കെ.എൽ.സി.എ വിജയപുരം രൂപതയുടെ മെറിറ്റ് ഡേ ജൂലൈ 26

തിരുവല്ല : എസ്.എസ്.എൽ.സി, പ്ലസ് ടു പരീക്ഷകളിലും ദേശീയ-അന്തർദേശീയ തലങ്ങളിലെ വിവിധ മത്സരങ്ങളിലും മികവ് തെളിയിച്ച വിദ്യാർഥികളെ ആദരിക്കുന്നതിനായി കേരള ലാറ്റിൻ കത്തോലിക്ക അസോസിയേഷൻ (കെ.എൽ.സി.എ) വിജയപുരം രൂപതയുടെ ആഭിമുഖ്യത്തിൽ ‘മെറിറ്റ് ഡേ 2026’ സംഘടിപ്പിക്കുന്നു.ജൂലൈ 26-ന് രാവിലെ 10.30-ന് തിരുവല്ല സെന്റ് ജോസഫ് റോമൻ കത്തോലിക്ക ദേവാലയത്തിൽ നടക്കുന്ന ചടങ്ങിൽ വിജയികളായ വിദ്യാർഥികളെ അനുമോദിക്കും. വിജയപുരം രൂപതാധ്യക്ഷൻ ബിഷപ് ഡോ. ജസ്റ്റിൻ മഠത്തിപ്പറമ്പിൽ പരിപാടിക്ക് നേതൃത്വം നൽകും.തായ്‌ലൻഡിൽ നടന്ന 12-ാമത് തിരാക് ഇന്റർനാഷണൽ തായ്ക്വാണ്ടോ ചാമ്പ്യൻഷിപ്പിൽ സ്വർണമെഡൽ നേടിയ അനുശ്രീ മേരി ജേക്കബിനെ ചടങ്ങിൽ പ്രത്യേകമായി ആദരിക്കും. എസ്.എസ്.എൽ.സി, പ്ലസ് ടു പരീക്ഷകളിൽ മികച്ച വിജയം നേടിയ വിദ്യാർഥികൾക്കും മെറിറ്റ് അവാർഡുകൾ സമ്മാനിക്കും.കെ.എൽ.സി.എ വിജയപുരം രൂപത ഭാരവാഹികളുടെ നേതൃത്വത്തിൽ നടക്കുന്ന പരിപാടിയിൽ വൈദികരും സംഘടനാ നേതാക്കളും വിദ്യാർഥികളും രക്ഷിതാക്കളും പങ്കെടുക്കും. വിദ്യാർഥികളുടെ അക്കാദമിക മികവിനെയും കായിക നേട്ടങ്ങളെയും പ്രോത്സാഹിപ്പിക്കുന്നതിനുള്ള വേദിയായാണ് മെറിറ്റ് ഡേ സംഘടിപ്പിക്കുന്നത്.