വള്ളത്തിൽനിന്ന് കായലിൽ വീണ് മത്സ്യത്തൊഴിലാളിയെ കാണാതായി

ചിറയിൻകീഴ്: അഞ്ചുതെങ്ങ് മുതലപ്പൊഴി മത്സ്യബന്ധന തുറമുഖകേന്ദ്രത്തിനു സമീപം വള്ളത്തിൽനിന്ന് കായലിൽ വീണ് മത്സ്യത്തൊഴിലാളിയെ കാണാതായി. അഞ്ചുതെങ്ങ് പുത്തൻമണ്ണ് വാടയിൽ വീട്ടിൽ തോമസ് എന്ന പ്രവീൺ (42) ആണ് കാണാതായത്.കടലിൽ മത്സ്യബന്ധനം കഴിഞ്ഞ് മടങ്ങുന്നതിനിടെ താഴംപള്ളി ലേലഹാളിനു സമീപം അഞ്ചുതെങ്ങ് കായലിൽ ഇന്നലെ വൈകിട്ട് 5.30ഓടെയാണ് പ്രവീൺ വള്ളത്തിൽനിന്ന് വെള്ളത്തിൽ വീണത്.വിവരമറിഞ്ഞ് അഗ്നിരക്ഷാസേനയുടെ സ്കൂബാ സംഘം സ്ഥലത്തെത്തി തിരച്ചിൽ ആരംഭിച്ചു. തിരച്ചിൽ തുടരുകയാണ്. രമ്യ ഹരിദാസ് എംഎൽഎ സ്ഥലത്തെത്തി സ്ഥിതിഗതികൾ വിലയിരുത്തി.ഇടവക വികാരി ഫാ. സന്തോഷും ജനപ്രതിനിധികളും പ്രവീണിന്റെ ഭവനം സന്ദർശിച്ച് കുടുംബാംഗങ്ങളെ ആശ്വസിപ്പിച്ചു.