ഗ​വ​ർ​ണ​ർക്കെതിരായ ഹ​ർ​ജി സു​പ്രീം ​കോ​ട​തി ബെ​ഞ്ച് ഇ​ന്ന് പ​രി​ഗ​ണി​ക്കും

ന്യൂ​ഡ​ൽ​ഹി: ബില്ലുകളിൽ ഒപ്പുവയ്ക്കാതെ കാലതാമസം വരുത്തുന്ന കേരള ഗ​വ​ർ​ണ​ർ ആ​രി​ഫ് മു​ഹ​മ്മ​ദ് ഖാ​നെ​തി​രേ കേരള സ​ർ​ക്കാ​ർ സ​മ​ർ​പ്പി​ച്ച ഹ​ർ​ജി ചീ​ഫ് ജ​സ്റ്റി​സ് ഡി. ​വൈ. ച​ന്ദ്ര​ചൂ​ഡ് അ​ദ്ധ്യ​ക്ഷ​നാ​യ സു​പ്രീം​കോ​ട​തി ബെ​ഞ്ച് ഇ​ന്ന് പ​രി​ഗ​ണി​ക്കും.
പ​ഞ്ചാ​ബ്,തെ​ല​ങ്കാ​ന സ​ർ​ക്കാ​രു​ക​ൾ സ​മ​ർ​പ്പി​ച്ച ഹ​ർ​ജി​കളിൽ സു​പ്രീം കോ​ട​തി​യി​ൽ നി​ന്ന് ഗ​വ​ർ​ണ​ർ​മാ​ർ​ക്കെ​തി​രേ രൂ​ക്ഷ പ​രാ​മ​ർ​ശ​മു​ണ്ടായ സാഹചര്യത്തിൽ ഇന്നത്തെ ഹർജി സവിശേഷ ശ്രദ്ധ ആകർഷിക്കുന്നുണ്ട് .
ഗ​വ​ർ​ണ​റ​ർ​ക്ക് വേ​ണ്ടി സോ​ളി​സി​റ്റ​ർ ജ​ന​റ​ൽ തു​ഷാ​ർ മേ​ത്ത​യും, സം​സ്ഥാ​ന സ​ർ​ക്കാ​രി​ന് വേ​ണ്ടി മു​ൻ അ​റ്റോ​ർ​ണി ജ​ന​റ​ൽ കെ.​കെ. വേ​ണു​ഗോ​പാ​ലും ഹാ​ജ​രാ​കും.
ര​ണ്ട് വ​ർ​ഷം പി​ന്നി​ട്ട മൂ​ന്ന് ബി​ല്ലു​ക​ള​ട​ക്കം എ​ട്ടെ​ണ്ണ​ത്തിൽ സത്വര തീ​രു​മാ​ന​മെ​ടു​ക്കാ​ൻ ഗ​വ​ർ​ണ​ർ​ക്ക് നി​ർ​ദ്ദേ​ശം ന​ൽ​ക​ണ​മെ​ന്നാ​ണ് സർക്കാരിന്റെ ആ​വ​ശ്യം. ക​ഴി​യാ​വു​ന്ന​ത്ര വേ​ഗ​ത്തി​ൽ തീ​രു​മാ​ന​മെ​ടു​ക്ക​ണ​മെ​ന്ന ഭ​ര​ണ​ഘ​ട​ന അ​നു​ച്ഛേ​ദം 200ലെ ​വ്യ​വ​സ്ഥ പാ​ലി​ക്ക​പ്പെ​ട​ണമെന്നും ബി​ല്ലു​ക​ൾ എ​ത്ര​കാ​ലം ഗ​വ​ർ​ണ​ർ​ക്ക് കൈ​വ​ശം വ​യ്ക്കാ​മെ​ന്ന​തി​ൽ വ്യ​ക്ത​തയുണ്ടാകണമെന്നും ഹർജിയിലുണ്ട് .
ത​മി​ഴ്നാ​ട് ഗ​വ​ർ​ണ​ർ ഡോ. ​ആ​ർ.​എ​ൻ. ര​വി​ക്കെ​തി​രെ സ്റ്റാ​ലി​ൻ സ​ർ​ക്കാ​ർ സ​മ​ർ​പ്പി​ച്ച ഹ​ർ​ജി​യും കോ​ട​തി പ​രി​ഗ​ണി​ക്കും.
കോ​ട​തി വി​മ​ർ​ശ​ന​ത്തെ തു​ട​ർ​ന്ന്, പി​ടി​ച്ചു വ​ച്ചി​രു​ന്ന 10 ബി​ല്ലു​ക​ൾ ത​മി​ഴ്നാ​ട് ഗ​വ​ർ​ണ​ർ സ​ർ​ക്കാ​രി​ന് തി​രി​ച്ച​യ​ച്ചി​രു​ന്നു. എ​ന്നാ​ൽ, ശ​നി​യാ​ഴ്ച് പ്ര​ത്യേ​ക നി​യ​മ​സ​ഭാ​സ​മ്മേ​ള​നം ചേ​ർ​ന്ന് ബി​ല്ലു​ക​ൾ വീ​ണ്ടും പാ​സാ​ക്കി ഗ​വ​ർ​ണ​റു​ടെ അം​ഗീ​കാ​ര​ത്തി​ന് സ​മ​ർ​പ്പി​ച്ചി​രി​ക്കു​ക​യാ​ണ് ഗ​വ​ർ​ണ​റു​ടെ മ​നോ​ഭാ​വം സു​പ്രീം​കോ​ട​തി​യി​ൽ ചോ​ദ്യം ചെ​യ്യാ​നാ​ണ് തമിഴ്നാട് സ​ർ​ക്കാ​രി​ൻറെ തീ​രു​മാ​നം.