ഉസ്കൂൾ” സ്കൂൾ കിറ്റ് വിതരണ പരിപാടി സംഘടിപ്പിച്ചു

കോട്ടപ്പുറം: വിദ്യാർത്ഥികളുടെ വിദ്യാഭ്യാസ യാത്രയ്ക്ക് കരുത്തേകുന്ന “ഉസ്കൂൾ” സ്കൂൾ കിറ്റ് വിതരണ പരിപാടി കെ സി വൈ എം കോട്ടപ്പുറം രൂപതയുടെ ആഭിമുഖ്യത്തിൽ സെന്റ് സെബാസ്റ്റ്യൻസ് പള്ളി, വി.പി. തുരുത്തിൽ സംഘടിപ്പിച്ചു.
പഠനോപകരണങ്ങളിലൂടെ പ്രതീക്ഷയും പ്രോത്സാഹനവും പകരുക എന്ന ലക്ഷ്യത്തോടെ സംഘടിപ്പിച്ച പരിപാടിയിൽ നിരവധി വിദ്യാർത്ഥികൾക്ക് സ്കൂൾ കിറ്റുകൾ വിതരണം ചെയ്തു. പുതിയ അധ്യയന വർഷത്തിന് മുന്നോടിയായി വിദ്യാർത്ഥികൾക്ക് ആവശ്യമായ പഠനസാമഗ്രികൾ ലഭ്യമാക്കുന്നതിലൂടെ അവരുടെ വിദ്യാഭ്യാസ സ്വപ്നങ്ങൾക്ക് കരുത്തേകുകയാണ് ഈ സംരംഭത്തിന്റെ പ്രധാന ലക്ഷ്യം. പരിപാടിയിൽ രൂപതാ ഭാരവാഹികൾ, ഇടവക പ്രതിനിധികൾ, കെ സി വൈ എം പ്രവർത്തകർ, രക്ഷിതാക്കൾ, വിദ്യാർത്ഥികൾ എന്നിവർ പങ്കെടുത്തു.