Author: admin

ജൂൺ 7 മുതൽ 9 വരെ നടത്തപ്പെടുന്ന തീർത്ഥാടനം സംഘടിപ്പിക്കുന്നത് ഫ്രഞ്ച് അസോസിയേഷൻ ആണ്

KLCA നേതൃസംഗമവും .പ്രൊഫ. ആൻറണി ഐസക് അനുസ്മരണവും

കെ ജെ സാബു മുൻപും ഇത്തരം ബഹിഷ്‌കരണ കാംപെയ്നുകൾ നടന്നിട്ടുണ്ട് നമ്മുടെ സ്വാതന്ത്യ സമരകാലത്ത് ഗാന്ധിജി ഉയർത്തിയ മുദ്രാവാക്യമാണിത് .ഒരായുധം എപ്പോൾ എവിടെ ഉപയോഗിക്കണം എന്നതിൽ മാത്രേ തർക്കമുള്ളൂ. ഇസ്രയേലുമായി സാങ്കേതിക സഹകരണം നടത്തുന്നു എന്ന ആരോപണത്തില്‍ ടാറ്റയുടെ സൂഡിയോ ഉള്‍പ്പെടെയുള്ള ബ്രാന്‍ഡുകള്‍ക്ക് എതിരെ ജമാഅത്തെ ഇസ്ലാമിയുടെ വിദ്യാര്‍ഥി സംഘടനയായ സ്റ്റുഡന്‍സ് ഇസ്ലാമിക് ഓര്‍ഗനൈസേഷൻ ആഹ്വാനം ചെയ്ത ബഹിഷ്‌കരണ ക്യാംപയിന് മികച്ചപ്രതികരണമല്ല . ആഹ്വാനത്തിന് മറുപടിയുമായി സോഷ്യല്‍മീഡിയയില്‍ ‘സപ്പോര്‍ട്ട് ടാറ്റ’ ട്രെന്‍ഡിങ്ങാവുന്നതാണ് വാർത്ത . ബഹിഷ്‌കരണാഹ്വാനത്തിനെതിരെ സൂഡിയോയില്‍ ഷോപ്പിങ് നടത്തി ബില്‍ സാമൂഹിക മാധ്യമങ്ങളില്‍ പോസ്റ്റ് ചെയ്ത് ഏറെപ്പേരാണ് ടാറ്റയ്ക്ക് പിന്തുണയേകുന്നത് . ‘സൂഡിയോയില്‍ പോയി,,, ടീ ഷര്‍ട്ട് ഒരു പാന്റ് പിന്നെ ഒരു ഷര്‍ട്ട് ഇത്രയും വാങ്ങി, ബക്രീദ് അവധിയും വെള്ളിയാഴ്ചയുമൊക്കെ ആയത് കൊണ്ടാകാം നല്ല തിരക്ക് ആയിരുന്നു…. ഞാന്‍ രണ്ടാഴ്ച മുമ്പ് നാട്ടില്‍ ഉണ്ടായിരുന്നു , ഡ്രസ്സ് ഒന്നും കാര്യമായിട്ട് കൊണ്ടുവരാത്തത് കൊണ്ട് പുതിയ രണ്ടുമൂന്നു ജോഡി വാങ്ങിക്കാം…

ന്യൂഡൽഹി: ജമ്മുകശ്മീരിൽ ഭീകരത വ്യാപിപ്പിക്കാൻ പാകിസ്ഥാൻ ശ്രമിക്കുന്നുവെന്ന് പ്രധാനമന്ത്രി നരേന്ദ്രമോദി ആരോപിച്ചു . പഹൽഗാമിൽ നിരപരാധികളെ കൊന്നത് കശ്മീരിലെ വിനോദസഞ്ചാര മേഖലയെ തകർക്കാർ ലക്ഷ്യമിട്ടായിരുന്നുവെന്നും പ്രധാനമന്ത്രി പറഞ്ഞു .46,000 കോടി രൂപ ചെലവിൽ ചെനാബിൽ പൂർത്തിയാക്കിയ ലോകത്തെ ഏറ്റവും ഉയരമുള്ള റെയിൽവേ പാലത്തിന്റെ ഉദ്ഘാടനം നിർവഹിച്ച് സംസാരിക്കുകയായിരുന്നു പ്രധാനമന്ത്രി ഐഫൽ ടവറിനെക്കാൾ ഉയരമുള്ള പാലം നമ്മൾ യാഥാർഥ്യമാക്കിയെന്ന് മോദി പറഞ്ഞു.ഇന്ത്യയിൽ കലാപമുണ്ടാക്കലായിരുന്നു വേറൊരു ലക്ഷ്യം.മാനവരാശിക്കും കശ്മീരിനും എതിരെയുള്ള ആക്രമണമാണ് പഹൽഗാമിലുണ്ടായത്. തങ്ങൾ സമാധാനത്തിനും വിനോദ സഞ്ചാരത്തിനും പാവങ്ങളുടെ ജീവിതോപാധികൾക്കും എതിരാണെന്ന് പാകിസ്ഥാൻ തെളിയിച്ചു. മേയ് ആറിനാണു പാക് ഭീകരർക്ക് മേൽ നാശം പെയ്തിറങ്ങിയത് . ഓപറേഷൻ സിന്ദൂരെന്ന് കേൾക്കുമ്പോഴെല്ലാം നാശവും തോൽവിയും മാത്രമാകും പാകിസ്ഥാന്റെ ഓർമയിലേക്ക് വരിക മോദി പറഞ്ഞു. ഇന്ത്യ ഇത്രയും ആഴത്തിൽ തിരിച്ചടിക്കുമെന്ന് പാകിസ്ഥാൻ കരുതിയിരുന്നില്ല. പാകിസ്ഥാനിലെ ഭീകരകേന്ദ്രങ്ങൾ ഇന്ത്യ നശിപ്പിച്ചു .

തിരുവനന്തപുരം :കേരളത്തിൽ കൊവിഡ് ബാധിതരുടെ എണ്ണമേറുന്നു . നിലവിൽ 1679 ആക്റ്റീവ് കേസുകൾ റിപ്പോർട്ട് ചെയ്തിട്ടുണ്ട് .ഇരുപത്തിനാല് മണിക്കൂറിനിടെ രണ്ട് കൊവിഡ് മരണം സ്ഥിരീകരിച്ചു. രാജ്യത്ത് കൊവിഡ് കേസുകൾ 5000 കടന്നു. രാജ്യത്ത് 5364 ആക്റ്റീവ് കേസുകളാണ് നിലവിലുള്ളത്. ഇതിന്റെ പശ്ചാത്തലത്തിൽ കേരളത്തിൽ രോഗ ലക്ഷണങ്ങളുമായി എത്തുന്നവർക്ക് കൊവിഡ് പരിശോധന നടത്തണമെന്ന് ആരോഗ്യവകുപ്പ് നിർദ്ദേശം നൽകി .പുതിയ നാല് വകഭേദങ്ങളെന്നാണ് കൊവിഡ് വ്യാപനത്തിന് കാരണമാകുന്നത് എന്നാണ് പുതിയ റിപ്പോർട്ട്. വ്യാപന ശേഷി കൂടുമെങ്കിലുംപകരുന്ന വകഭേദത്തിന് തീവ്രത കുറവെന്നാണ് വിദഗ്ധമതം .ലക്ഷണങ്ങൾ ഉള്ളവർ തിരക്കേറിയ ഇടങ്ങൾ സന്ദർശിക്കുന്നത് ഒഴിവാക്കാണമെന്നും കേന്ദ്രം നിർദേശിച്ചു.

തോപ്പുംപടി: കെ.സി.വൈ.എം തോപ്പുംപടി യൂണിറ്റിന്റെ നേതൃത്വത്തിൽ പരിസ്ഥിതി ദിനത്തിൽ പരിസ്ഥിതി സംരക്ഷണത്തിന്റെ ഭാഗമായി ഹരിത സ്നേഹം 2025 – മണ്ണിനും മനുഷ്യനും എന്ന പദ്ധതിയുടെ ഉദ്ഘാടന കർമ്മം ഒരു വീട്ടിൽ ഒരു മരമെങ്കിലും നടണമെന്ന് പറഞ്ഞുകൊണ്ട് ഇടവക വികാരി ഫാ.ടോമി ചെമ്പക്കാട് ഉദ്ഘാടനം ചെയ്തു. ഹരിത സ്നേഹം പദ്ധതിയുടെ ഭാഗമായി ഒരു വർഷം നീണ്ടുനിൽക്കുന്ന പരിപാടിയുമായാണ് മുന്നോട്ട് പോകുന്നതെന്ന് യൂണിറ്റ് പ്രസിഡന്റ് സയന ഫിലോമിന അധ്യക്ഷ പ്രസംഗത്തിൽ പറഞ്ഞു. യൂണിറ്റ് ഡയറക്ടർ ഫാ.എബിൻ സെബാസ്റ്റ്യൻ ഇടവക സഹവികാരി ഫാ.അജിൻ ചാലപള്ളിയിൽ യൂണിറ്റ് ആനിമേറ്റർ സുമിത്ത് ജോസഫ് മുൻ ലാറ്റിൻ സംസ്ഥാന പ്രസിഡന്റ്കാസി പൂപ്പന യൂണിറ്റ് അംഗങ്ങളായ സിജോ മാത്യു,ആഗ്നൽ ജൂഡ്, ആൻമേരി എം.പി,ആരോൺ ബെയ്സിൽ,ആന്റണി പയസ്, അമല ടെൽബിൻ എന്നിവർ സംസാരിച്ചു.

സിസില:സിസിലയിലെ പാത്തി രൂപതയിലെ സാക്രാ കൂറ ദേവാലയത്തിൽ യൂറോപ്പിന്റെ പ്രവാസി കമ്മീഷൻ ചുമതലയുള്ള ബിഷപ്പ് സെബാസ്റ്റ്യൻ തെക്കത്തെചേരി ദിവ്യബലി അർപ്പിച്ചു. തുടർന്ന് സിസിലയിലെ മെസേന രൂപതയിലെ ഇമാ കുലാത്ത ദേവാലയത്തിലും ദിവ്യബലി അർപ്പിച്ചു .രണ്ട് രൂപതകളിലും കേരളത്തിൽ നിന്നുള്ള ലത്തീൻ കത്തോലിക്ക രൂപതകൾ നിന്നുള്ള നൂറുകണക്കിന് മലയാളികൾ സംബന്ധിച്ചു .ശനിയാഴ്ചയും ഞായറാഴ്ചയും ആയി അവിടത്തെ നിരവധി ഭവനങ്ങൾ ബിഷപ്പ് സന്ദർശിക്കുകയും ഭവനങ്ങളിൽ പ്രാർത്ഥിക്കുകയും ചെയ്തു. സന്ദർശനം സിസിലയിലെ കത്തോലിക്ക മലയാളി സമൂഹത്തിന് വലിയ പ്രചോദനവും പിന്തുണയും ആണെന്ന് ഇടവക അംഗങ്ങൾ പറഞ്ഞു . പ്രവാസികൾ ആയിരിക്കുമ്പോഴും നമ്മുടെ വിശ്വാസം അതിന്റെ തനിമ ചോരാതെ കാത്തുസൂക്ഷിക്കണമെന്നും മലയാളി സമൂഹം കൂട്ടായ്മയിലും സഹോദരത്തിലും ആയിരിക്കണം എന്നും ബിഷപ്പ് ദിവ്യബലിയിലെ വചനവിചിന്തനത്തിൽ പറഞ്ഞു . സിസിലിയ റീജൻ ലാറ്റിൻ മലയാളി കോഡിനേറ്റർ ജാറ കുസുമാനോ സഭാ റെക്ടർ ഫാ. ജൂഡ് തദേവൂസ്,ഇറ്റലിയുടെ പ്രവാസി മലയാളികളുടെ നാഷണൽ കോഡിനേറ്റർ ഫാദർ പോൾ സണ്ണി ഡയറക്ടർ ഡീക്കൻ സന്ദീനോഎന്നിവർ…

ആർ സി ബിയുടെ വിക്ടറി പരേഡിനിടെ ഉണ്ടായ അപകടം ബെംഗളൂരു: ആർ സി ബിയുടെ വിക്ടറി പരേഡിനിടെ ഉണ്ടായ തിക്കിലും തിരക്കിലും 11 പേർ ദാരുണമായി മരിച്ച സംഭവത്തിൽ ആർസിബി മാർക്കറ്റിങ് ഹെഡ് നിഖിൽ സൊസാലെയെ അറസ്റ്റുചെയ്തു . ചിന്നസ്വാമി സ്റ്റേഡിയത്തിൽ ഉണ്ടായ അപകടത്തിൻ്റെ പേരിലെടുത്ത കേസിലാണ് അറസ്റ്റ് . ഡിഎൻഎ എൻ്റർടെയ്ൻമെൻ്റ് നെറ്റ്‌വർക്ക്‌സുമായി ചേർന്ന്‌ ചിന്നസ്വാമി സ്റ്റേഡിയത്തിലെ ആഘോഷ പരിപാടി ഏകോപിച്ചത് നിഖിൽ സൊസാലെ ആയിരുന്നു. ഇതുവരെ നാല് പേർ അറസ്റ്റിലായിട്ടുണ്ട്.കേസിൽ പ്രതിചേർക്കപ്പെട്ട ഇവന്റ് മാനേജ്മെന്റ് പ്രതിനിധികളും അറസ്റ്റിലായതായാണ് റിപ്പോർട്ട്. കർണാടക ക്രിക്കറ്റ് അസോസിയേഷൻ ഭാരവാഹികൾ ഒളിവിലെന്നും റിപ്പോർട്ടുണ്ട്. ക‍ർണാടക ക്രിക്കറ്റ് അസോസിയേഷൻ സെക്രട്ടറി ശങ്കർ, ട്രഷറർ ജയറാം എന്നിവർക്കായി പൊലീസ് അന്വേഷണം ഊ‍ർജ്ജിതമാക്കിയിട്ടുണ്ട്. തിക്കിലും തിരക്കിലും ശ്വാസം മുട്ടിയാണ് പലരും മരിച്ചതെന്ന് വ്യക്തമാക്കുന്നതാണ് പോസ്റ്റ്‌മോർട്ടം റിപ്പോർട്ട് . അപകടവുമായി ബന്ധപ്പെട്ട് ബെംഗളൂരു സിറ്റി പോലീസ് കമ്മീഷണർ ഉൾപ്പെടെയുള്ള മുതിർന്ന പോലീസ് ഉദ്യോഗസ്ഥരെ കർണാടക മുഖ്യമന്ത്രി സിദ്ധരാമയ്യ സസ്‌പെൻഡ് ചെയ്തിരുന്നു.…

കൊച്ചി: സിനിമാതാരം ഷൈൻ ടോം ചാക്കോയുടെ പിതാവ് ചാക്കോ ഇന്ന് രാവിലെ വാഹനാപകടത്തിൽ മരിച്ചു. അപകടത്തിൽ ഷൈനിനും അമ്മയ്ക്കും പരിക്കേറ്റിട്ടുണ്ട് . തമിഴ്‌നാട്ടിലെ സേലത്ത് വച്ചാണ് അപകടം . കുടുംബം സഞ്ചരിച്ച കാർ ലോറിയുമായി കൂട്ടിയിടിക്കുകയായിരുന്നു.ബെംഗളൂരുവിലേക്ക് ഷെെനിൻറെ ലഹരി വിമുക്ത ചികിത്സാർത്ഥമായിരുന്നു കുടുംബത്തിൻറെ യാത്ര. പരിക്കേറ്റവരെ തൊട്ടടുത്തുള്ള ആശുപത്രിയിൽ എത്തിച്ചെങ്കിലും ചാക്കോയുടെ ജീവൻ രക്ഷിക്കാനായില്ല. ഷെെനിൻറെ കെെയ്ക്കാണ് പരിക്കേറ്റത്. അമ്മയുടെയും സഹോദരൻറെയും ഡ്രെെവറുടെ പരിക്ക് നിസാരമെന്നാണ് വിവരം. ഇന്നലെ രാത്രി 10 മണിയോടെയാണ് കുടുംബം കൊച്ചിയിൽ നിന്നും യാത്ര തിരിച്ചത്. തൊടുപുഴയിലെ ചികിത്സ പൂർത്തിയാക്കിയ ശേഷം ചികിത്സ ബെംഗളൂരുവിലേക്ക് മാറ്റിയിരുന്നു.

തെന്നലുപോലൊരു രാഷ്ട്രീയ ജീവിതം തിരുവനന്തപുരം: മുൻ കെപിസിസി അധ്യക്ഷനും രാജ്യസഭാംഗവുമായിരുന്ന മുതിർന്ന കോൺഗ്രസ് നേതാവ് തെന്നല ബാലകൃഷ്ണപിള്ള (95) അന്തരിച്ചു. വാർധക്യസഹജമായ അസുഖത്തെ തുടർന്ന് അനന്തപുരി ആശുപത്രിയിൽ ചികിത്സയിലിരിക്കെയാണ് അന്ത്യം.ശൂരനാട് തെന്നല വീട്ടിൽ എൻ ഗോവിന്ദപിള്ളയുടെയും ഈശ്വരിഅമ്മയുടെയും മകനായി 1931 മാർച്ച് 11 ന് ജനിച്ചു. തെന്നലയുടെ രാഷ്ട്രീയജീവിതം തുടങ്ങുന്നത് ശൂരനാട് വാർഡ് കമ്മിറ്റി പ്രസിഡന്റായാണ്. പിന്നീട് കുന്നത്തൂർ ബ്ലോക്ക് കോൺഗ്രസ് കമ്മിറ്റിയുടേയും ശൂരനാട് മണ്ഡലം കോൺഗ്രസ് കമ്മിറ്റിയുടേയും പ്രസിഡന്റായും പ്രവർത്തിച്ചു . കൊല്ലം ഡിസിസിയുടെ പ്രസിഡന്റായി . 1962 മുതൽ കെപിസിസി അംഗമാണ്..1998 ൽ സ്ഥാനമൊഴിഞ്ഞ വയലാർ രവിയ്ക്ക് പകരമായി തെന്നല ആദ്യമായി കെപിസിസി അധ്യക്ഷനായി . 2001ൽ വലിയ ഭൂരിപക്ഷത്തോടെ യുഡിഎഫ് അധികാരത്തിലെത്തുമ്പോൾ തെന്നല ബാലകൃഷ്ണപിള്ളയായിരുന്നു കെപിസിസി പ്രസിഡൻ്റ്. ഗ്രൂപ്പ് സമവാക്യങ്ങളുടെ ഭാഗമായി എ കെ ആൻ്റണി മുഖ്യമന്ത്രിയായപ്പോൾ തെന്നല ബാലകൃഷ്ണപിള്ളയെ കെപിസിസി അധ്യക്ഷപദവിയിൽ നിന്നും മാറ്റുകയായിരുന്നു. എന്നാൽ യാതൊരു പരസ്യപ്രതികരണങ്ങളുമില്ലാതെ പ്രസിഡൻ്റ് പദവി ഒഴിയാനുള്ള ആർജ്ജവം കാട്ടി…