കൊച്ചി:അങ്കമാലി പറക്കുളത്ത് വീടിന് തീപിടിച്ച് ഒരു കുടുംബത്തിലെ 4 പേർ മരിച്ചു. പറക്കുളം സ്വദേശി ബിനീഷ്, ഭാര്യ അനുമോൾ ഇവരുടെ രണ്ടു മക്കൾ എന്നിവരാണ് മരിച്ചത്. ഇന്നു പുലർച്ചെയാണ് സംഭവം. തീപിടിത്തത്തിൻ്റെ കാരണം വ്യക്തമല്ല.
എസി മുറി കത്തിനശികാൻ കാരണം ഷോട്ട്സർക്യൂട്ട് ആണെന്നാണ് പ്രാഥമിക നിഗമനം. ആത്മഹത്യ സാധ്യതയുണ്ടോ എന്നും പോലീസ് പരിശോധിക്കുന്നത്. ഫോറൻസിക് സംഘം സ്ഥലത്തെത്തി പരിശോധിച്ചാൽ മാത്രമേ ഇക്കാര്യത്തിൽ കൂടുതൽ വ്യക്തതവരുവെന്നും അധികൃതർ അറിയിച്ചു.
അങ്കമാലി നഗരത്തിൽ ജാതിക്ക വ്യാപാരിയായിരുന്നു ബിനീഷ്. രാവിലെ ബിനീഷിന്‍റെ അമ്മയിലൂടെയാണ് വിവരം പുറത്തറിയുന്നത്. അഗ്നിശമനസേന സ്ഥലത്തെത്തിയാണ് തീയണച്ചത്.
