പുനലൂർ : രൂപതയിലെ കൊല്ലം, പത്തനംതിട്ട, ആലപ്പുഴ ജില്ലകളിൽ വ്യാപിച്ചു കിടക്കുന്ന വിവിധ ഇടവകകളിലെ നാലാം ക്ലാസിൽ പഠിക്കുന്ന കുട്ടികളുടെ സംഗമം പുനലൂർ ബിഷപ് ഹൗസിൽ നടന്നു. കുട്ടികളുടെ സംഗമം പുനലൂർ രൂപത അധ്യക്ഷൻ റവ. ഡോ.സെൽവിസ്റ്റർ പൊന്നുമുത്തൻ ഉദ്ഘാടനം ചെയ്‌തു.
പുനലൂർ രൂപത വികാരി ജനറൽ മോൺ.സെബാസ്റ്റ്യൻ വാസ്, രൂപത ചാൻസലർ റവ.ഡോ. റോയി ബി . സിംസൺ എന്നിവർ സംഗമത്തിൽ പ്രസംഗിച്ചു. റവ.സിസ്റ്റർ വിർജിൻ വിക്ടർ, എയ്ഞ്ചൽ, ആഗ്നസ്, ബ്രദർ അമൽ, ബ്രദർ അജയ്, രൂപത പ്രൊക്കുറേറ്റർ ഫാ. അജീഷ് ക്ലീറ്റസ്, സെക്രട്ടറി ഫാ. ജെസ്റ്റിൻ സഖ്റിയ, ശുഭദർശൻ ഡയറക്ടർ ഫാ. ക്രിസ്റ്റി ജോസഫ് എന്നിവർ പരിപാടികൾക്ക് നേതൃത്വം നൽകി.
പുനലൂർ സെന്റ് മേരീസ് കത്തീഡ്രൽ, പൊറ്റമേൽ കടവ് സെന്റ് തോമസ് ചർച്ച്, ആറന്മുള സെന്റ് സെബാസ്റ്റ്യൻ ചർച്ച് ഇടവകകളിലെ കുട്ടികൾ വിവിധ കലാപരിപാടികൾ അവതരിപ്പിച്ചു. സംഗമത്തിൽ വൈദികർ, സന്യസ്തർ, രൂപതയിലെ വിവിധ ഫെറോനാ ബിസിസി ആനിമേറ്റേഴ്സ്, സിസ്റ്റേഴ്സ്, മാതാപിതാക്കൾ, മതാധ്യാപകർ എന്നിവർ പങ്കെടുത്തു.
