ഗെല്‍സന്‍കിര്‍ഷന്‍: യൂറോ കപ്പ് ഗ്രൂപ്പ് ബി പോരാട്ടത്തിൽ ഇറ്റലിയെ തകർത്ത സ്പെയിൻ പ്രീക്വാർട്ടറിൽ. ഇറ്റലിയെ എതിരില്ലാത്ത ഒരു ഗോളിനു കീഴടക്കിയാണ് സ്പെയിൻ ഗ്രൂപ്പ് ജേതാക്കളായി യൂറോ കപ്പ് പ്രീ ക്വാര്‍ട്ടറിലെത്തിയത്.
55-ാം മിനിറ്റില്‍ ഇറ്റാലിയന്‍ താരം റിക്കാര്‍ഡോ കാലഫിയോരിയുടെ സെല്‍ഫ് ഗോളാണ് സ്പെയിനെ തുണച്ചത്.
മത്സരത്തിൽ തുടക്കം മുതൽ പ്രതിരോധം തീർത്താണ് ഇറ്റലി സ്പെയിന്‍റെ ആക്രമണങ്ങളെ ചെറുത്തത്. ഇറ്റാലിയൻ ഗോള്‍കീപ്പര്‍ ഡൊണ്ണരുമയുടെ മികവും കൂടിയായതോടെ സ്പെയിനു വലകുലുക്കാനായില്ല.
രണ്ടു കളികളില്‍ നിന്ന് ആറു പോയിന്‍റോടെയാണ് സ്‌പെയ്‌നിന്‍റെ നോക്കൗട്ട് പ്രവേശനം. നിലവില്‍ മൂന്നു പോയിന്‍റുമായി രണ്ടാമതുള്ള ഇറ്റലിക്ക് ക്രൊയേഷ്യയുമായുള്ള അവസാന മത്സരം തോല്‍ക്കാതിരുന്നാല്‍ പ്രീക്വാര്‍ട്ടറിലെത്താം.
