്ട ഉത്തരവാദിത്തങ്ങളും അദ്ദേഹം നിർവഹിച്ചുവരികയാണെന്നും വാർത്താക്കുറിപ്പിൽ പറയുന്നു.
