ദൈവവിശ്വാസം ഏറ്റുപറഞ്ഞ് നോർവേയുടെ പുതിയ രാജാവ്

ഓസ്ലോ: നോർവേയുടെ പുതിയ രാജാവായി ചുമതലയേറ്റ ഹാക്കോൺ എട്ടാമൻ പാർലമെന്റിൽ നടത്തിയ സത്യപ്രതിജ്ഞയിൽ ദൈവവിശ്വാസം പരസ്യമായി പ്രഖ്യാപിച്ചു. സെപ്റ്റംബർ 1-ന് നടന്ന ചടങ്ങിൽ ഭരണപരമായ പുതിയ ഉത്തരവാദിത്തങ്ങൾ ഏറ്റെടുക്കുന്നതിനിടെ, ദൈവത്തിന്റെ സഹായം അഭ്യർഥിച്ചുകൊണ്ടാണ് അദ്ദേഹം സത്യപ്രതിജ്ഞ പൂർത്തിയാക്കിയത്. “സർവശക്തനും സർവജ്ഞനുമായ ദൈവമേ, എന്നെ സഹായിക്കൂ!” എന്ന വാക്കുകളോടെയാണ് രാജാവ് സത്യപ്രതിജ്ഞ അവസാനിപ്പിച്ചത്. രാജ്യത്തിന്റെ ഭരണചുമതല നിർവഹിക്കുന്നതിന് ദൈവത്തിന്റെ മാർഗനിർദേശവും സഹായവും ആവശ്യമാണെന്ന അദ്ദേഹത്തിന്റെ വിശ്വാസത്തിന്റെ പ്രതിഫലനമായാണ് ഈ വാക്കുകൾ ശ്രദ്ധിക്കപ്പെട്ടത്.ഹരാൾഡ് അഞ്ചാമൻ രാജാവിന്റെ വിയോഗത്തെ തുടർന്നാണ് ഹാക്കോൺ എട്ടാമൻ നോർവേയുടെ സിംഹാസനത്തിലെത്തിയത്. പുതിയ ഭരണാധികാരിയുടെ സത്യപ്രതിജ്ഞാ ചടങ്ങിൽ അദ്ദേഹത്തിന്റെ വിശ്വാസ പ്രഖ്യാപനവും ശ്രദ്ധേയമായി.