ലഹരി വിരുദ്ധ സന്ദേശവുമായി ഫാമിലി വാക്കത്തോൺ സംഘടിപ്പിച്ചു

എറണാകുളം: ലഹരി വിരുദ്ധ ബോധവൽക്കരണത്തിന്റെ ഭാഗമായി പോണേൽ സെന്റ് ഫ്രാൻസിസ് സേവ്യർ ദേവാലയത്തിന്റെ ആഭിമുഖ്യത്തിൽ ഫാമിലി വാക്കത്തോൺ സംഘടിപ്പിച്ചു. സെപ്റ്റംബർ ആറിന് രാവിലെ 7.30ന് ശ്രീ. ടി. ജെ. വിനോദ് എം.എൽ.എ വാക്കത്തോൺ ഉദ്ഘാടനം ചെയ്തു.ചടങ്ങിൽ എറണാകുളം എക്സൈസ് ഡെപ്യൂട്ടി കമ്മീഷണർ പി. കെ. സതീഷ് ലഹരി വിരുദ്ധ സന്ദേശം നൽകി. ഇടവക വികാരി ഫാ. ആന്റണി ബിബു കാടംപറമ്പിൽ, കൗൺസിലർമാരായ നിമ്മി മറിയം, അബ്ദുൽ ലത്തീഫ്, സിനി ആനന്ദ് എന്നിവർ സംസാരിച്ചു.ലഹരിക്കെതിരെ ബോധവൽക്കരണം ശക്തമാക്കുന്നതിനും കുടുംബങ്ങളുടെ കൂട്ടായ്മയിലൂടെ ലഹരി വിരുദ്ധ സന്ദേശം സമൂഹത്തിലെത്തിക്കുന്നതിനുമായി സംഘടിപ്പിച്ച വാക്കത്തോണിൽ 600-ലധികം പേർ പങ്കെടുത്തു.