കന്യാമറിയത്തിന്റെ യൂറോപ്പിലെ ഏറ്റവും ഉയരമുള്ള തിരുരൂപം അനാച്ഛാദനം ചെയ്തു

പോളണ്ട് : പോളണ്ടിലെ കൊനൊതോപി ഗ്രാമത്തിൽ 55.6 മീറ്റർ ഉയരമുള്ള കന്യകാമറിയത്തിന്റെ പ്രതിമ ഓഗസ്റ്റ് 15ന് ആശീർവദിച്ച് ഔദ്യോഗികമായി അനാച്ഛാദനം ചെയ്തു.കന്യാമറിയത്തിന്റെ യൂറോപ്പിലെ ഏറ്റവും ഉയരമുള്ള തിരുരൂപമാണിത്. ലോകത്തെ രണ്ടാമത്തെ ഉയരമുള്ള തിരുരൂപം എന്ന റിക്കാർഡും പോളണ്ടിലെ ഈ തിരുരൂപത്തിനുണ്ട്. ഫിലിപ്പീൻസിലെ മേരി ഓഫ് ഓൾ ഏഷ്യയാണ് ലോകത്തെ ഏറ്റവും ഉയരമുള്ള തിരുരൂപം. 98.15 മീറ്ററാണ് ഇതിന്റെ ഉയരം.പരിശുദ്ധ കന്യകാമറിയത്തിന്റെ സ്വർഗ്ഗാരോപണ തിരുനാൾ ദിനത്തിലായിരുന്നു പ്രതിമയുടെ ആശീർവാദച്ചടങ്ങ് നടന്നത്. മധ്യ പോളണ്ടിലെ ഈ ചെറിയ ഗ്രാമത്തിൽ നടന്ന ചടങ്ങിൽ നൂറുകണക്കിന് ആളുകൾ പങ്കെടുത്തു.