ചെറുവണ്ണൂർ തിരുഹൃദയ ദേവാലയത്തിൽ, ഓശാന ഞായർ ആഘോഷിച്ചു

ചെറുവണ്ണൂർ തിരുഹൃദയ ദേവാലയത്തിൽ യേശുദേവന്റെ ജെറുസലേം പ്രവേശനത്തിന്റെ ഓർമ്മ പുതുക്കിക്കൊണ്ട് ഓശാന ഞായർ വിപുലമായി ആഘോഷിച്ചു. രാവിലെ 7 മണിക്ക് ചെറുവണ്ണൂർ വെനെറിനി കോൺവെന്റിൽ നിന്നാരംഭിച്ച കുരുത്തോല പ്രദക്ഷിണത്തിനും, ദിവ്യബലിക്കും ഇടവക വികാരി ഫാ. ജിജു പള്ളിപ്പറമ്പിലും, സഹവികാരി ഫാ. യേശുദാസ് ആന്റണിയും കാർമികത്വം വഹിച്ചു. ശേഷം വീടുകളിൽ തയ്യാറാക്കിയ കൊഴുക്കട്ട അപ്പം വിതരണം ചെയ്തു. ചടങ്ങുകൾക്ക് വെനെറിനി സന്യാസിനി സഭയുടെ പ്രൊവിൻഷ്യൽ സുപ്പീരിയർ സിസ്റ്റർ ട്രീസ ചാണ്ടി, പാരിഷ് കൌൺസിൽ സെക്രട്ടറി ബൈജു തോമസ് , ജോയിന്റ് സെക്രട്ടറി ജോസ് തെയ്യംതുരുത്തി, സംഘടനകളുടെ പ്രസിഡന്റുമാരായ മഞ്ജു ഫ്രാൻസിസ്സ് , എഡ്വിൻ പോൾ, ലൗലി മാപ്പാൽ, തുടങ്ങിയവർ നേതൃത്വം വഹിച്ചു.