തൃശ്ശൂർ പൂരത്തിന്റെ ഒരുക്കങ്ങൾ നടന്നുകൊണ്ടിരിക്കെ,14 പേരുടെ ജീവനെടുക്കുകയും 40 ലേറെ വ്യക്തികളെ ഗുരുതരമായി പരിക്കേല്പിക്കുകയും ചെയ്ത തൃശൂർ മുണ്ടത്തിക്കോട് വെടിക്കെട്ട് അപകടത്തിൽ കേരളത്തിൽ മെത്രാൻ സമിതിയുടെയും കെ ആർ എൽ സി സി യുടെയും പ്രസിഡണ്ടായ കോഴിക്കോട് അതിരൂപത മെത്രാപ്പോലീത്ത ആർച്ച് ബിഷപ്പ് വർഗീസ് ചക്കാലക്കൽ അഗാധമായ ദുഃഖവും അനുശോചനവും രേഖപ്പെടുത്തി.
സ്ഫോടനത്തിൽ ദാരുണമായി മരണമടഞ്ഞവരുടെ ആത്മ ശാന്തിക്കായും, മാരകമായി പരിക്കേറ്റവരുടെ പരിപൂർണ്ണമായ സൗഖ്യത്തിനായും പ്രാർത്ഥിക്കുകയും ചെയ്തു.ഈ നഷ്ടവും വേദനയും കേരളം മുഴുവന്റേതുമാണ്.ഇത്തരം ദുരന്തങ്ങൾ ആവർത്തിക്കാതിരിക്കാൻ സർക്കാർ ഉചിതമായ അന്വേഷണവും കർശനമായ സുരക്ഷാ നടപടികളും സ്വീകരിക്കണമെന്നും ആർച്ച് ബിഷപ് ആവശ്യപ്പെട്ടു.
