എഡിറ്റോറിയൽ / ജെക്കോബി വിശദമായ പദ്ധതിരേഖ പുറത്തുവിടാതെയും സമഗ്രമായ സാമൂഹിക, സാമ്പത്തിക, പരിസ്ഥിതി ആഘാതപഠനങ്ങള് നടത്താതെയും കടലോര നിയമസഭാ നിയോജകമണ്ഡലം കണക്കാക്കി സ്ട്രെച്ച് സ്ട്രെച്ചായി ഇടതുമുന്നണി സര്ക്കാര് നടപ്പാക്കാന് ശ്രമിക്കുന്ന തീരദേശ ഹൈവേ പദ്ധതിയില്, എറണാകുളം ജില്ലയിലെ വൈപ്പിന്-മുനമ്പം ഭാഗത്ത് 26 ഹെക്ടര് ഭൂമി ഏറ്റെടുക്കുന്നതിനുള്ള സര്വേ നടപടികളും വസ്തുവിന്റെ മൂല്യനിര്ണയവും ഈമാസം പൂര്ത്തിയാക്കാന് നിര്ദേശം നല്കിയിരിക്കുന്നു. പദ്ധതി നടപ്പാക്കേണ്ട ഒന്പതു തീരദേശ ജില്ലകളില് പലയിടത്തും കടലേറ്റവും തീരശോഷണവും അതിരൂക്ഷമായ മേഖലകളില് വര്ഷങ്ങള്ക്കു മുന്പ് ഇട്ട പിങ്ക് അതിര്ത്തിക്കല്ലുകള് കടലെടുത്തുപോയിരിക്കെ, പഞ്ചായത്ത്, നിയമസഭാ തിരഞ്ഞെടുപ്പുകള്ക്കു മുന്നോടിയായി ചില പ്രത്യേക സ്ട്രെച്ചുകളില് ഖണ്ഡംഖണ്ഡമായി ഭൂമി ഏറ്റെടുക്കല് നടപടികള് ത്വരിതപ്പെടുത്തുന്നതിന്റെ രാഷ്ട്രീയം കേരളസമൂഹം വിശകലനം ചെയ്യേണ്ടതുണ്ട്.മത്സ്യത്തൊഴിലാളികളെ പരമ്പരാഗത തൊഴിലിടങ്ങളില് നിന്നു വ്യാപകമായി കുടിയൊഴിപ്പിക്കുകയും കനത്ത പാരിസ്ഥിതിക നാശത്തിനു വഴിതെളിക്കുകയും ചെയ്യുന്ന തീരദേശ ഹൈവേ പദ്ധതിയില് നിന്നു പിന്മാറണമെന്ന് സംസ്ഥാനത്തെ പ്രതിപക്ഷവും തീരദേശത്തെ ജനസമൂഹങ്ങളും ആവശ്യപ്പെട്ടിരുന്നു. പിണറായി സര്ക്കാര് എന്തുവന്നാലും നടപ്പാക്കുമെന്ന് കട്ടായം പറഞ്ഞിരുന്ന കെ-റെയില്…
Read More
