കൊച്ചി : വരാപ്പുഴ അതിരൂപത യുവജനവർഷ ആഘോഷങ്ങളുടെ ഭാഗമായി,യൂത്ത് കമ്മീഷന്റെ നേതൃത്വത്തിൽ സ്വാതന്ത്ര്യദിനത്തിൽ വന്ദേമാതരം എന്ന പേരിൽ നടത്തിയ പരിപാടിയിൽ വച്ച് വിരമിച്ച സൈനികരെയും പോലീസ് ഉദ്യോഗസ്ഥരെയും ആദരിച്ചു.
എറണാകുളം ആശിർഭവനിൽ നടന്ന സമ്മേളനം സിബിസിഐ ഡെപ്യൂട്ടി സെക്രട്ടറി ജനറൽ ഡോ.സ്റ്റീഫൻ ആലത്തറ ഉദ്ഘാടനം ചെയ്തു.ടി.ജെ വിനോദ് എംഎൽഎ, ഉപഹാരങ്ങൾ സമർപ്പിച്ചു.ഫാ.ജിജു ക്ലീറ്റസ് തീയാടി അധ്യക്ഷനായിരുന്നു.
കെസിവൈഎം അതിരൂപത വൈസ് പ്രസിഡൻറ് വിനോജ് വർഗീസ്, സി എൽ സി അതിരൂപത വൈസ് പ്രസിഡൻറ് ഡോണ ഏണസ്റ്റീൻ ഫാ.ആനന്ദ് മണാലിൽ. ഫാ.ഷിനോജ് റാഫേൽ ആറഞ്ചേരി, ഫ്രാൻസിസ് ഷെൻസൻ സിബിൻ യേശുദാസൻ, സോബിൻ എന്നിവർ സംസാരിച്ചു.
ഇതിൻറെ ഭാഗമായി നടത്തിയ ദേശഭക്തിഗാന മത്സരത്തിൽ വൈപ്പിൻ ഫെറോന ടീം ഒന്നാം സ്ഥാനവും, ഏഴാം ഫെറോനാ ടീം രണ്ടാം സ്ഥാനവും നാലാം ഫൊറോന ടീം മൂന്നാം സ്ഥാനവും കരസ്ഥമാക്കി.
