Author: admin

കൊച്ചി:കെസിവൈഎം നസ്രത്ത് യൂണിറ്റിന്റെ നേതൃത്വത്തിൽ യുവജനദിനഘോഷം നടത്തി. യൂണിറ്റ് പ്രസിഡന്റ്‌ കുമാരി അക്ഷയ മരിയ ഷിജി അധ്യക്ഷത വഹിച്ച സമ്മേളനത്തിൽ, കെസിവൈഎം ലാറ്റിൻ സംസ്ഥാന പ്രസിഡന്റ്‌ കാസി പൂപ്പന തളിർ പദ്ധതി ഉദ്ഘാടനം നിർവഹിച്ചു സംസാരിച്ചു. ഡയറക്ടർ ഫാദർ അഷ്‌ബൈൽ,അനിമേറ്റർ സിസ്റ്റർ മാർഗരറ്റ്,കൊച്ചി രൂപത പ്രസിഡന്റ്‌ യേശുദാസ് പുളിക്കൽ, രൂപത ഡയറക്ടർ ഫാദർ മേൽറ്റസ് കൊല്ലശേരി, ക്രിസ്റ്റി ചക്കാലക്കൽ, ബിനോയ് പി.കെ, അശ്വിൻ ആന്റണി, വർഗീസ് അലക്സാണ്ടർ എന്നിവർ പ്രസംഗിച്ചു

കൊച്ചി : KLM പൊറ്റക്കുഴി യൂണിറ്റിന്റെ ഫെസിലിറ്റേഷൻ സെൻറർ, രൂപത പ്രസിഡൻറ് ബിജു പുത്തൻപുരയ്ക്കൽ ഉദ്ഘാടനം ചെയ്തു. KLM പൊറ്റക്കുഴി യൂണിറ്റ് ഡയറക്ടർ റവ. ഫാ. പാട്രിക് ഇലവുങ്കൽ ഫെസിലിറ്റേഷൻ സെന്ററിന്റെ ആശിർവാദകർമ്മം നിർവഹിച്ചു. യൂണിറ്റ് പ്രസിഡൻറ് സിജു നടുവിലവീട്ടിൽ അധ്യക്ഷത വഹിച്ചു .രൂപതാ സെക്രട്ടറി സജി ആശംസ അറിയിച്ചു. മൂന്നാം ഫൊറോനയുടെ വികാരിയായി തിരഞ്ഞെടുത്ത യൂണിറ്റ് ഡയറക്ടർ റവ. ഫാ. പാട്രിക് ഇലവുങ്കലിനെ ആദരിച്ചു. ഇടവകയുടെ സബ്സ്റ്റേഷനായ സെൻറ്. ജോർജ്ജ് ദേവാലയത്തിന്റെ നവീകരണ പ്രവർത്തനങ്ങൾക്കായി തൊഴിലാളികളിൽ നിന്നും സമാഹരിച്ച 15,000 രൂപ ബഹുമാനപ്പെട്ട യൂണിറ്റ് ഡയറക്ടർ റവ. ഫാ. പാട്രിക് ഇലവുങ്കലിന് കൈമാറി. പാരിഷ് കൗൺസിൽ സെക്രട്ടറി Dr. പീറ്റർ വടശ്ശേരി, കേന്ദ്ര സമിതി പ്രസിഡൻറ് ജോൺസൺ ചിറ്റേക്കോടത്ത്, KLCA പ്രസിഡന്റ് ബിജു വെള്ളേപ്പറമ്പിൽ, കേന്ദ്ര സമിതി സാമൂഹ്യ ശുശ്രൂഷ കോർഡിനേറ്റർ നിക്സൻ, KLM മേഖലാ സെക്രട്ടറി പോൾ റൊസാരിയോ, KLM യൂണിറ്റ് സെക്രട്ടറി മിനിട്ടോണി, ട്രഷറർ സിജു മുക്കത്ത്…

കോട്ടപ്പുറം : ഓഗസ്റ്റ് പത്തിന് തൃശൂരിൽ നടക്കുന്ന ഇന്ത്യാസ് മാർച്ച് ഫോർ ലൈഫിന്റെ മുന്നോടിയായി കെ. സി. ബി. സി. സംസ്ഥാന സമിതിയുടെ നേതൃത്വത്തിൽ നടത്തുന്ന ജീവസംരക്ഷണ കേരള യാത്രയ്ക്കു കോട്ടപ്പുറം രൂപതയിൽ പറവൂർ ഡോൺ ബോസ്കോ നഴ്സിംഗ് സ്കൂളിലും കോട്ടപ്പുറം സെൻറ്. മൈക്കിൾസ് കത്തീഡ്രലിലും സ്വീകരണം നൽകി. കെ. സി. ബി. സി. ഫാമിലി കമ്മീഷൻ്റെയും പ്രോ-ലൈഫ് സമിതിയുടെയും ഡയറക്ടർ റവ. ഡോ.. ക്ലീറ്റസ് കതിർപറമ്പിൽ, പറവൂർ ഡോൺ ബോസ്കോ ആശുപത്രി അസോസിയേറ്റ് ഡയറക്ടർ റവ. ഫാ. ഷിബിൻ കൂളിയത്ത്, കോട്ടപ്പുറം സെൻറ്. മൈക്കിൾസ് കത്തീഡ്രൽ വികാരി ഫാ. ജാക്സൺ വലിയപറമ്പിൽ, പറവൂർ ഡോൺ ബോസ്കോ പള്ളിവികാരി ഫാ. ജോയ് കല്ലറക്കൽ, പറവൂർ സെൻറ്. ജോസഫ് കൊത്തലംഗോ പള്ളി വികാരി ഫാ. ആൻറണി റെക്സൻ പിൻ്റോ, പ്രോ-ലൈഫ് സംസ്ഥാന ജനറൽ സെക്രട്ടറി ജെയിംസ് ആഴ്ചങ്ങാടൻ, സംസ്ഥാന വൈസ് പ്രസിഡൻറ് ഫ്രാൻസിസ് ജെ ആറാടന്‍, കോട്ടപ്പുറം രൂപത ഫാമിലി അപ്പോസ്തലേറ്റ് ഡയറക്ടർ…

ലോകാരോഗ്യ സംഘടനയുടെ മാനദണ്ഡപ്രകാരം, കേന്ദ്ര-സംസ്ഥാന ആരോഗ്യ വകുപ്പുകളുടെ മേൽനോട്ടത്തിൽ 2005ൽ കുഷ്ഠരോഗ നിവാരണം എന്ന ലക്ഷ്യം കേരളം കൈവരിച്ചിരുന്നു.എന്നാൽ, ഈ രോഗം വീണ്ടും തിരിച്ചു വരുന്നുവരുന്നുവെന്ന വാർത്തകൾ ആശങ്ക ഉളവാക്കുന്നതാണ്.

ന്യൂഡൽഹി: പാക്ക് ചെയ്‌ത ഭക്ഷണ പദാർത്ഥങ്ങളിലെ മൊത്തം പഞ്ചസാര, ഉപ്പ്, കൊഴുപ്പ് എന്നിവയെക്കുറിച്ചുള്ള വിവരങ്ങൾ കൂടുതൽ വലുപ്പത്തില്‍ പ്രദർശിപ്പിക്കണമെന്ന നിർദേശത്തിന് അംഗീകാരം നൽകി ഫുഡ് സേഫ്റ്റി ആൻഡ് സ്‌റ്റാൻഡേർഡ് അതോറിറ്റി ഓഫ് ഇന്ത്യ (എഫ്എസ്എസ്എഐ). പാക്ക് ചെയ്‌ത ഭക്ഷണ സാധനങ്ങളിലെ മൊത്തം പഞ്ചസാര, ഉപ്പ്, കൊഴുപ്പ്, സോഡിയം എന്നിവയുടെ അളവ് “ബോൾഡ് ആയും വലിയ അക്ഷരങ്ങളിലും എഴുതണമെന്ന” നിര്‍ദേശമാണ് എഫ്എസ്എസ്എഐ അംഗീകരിച്ചതായി ആരോഗ്യ മന്ത്രാലയം അറിയിച്ചത്. ഫുഡ് അതോറിറ്റിയുടെ 44-ാമത് യോഗത്തിലാണ് 2020ലെ ഭക്ഷ്യസുരക്ഷാ മാനദണ്ഡങ്ങൾ (ലേബലിംഗ് ആൻഡ് ഡിസ്‌പ്ലേ) ചട്ടങ്ങൾ ഭേദഗതി ചെയ്യുന്ന തീരുമാനമെടുത്തത്. ഉപഭോക്താക്കളെ അവർ ഉപയോഗിക്കുന്ന ഉൽപ്പന്നത്തിൻ്റെ പോഷകമൂല്യം നന്നായി മനസിലാക്കാനും ആരോഗ്യകരമായ തീരുമാനങ്ങൾ എടുക്കാനും പ്രാപ്‌തരാക്കുക എന്നതാണ് ഈ ഭേദഗതിയുടെ ലക്ഷ്യമെന്ന് ആരോഗ്യ മന്ത്രാലയം അറിയിച്ചു. പൊതുജനാരോഗ്യം സംരക്ഷിക്കാനും ക്ഷേമം വര്‍ധിപ്പിക്കാനും ഇതുവഴി കഴിയുമെന്നാണ് മന്ത്രാലയത്തിന്‍റെ വിലയിരുത്തല്‍. ജീവിത ശൈലി രോഗങ്ങള്‍ക്ക് കാരണമാകുന്ന പാക്ക് ചെയ്‌ത ഭക്ഷണ പദാർത്ഥങ്ങൾ കഴിക്കുന്നത് നിയന്ത്രിക്കേണ്ടതിൻ്റെ ആവശ്യകത പോഷകാഹാര വിദഗ്‌ദർ ചൂണ്ടികാണിക്കുന്നുണ്ട്.…

മോസ്കോ : 22-ാമത് ഇന്ത്യ – റഷ്യ ഉച്ചകോടി ചർച്ചകൾക്കായി റഷ്യൻ പ്രസിഡന്‍റ് വ്‌ളാഡിമിർ പുടിന്‍റെ ക്ഷണപ്രകാരം പ്രധാനമന്ത്രി നരേന്ദ്ര മോദി ഇന്നും നാളെയുമായി മോസ്‌കോ സന്ദർശിക്കും. 2022 ഫെബ്രുവരിയിൽ റഷ്യ യുക്രെയ്ൻ ആക്രമിച്ചതിന് ശേഷം മോദിയുടെ ആദ്യ റഷ്യ സന്ദർശനമാണിത്. ഇരു രാജ്യങ്ങളും തമ്മിലുള്ള ഉഭയകക്ഷി ബന്ധം ഇരു നേതാക്കളും അവലോകനം ചെയ്യുകയും പരസ്‌പര താൽപ്പര്യമുള്ള സമകാലിക പ്രാദേശിക, ആഗോള വിഷയങ്ങളിൽ കാഴ്‌ചപ്പാടുകൾ കൈമാറുകയും ചെയ്യുമെന്ന് വിദേശകാര്യ മന്ത്രാലയം വ്യാഴാഴ്‌ച (ജൂലൈ 4) ന്യൂഡൽഹിയിൽ അറിയിച്ചു. മോസ്കോയിൽ പ്രധാനമന്ത്രി നരേന്ദ്ര മോദിയുടെ പരിപാടി വിപുലമായിരിക്കുമെന്നും ഇരു നേതാക്കളും അനൗപചാരിക ചർച്ചകൾ നടത്തുമെന്നും ക്രെംലിൻ വക്താവ് ദിമിത്രി പെസ്‌കോവ് ശനിയാഴ്‌ച റഷ്യന്‍ സർക്കാർ നടത്തുന്ന വിജിടിആർകെ ടെലിവിഷൻ ചാനലിന് നൽകിയ അഭിമുഖത്തിൽ പറഞ്ഞു. ‘പ്രധാനമന്ത്രി നരേന്ദ്ര മോദിയുടെ ഔദ്യോഗിക സന്ദർശനമാണ് നടക്കുന്നത്. എങ്കിൽ കൂടിയും ഇരുനേതാക്കൾക്കുമിടയിൽ അനൗപചാരിക വിഷയങ്ങളിലും ചർച്ച നടക്കുമെന്നാണ് ഞങ്ങൾ പ്രതീക്ഷിക്കുന്നത്. വളരെയധികം പ്രാധാന്യത്തോടെയാണ് ഈ സന്ദർശനത്തെ വീക്ഷിക്കുന്നത്. ഇരുരാജ്യങ്ങൾക്കുമിടയിലുള്ള…

ന്യൂഡൽഹി: രാജ്യത്ത് തക്കാളി, സവാള, ഉരുളക്കിഴങ്ങ് എന്നിവയുടെ വില കുതിച്ചുയരുന്നു.തക്കാളിയുടെ മൊത്തവില ഈ മാസം 3,368 രൂപയായി. കഴിഞ്ഞമാസം ക്വിന്റലിന് 1,585 രൂപയായിരുന്നു. സംസ്ഥാനത്ത് പച്ചക്കറി നിരക്കില്‍ വര്‍ധനവ്. കണ്ണൂർ ജില്ലയിലാണ് പച്ചക്കറി നിരക്കില്‍ മാറ്റമുണ്ടായത്. എറണാകുളത്ത് ഇഞ്ചി വില 200 ൽ എത്തി. കണ്ണൂരിൽ തക്കാളി വില 60 ല്‍ നിന്ന് 48 ആയി കുറഞ്ഞു. ബാക്കി ജില്ലകളിൽ വിലയിൽ മാറ്റമില്ല. ഉരുളക്കിളങ്ങിനും സവാളക്കും വിലയില്‍ 50% വര്‍ധനവുണ്ടായതും കച്ചവടക്കാരെയും ഉപഭോക്താക്കളെയും വലക്കുകയാണ്.ഉരുളക്കിഴങ്ങിന്റെയും വില 40 ഉം 50 ഉം രൂപയായി.20 ദിവസം മുമ്പ് ഉരുളക്കിഴങ്ങിന് 20 രൂപയായിരുന്നത് ഇരട്ടിയായി.  

തിരുവനന്തപുരം: ചില ഉദ്യോഗസ്ഥർ പൊലീസ് സേനയുടെ ശോഭ കെടുത്തുന്നതായി ശ്രദ്ധയിൽപ്പെട്ടിട്ടുണ്ടെന്നും അത്തരക്കാർക്കെതിരെ കർശന നടപടി എടുത്തിട്ടുണ്ടെന്നും മുഖ്യമന്ത്രി പിണറായി വിജയന്‍ നിയമസഭയില്‍ പറഞ്ഞു.. പല ഘട്ടങ്ങളിലായി 108 പൊലീസുകാരെ പിരിച്ചുവിട്ടിട്ടുണ്ട്. ആരോപണ വിധേയരായ ഉദ്യോഗസ്ഥരെ നിരീക്ഷിച്ചുവരികയാണ്. കുറ്റാന്വേഷണ മികവുള്ള സംസ്ഥാനമായാണ് കേരളം അടയാളപ്പെടുത്തുന്നതെന്നും അദ്ദേഹം പറഞ്ഞു. സംസ്ഥാനത്ത് വിവിധതരം സൈബർ തട്ടിപ്പുകൾ നടക്കുന്നുണ്ടെന്ന് പറഞ്ഞ മുഖ്യമന്ത്രി ഇത്തരം കെണികളിൽ വീഴാതിരിക്കാൻ പ്രത്യേകം ശ്രദ്ധിക്കണമെന്നും കൂട്ടിച്ചേര്‍ത്തു. സൈബർ തട്ടിപ്പ് മുഖേന പണം നഷ്ടപ്പെട്ടാല്‍ ആദ്യത്തെ ഒരു മണിക്കൂർ ‘ഗോൾഡൻ അവർ’ ആണ്. ഇതിനുള്ളിൽ പണം തിരിച്ചു ലഭിച്ച അനുഭവമുണ്ടായിട്ടുണ്ട്. പൊലീസ് സേനയിലെ വനിതാ പ്രതിനിധ്യം 15% ആയി ഉയർത്തുമെന്നും അദ്ദേഹം വ്യക്തമാക്കി. നിലവിലിത് 11.37% ആണ്. കുറ്റകൃത്യങ്ങളും പൊലീസും തമ്മിലുള്ള മത്സരമാണ് നടക്കുന്നത്. പൊലീസ് അതിൽ ശക്തമായ നടപടി സ്വീകരിക്കുന്നുണ്ട്. അതിനെ പരാജയപ്പെടുത്താൻ ക്രിമിനലുകളും ശ്രമിക്കുന്നുണ്ട്. അതിൽ പൊലീസ് ആത്യന്തികമായി പരാജയപ്പെട്ടു പോവുകയല്ല. അവരത് ഫലപ്രദമായി കൈകാര്യം ചെയ്യുന്നുണ്ട്-അദ്ദേഹം പറഞ്ഞു. .

ജയിലറിന്റെ വൻ വിജയത്തിന് ശേഷം രജനികാന്ത് നായകനായെത്തുന്ന സിനിമയാണ് ‘വേട്ടയ്യൻ’. ടി. ജെ ജ്ഞാനവേൽ സംവിധാനം ചെയ്യുന്ന ചിത്രം ഒക്ടോബറിലാണ് തിയേറ്ററുകളിൽ എത്തുന്നത്.ഇപ്പോഴിതാ ഡബ്ബിംഗ് പൂർത്തിയാക്കിയ ഫഹദിന്റെ ചിത്രങ്ങളാണ് അണിയറപ്രവർത്തകർ പങ്കുവെച്ചിരിക്കുന്നത്. 33 വർഷത്തിന് ശേഷം രജനികാന്തും അമിതാഭ് ബച്ചനും ഒന്നിക്കുന്ന ചിത്രമെന്ന പ്രത്യേകതയും വേട്ടയ്യനുണ്ട്. മുകുൾ എസ് ആനന്ദ് സംവിധാനം ചെയ്ത് 1991 ൽ പുറത്തിറങ്ങിയ ‘ഹം’ എന്ന ചിത്രത്തിലാണ് അമിതാഭ്- രജനി കൂട്ടുക്കെട്ട് അവസാനമായി ഒന്നിച്ചഭിനയിച്ചത്.

തിരുവനന്തപുരം: മുതലപ്പൊഴിയിൽ ബോട്ട് മറിഞ്ഞ് വീണ്ടും അപകടം. 11 മത്സ്യത്തൊഴിലാളികള്‍ ബോട്ടിൽ നിന്ന് കടലിലേക്ക് വീണു. ഇവരെ രക്ഷപ്പെടുത്തി ആശുപത്രിയിലേക്ക് മാറ്റി. ഇന്ന് പുലർച്ചെയാണ് അപകടമുണ്ടായത്. ആശുപത്രിയിൽ ഉള്ളവരുടെ ആരോഗ്യനില തൃപ്തികരമാണ്. പെരുമാതുറ സ്വദേശി ഷാക്കിറിന്‍റെ ഉടമസ്ഥതയിലുള്ള വള്ളമാണ് അപകടത്തിൽപ്പെട്ടത്. വള്ളത്തിലെ വലകൾ കടലിലേക്ക് വീണു പോയതിനെ തുടർന്ന് അത് എടുക്കാൻ  ശ്രമിക്കുമ്പോൾ മത്സ്യത്തൊഴിലാളികൾ കടലിലേക്ക് വീഴുകയായിരുന്നു. അപകടം നടന്ന ഉടനെ തന്നെ ഒരാളെ രക്ഷപ്പെടുത്തി ആശുപത്രിയിലേക്ക് മാറ്റിയിരുന്നു. പിന്നീട് മറ്റുള്ളവരെയും രക്ഷപ്പെടുത്തുകയായിരുന്നു. ഇവരെയെല്ലാം ചിറയിൻകീഴ് താലൂക്ക് ആശുപത്രിയിയിൽ ചികിത്സയിലാണ്. എല്ലാവരുടെയും ആരോഗ്യനില തൃപ്തികരമാണ്. മുതലപ്പൊഴിയിൽ അപകടങ്ങൾ തുടർക്കഥയാവുകയാണ്.