മാനന്തേരി വാഹന ദുരന്തത്തിന് അര നൂറ്റാണ്ട്

കണ്ണുർ : 1976-ൽ കണ്ണൂർ ജില്ലയിലെ കൂത്തുപറമ്പിനടുത്തുള്ള മാനന്തേരി 14-ാം മൈലിൽ നടന്ന ഒരു വലിയ വാഹന അപകടത്തിൽ അഞ്ച് കന്യസ്ത്രീകൾ മരണപ്പെട്ടു. ഇതിൽ പത്തുപറമ്പ് ഡി.എസ്.എസ് കോൺവെന്റിന്റെ (DSS convent) സ്ഥാപകയായ മദർ പേത്ര (Mother Petra – ജർമ്മനിയിൽ നിന്നുള്ള കന്യാസ്ത്രീ) ഉൾപ്പെടെ 5 കന്യാസ്ത്രീകളും ഉണ്ടായിരുന്നു.

തലശ്ശേരി – കുടക് പാതയിലെ മാനന്തേരി ഭാഗത്തുള്ള കടുത്ത വളവുകള നിറഞ്ഞ 14-ാം മൈൽ എന്ന സ്ഥലത്ത് വെച്ചാണ് ഇവർ സഞ്ചരിച്ചിരുന്ന വാഹനം അപകടത്തിൽപ്പെട്ടത്.വയനാട്ടിലെ മാനന്തവാടിയിലുള്ള തങ്ങളുടെ കേന്ദ്രം സന്ദർശിച്ച ശേഷം മദർ പേട്രയും മറ്റ് കന്യാസ്ത്രീകളും തങ്ങളുടെ ആസ്ഥാനമായ കണ്ണൂർ പട്ടുവത്തിലേക്ക് മടങ്ങുകയായിരുന്നു. മാനന്തേരി വളവിൽ വെച്ച് ബസുമായി കൂട്ടിയിടിക്കുകയായിരുന്നു. രണ്ടുപേർ സംഭവസ്ഥലത്ത് വെച്ച് മരിക്കുകയും, രണ്ടുപേർ ആശുപത്രിയിൽ വെച്ചും തലശ്ശേരിയിൽ നിന്ന് കോഴിക്കോട്ടേക്ക് ചികിത്സക്കായി കൊണ്ടുപോകുന്നതിനിടെ കൊയിലാണ്ടിയിൽ വെച്ച് മദർ പേത്രയും മരണപ്പെട്ടു.

ജർമ്മനിയിൽ ജനിച്ച പൗല മോനിഗ് (Paula Moennig) എന്ന കന്യാസ്ത്രീയാണ് പിന്നീട് മദർ പേത്ര എന്നറിയപ്പെട്ടത്. പാവപ്പെട്ടവരെയും രോഗികളെയും പാർശ്വവൽക്കരിക്കപ്പെട്ടവരെയും സഹായിക്കാനായി അവർ 1969-ൽ കണ്ണൂരിലെ പട്ടുവം ആസ്ഥാനമാക്കി ‘ദീനസേവന സഭ’ (Dina Sevana Sabha – DSS) എന്ന സന്യാസിനീ സമൂഹം സ്ഥാപിച്ചു പ്രവർത്തിക്കുകയായിരുന്നു.പാവപ്പെട്ടവർക്കായി ചെയ്ത കാരുണ്യപ്രവർത്തനങ്ങളും സഭയ്ക്ക് നൽകിയ സംഭാവനകളും പരിഗണിച്ച് കത്തോലിക്കാ സഭ മദർ പേത്രയെ ‘ദൈവദാസി’ (Servant of God) ആയി പ്രഖ്യാപിച്ചിട്ടുണ്ട്.

അപകടം നടന്ന മാനന്തേരി 14-ാം മൈലിലെ റോഡ് ഡിവൈഡറിന് സമീപം ഇവരുടെ ഓർമ്മയ്ക്കായി ഒരു സ്മാരകം (Shrine/Memorial) നിർമ്മിച്ചിട്ടുണ്ട്. ഈ വഴി കടന്നുപോകുന്ന യാത്രക്കാർക്ക് ഇതൊരു ചരിത്ര അടയാളമാണ്.ആദ്യകാലങ്ങളിൽ ഇവരുടെ ഓർമ്മദിനത്തിൽ പ്രദേശത്ത് സൗജന്യമായി അരി വിതരണം ചെയ്യുന്ന പതിവ് ഉണ്ടായിരുന്നു.