വിദേശ സർവകലാശാലകളിൽ ബിരുദ പഠനത്തിന് ന്യൂനപക്ഷ വിദ്യാർഥികൾക്ക് സ്കോളർഷിപ്പ്; അപേക്ഷ ഡിസംബർ 10 വരെ

തിരുവനന്തപുരം: സംസ്ഥാനത്തെ ന്യൂനപക്ഷ വിഭാഗങ്ങളിൽപ്പെട്ട വിദ്യാർഥികൾക്ക് വിദേശ സർവകലാശാലകളിൽ ബിരുദ കോഴ്‌സുകൾ പഠിക്കുന്നതിന് സ്കോളർഷിപ്പ് അനുവദിക്കുന്നതിനായി സംസ്ഥാന ന്യൂനപക്ഷക്ഷേമ വകുപ്പ് അപേക്ഷ ക്ഷണിച്ചു.ക്രിസ്ത്യൻ, മുസ്ലിം, സിഖ്, ബുദ്ധ, പാഴ്‌സി, ജൈന വിഭാഗങ്ങളിൽപ്പെട്ട സംസ്ഥാനത്തെ സ്ഥിരതാമസക്കാരായ വിദ്യാർഥികൾക്കാണ് സ്കോളർഷിപ്പിന് അർഹത. വിദേശ സർവകലാശാലകളിലെ പഠനത്തിനായി ഷെഡ്യൂൾഡ്, കൊമേഴ്‌സ്യൽ ബാങ്കുകളിൽ നിന്നോ ന്യൂനപക്ഷ ധനകാര്യ വികസന കോർപ്പറേഷനിൽ നിന്നോ എടുത്ത വിദ്യാഭ്യാസ വായ്പയുടെ അടിസ്ഥാനത്തിലാണ് സ്കോളർഷിപ്പ് അനുവദിക്കുക.വിദേശ ഉപരിപഠനത്തിനായി മറ്റ് സർക്കാർ ധനസഹായമോ സ്കോളർഷിപ്പോ ലഭിക്കുന്നവർക്ക് ഈ ആനുകൂല്യത്തിന് അർഹതയുണ്ടാകില്ല. താത്പര്യമുള്ളവർ [www.mwdscholarship.kerala.gov.in](https://www.mwdscholarship.kerala.gov.in/?utm_source=chatgpt.com) എന്ന വെബ്സൈറ്റ് വഴി ഡിസംബർ 10നകം ഓൺലൈനായി അപേക്ഷിക്കണം.പൂർണമായി പൂരിപ്പിച്ച ഓൺലൈൻ അപേക്ഷയുടെ പ്രിന്റൗട്ടും ആവശ്യമായ അനുബന്ധ രേഖകളും ഡിസംബർ 15നകം ന്യൂനപക്ഷക്ഷേമ വകുപ്പിൽ നേരിട്ടോ തപാൽ മുഖേനയോ സമർപ്പിക്കണം. കൂടുതൽ വിവരങ്ങൾക്ക് 0471-2300523, 0471-2300524 എന്നീ നമ്പറുകളിൽ ബന്ധപ്പെടാം.