‘കാന്റിക്കിൾ ഗാർഡൻ’ ഹരിത പദ്ധതിക്ക്‌ തുടക്കമായി

കൊച്ചി :മാനാഞ്ചേരിക്കുന്ന് സെന്റ് പോൾസ് ദൈവാലയത്തിൽ ആരംഭിച്ച “Canticle Garden” (കാന്റിക്കിൾ ഗാർഡൻ) ഹരിത പദ്ധതിക്ക്‌ തുടക്കമായി. ദൈവാലയമുറ്റവും പരിസരവും മനോഹരമായ ചെടികൾ നട്ടുപിടിപ്പിച്ച് ഹരിതാഭമാക്കുന്നതിനായാണ് ഈ പദ്ധതി. അസ്സീസിയിലെ വിശുദ്ധ ഫ്രാൻസിസിന്റെ പ്രകൃതിസ്നേഹത്തിൽ നിന്നും പ്രചോദനമുൾക്കൊണ്ട് അൽമായ ശുശ്രൂഷ സമിതിയുടെ നേതൃത്വത്തിലാണ് ഈ വേറിട്ട നന്മയ്ക്ക് തുടക്കം കുറിച്ചത്.ഇടവക വികാരി ഫാ. ഷാജു കുരിശിങ്കൽ പദ്ധതിയുടെ ഉദ്ഘാടനം നിർവ്വഹിച്ചു. ​ഫാ. ഡയസ് വലിയമരത്തിങ്കൽ, ഇടവക കേന്ദ്ര സമിതി പ്രസിഡന്റ്‌ സുനിൽ കുന്നത്തൂർ, അൽമായ ശുശ്രൂഷ സമിതി കൺവീനർ, ജോയിന്റ് കൺവീനർ, മറ്റ് സമിതി അംഗങ്ങൾ, ഇടവകാംഗങ്ങൾ എന്നിവർ നേതൃത്വം നൽകി.