ന്യൂഡല്ഹി: പ്രഥമ സവര്ക്കര് പുരസ്കാരം കോണ്ഗ്രസ് എംപി ശശി തരൂരിന്.എച്ച്ആര്ഡിഎസ് ഇന്ത്യയുടെ പുരസ്കാരമാണിത്.
ന്യൂഡല്ഹി എന്ഡിഎംസി കണ്വെന്ഷന് സെന്ററില് നടക്കുന്ന ചടങ്ങില് ശശി തരൂരിന് പ്രതിരോധ മന്ത്രി രാജ്നാഥ് സിങ്ങ് അവാര്ഡ് സമ്മാനിക്കുമെന്ന് സംഘാടകര് അറിയിച്ചു. തരൂരിനെ കൂടാതെ മറ്റ് അഞ്ച് പേര് കൂടി പുരസ്കാര ജേതാക്കളാണ്.
പൊതുസേവനം, സാമൂഹിക രാഷ്ട്രീയ രംഗത്ത് ശ്രദ്ധേയമായ സംഭാവനകള് നല്കിയ പ്രഗത്ഭ വ്യക്തികള്ക്കാണ് പുരസ്കാരം. ദേശീയ ആഗോള തലങ്ങളിലെ ഇടപെടലുകളാണ് തരൂരിനെ പുരസ്കാരത്തിന് തെരഞ്ഞെടുത്തതെന്ന് എച്ച്ആര്ഡിഎസ് അറിയിച്ചു. ഈ അവാര്ഡിനെ കുറിച്ച് തനിക്ക് ഒരുവിവരവും ഇല്ലെന്നും താന് സ്വീകരിച്ചിട്ടില്ലെന്നും ശശി തരൂര് പറഞ്ഞു.
