ബെംഗളൂരു: ഇന്ത്യയിലെ സഭയ്ക്ക് അഭിമാനകരമായ നിയമനമായി, ബെംഗളൂരുവിലെ സെന്റ് ജോസഫ്സ് ഇൻസ്റ്റിറ്റ്യൂട്ട് ഓഫ് മാനേജ്മെന്റിലെ അസോസിയേറ്റ് പ്രൊഫസറായ ഡോ. കാരൻ റോഡ്രിഗ്സിനെ സമഗ്ര മനുഷ്യവികസനം പ്രോത്സാഹിപ്പിക്കുന്നതിനായുള്ള വത്തിക്കാൻ ഡിക്കാസ്റ്ററിയുടെ കൺസൾട്ടറായി ഫ്രാൻസിസ് പാപ്പാ നിയമിച്ചു.
തൊഴിൽ, സാമ്പത്തിക നീതി, ദാരിദ്ര്യം, കുടിയേറ്റം, മനുഷ്യാവകാശങ്ങൾ, സൃഷ്ടിയുടെ സംരക്ഷണം തുടങ്ങിയ സുപ്രധാന വിഷയങ്ങളിൽ പ്രവർത്തിക്കുന്ന ഡിക്കാസ്റ്ററിയിലേക്ക് മാനേജ്മെന്റിലും സംഘടനാ പെരുമാറ്റശാസ്ത്രത്തിലുമുള്ള ഡോ. കാരൻ റോഡ്രിഗ്സിന്റെ വൈദഗ്ധ്യം വഴികാട്ടിയാകും.
