യുവജന ദിനാഘോഷം നടത്തി

കൊല്ലം: കെ.സി.വൈ.എം കൊല്ലം രൂപതയുടെ “അരികെ – കൂടെയുണ്ട് കെ.സി.വൈ.എം” പദ്ധതിയുടെ രൂപതാതല ഉദ്ഘാടനവും യുവജനദിനാഘോഷവും കെ.സി.വൈ.എം ഭാരതരാജ്ഞി യൂണിറ്റ് ഡയറക്ടർ ഫാ. ജോസഫ് ജോൺ, കെ.സി.വൈ.എം കൊല്ലം രൂപത ഡയറക്ടർ ഫാ. ജോ ആന്റണി അലക്സും സംയുക്തമായി നിർവഹിച്ചു. യുവജനങ്ങളെ ആത്മീയമായും സാമൂഹികമായും കൂടുതൽ അടുത്തുകൂട്ടുന്ന ലക്ഷ്യത്തോടെ രൂപീകരിച്ച ഈ പദ്ധതി വലിയ ശ്രദ്ധ നേടി.
യുവജന ദിനം 2026-ന്റെ ഭാഗമായി നടന്ന ആഘോഷങ്ങളുടെ ഭാഗമായി ദിവ്യബലി അർപ്പിക്കപ്പെട്ടു. തുടർന്ന് ഭാരതരാജ്ഞി യൂണിറ്റിന്റെ നേതൃത്വത്തിൽ മനോഹരമായ ഫ്ലാഷ് മോബ് അവതരിപ്പിച്ചു. യുവജനങ്ങളുടെ സജീവ പങ്കാളിത്തം പരിപാടിക്ക് പ്രത്യേക ആവേശം നൽകി.
രൂപതാതല യുവജന ദിനാഘോഷങ്ങൾക്ക് കെ.സി.വൈ.എം കൊല്ലം രൂപതാ പ്രസിഡണ്ട് അലക്സ് പതാക ഉയർത്തി തുടക്കം കുറിച്ചു. യുവജന ഐക്യവും സേവന മനോഭാവവും ശക്തിപ്പെടുത്തുന്ന സന്ദേശവുമായി പരിപാടികൾ സമാപിച്ചു.
കെ.സി.വൈ.എം യൂണിറ്റ് ഭാരവാഹികൾ, വൈദികർ, വിവിധ യൂണിറ്റുകളിലെ യുവജനങ്ങൾ എന്നിവർ ചടങ്ങുകളിൽ പങ്കെടുത്തു.