Author: admin

ആലപ്പുഴ: പെന്തക്കൊസ്താദിനത്തിൽ ആലപ്പുഴ രൂപതയിലെ ദേവാലയങ്ങളിലെ കുടുംബ കൂട്ടായ്മകളുടെ നേതാക്കളുടെ ഒത്തു വരവ് ബിസിസി ദിനമായി ആചരിച്ചു. മൗണ്ട് കാർമൽ കത്തീഡ്രലിൽ, രൂപതാ വികാരി ജനറൽ മോൺ.ജോയ് പുത്തൻവീട്ടിലിൻ്റെ മുഖ്യ കാർമികത്വത്തിൽ ദിവ്യബലിയർപ്പിച്ചു. തുടർന്നു കൺവീനർ ബൈജു A J പതാക ഉയർത്തി. ഫാമിലി മിനിസ്ട്രി ഡയറക്ടർ ജോയ് അറക്കൽ പ്രതിനിധി സമ്മേളനം ഉദ്ഘാടനം ചെയ്തു. ഫാ.ജോസഫ് ഡോമിനിക് വട്ടത്തിൽ, ഫാ.ജോയ് അറക്കൽ, ഫാ. ജോർജ് ഇരട്ട പുളിക്കൽ, ഫാ.ജോൺസൺ പുത്തൻവീട്ടിൽ, ബോബൻ, ശ്രീ പി.ആർ.കുഞ്ഞച്ചൻ എന്നിവർ ക്ലാസ് നയിച്ചു. ബൈജു എ.ജെ.,സി.ആഗ്നസ് , ജ്യോതിമോൾ സോണി, ബെന്നി ജയിംസ് എന്നിവർ പ്രസംഗിച്ചു. 2025- 26 ലെക്കുള്ള പദ്ധതി പ്രകാശനം ചെയ്തു. മികച്ച ഇടവകയ്ക്കും ഫൊറോനയ്ക്കും സമ്മാനങ്ങൾ വിതരണം ചെയ്തു.

കൊടുങ്ങല്ലൂർ: പരിസ്ഥിതിദിനത്തിൻ്റെ പ്രാധാന്യം ഉയർത്തി എറിയാട് ഫാത്തിമ മാത ഇടവകയിൽ ഹരിതം പദ്ധതിക്ക് തുടക്കമായി . ഇടവകയിലെ മതബോധന വിഭാഗവും, 12-ാം ക്ലാസ് വിദ്യാർത്ഥികളുമാണ് പദ്ധതി നടപ്പിലാക്കുന്നത്.ഓരോ ക്ലാസും ഓരോ ഫലവൃക്ഷങ്ങൾ നട്ട് പരിപാലിക്കുന്നതാണ് പദ്ധതി, അങ്ങനെ പരിപാലിക്കുന്ന മികച്ച ക്ലാസിന് സമ്മാനവും ഏർപ്പെടുത്തിയിട്ടുണ്ട്.. ഇടവക വികാരി ഫാ. ആൽബർട്ട് കോണത്ത് ഹരിതം പദ്ധതി ഉദ്ഘാടനം ചെയ്തു.സാമൂഹ്യശുശ്രൂഷ സമിതി കൺവീനർ തുജ ഫ്രാൻസിസ് ആശംസകൾ നേർന്ന് സംസാരിച്ചു.കേന്ദ്ര സമിതി പ്രസിഡൻ്റ് വർഗ്ഗീസ് പുള്ളിക്കാൽ, പാരിഷ് കൗൺസിൽ സെക്രട്ടറി അജിത്ത് തങ്കച്ചൻ കാനപ്പിള്ളി, മതബോധന വിഭാഗം പ്രധാനാധ്യാപിക ആൻസി ജിപ്സൻ എന്നിവർ സന്നിഹിതരായിരുന്നു

കൊട്ടാരക്കര സെന്റ് മൈക്കിൾസ് ദേവാലയത്തിൽ പൊന്നു മുത്തൻ പിതാവ് െസ്ഥര്യലേപനാർത്ഥികളോടൊപ്പം

തിരുവനന്തപുരം: പ്ലസ് വൺ പ്രവേശനത്തിനുള്ള രണ്ടാം അലോട്ട്മെൻറ് നാളെ പ്രസിദ്ധീകരിക്കുമെന്ന് വിദ്യാഭ്യാസ മന്ത്രി വി ശിവൻകുട്ടി അറിയിച്ചു. ഒഴിവുള്ളത് 96,108 സീറ്റുകളാണ്, സ്‌പോർട്‌സ് ക്വാട്ടയിൽ 3508 സീറ്റുകളും ബാക്കിയുണ്ട്. മോഡൽ റസിഡൻഷ്യൽ സ്‌കൂളുകളിൽ 494 സീറ്റുകൾ കൂടിയുണ്ട്.ഇതുവരെ ആകെ പ്രവേശനം നേടിയത് 2,26,960 കുട്ടികളാണ്. 163801 അപേക്ഷകർ കൂടി ശേഷിക്കുന്നുണ്ട്. നാളെ പ്രസിദ്ധീകരിക്കുന്ന അലോട്ട്മെൻറ് പ്രകാരം ജൂൺ 10,11 തീയതികളിൽ പ്രവേശനം നടക്കും. അലോട്ട്മെൻറ് ലഭിച്ച വിദ്യാർത്ഥികൾ ആവശ്യമായ രേഖകൾ സഹിതം അലോട്ട്മെൻറ് ലഭിച്ച സ്‌കൂളിൽ എത്തി പ്രവേശനം നേടണം. മൂന്നാമത്തെ അലോട്ട്മെൻറ് 2025 ജൂൺ 16 നാണ് പ്രസിദ്ധീകരിക്കുക . മൂന്നാം അലോട്ട്മെൻറ് പ്രകാരമുള്ള പ്രവേശനം 16, 17 തീയതികളിൽ പൂർത്തിയാക്കും. ജൂൺ 18 ന് പ്ലസ് വൺ ക്‌ളാസുകൾ ആരംഭിക്കുമെന്നും മന്ത്രി അറിയിച്ചു.

വാഷിങ്ടൺ: വരാനിരിക്കുന്ന തെരഞ്ഞെടുപ്പിൽ ഡെമോക്രാറ്റിക് പാർട്ടിയെ പിന്തുണച്ചാൽ ഗുരുതരമായ പ്രത്യാഘാതങ്ങളുണ്ടാകുമെന്ന് ഇലോൺ മസ്‌കിന് മുന്നറിയിപ്പ് നൽകി അമേരിക്കൻ പ്രസിഡൻറ്‌ ഡൊണാൾഡ് ട്രംപ്. എൻ‌ബി‌സി ന്യൂസിന് നൽകിയ അഭിമുഖത്തിലാണ് മസ്‌കിന് ട്രംപിൻറെ ഭീഷണി . 2026-ലെ ഇടക്കാല തെരഞ്ഞെടുപ്പിൽ ഡെമോക്രാറ്റിക് സ്ഥാനാർഥികളെ മസ്‌ക് പിന്തുണയ്ക്കുമെന്ന പ്രചാരണങ്ങൾക്കിടെയാണ് ട്രംപിൻറെ പ്രതികരണം.യാതൊരു ഒത്തുതീർപ്പിനും തനിക്ക് താൽപര്യമില്ലെന്നും അഭിമുഖത്തിനിടെ ട്രംപ് പ്രഖ്യാപിച്ചു. തെരഞ്ഞെടുപ്പിൽ വൻ ഭൂരിപക്ഷത്തിലാണ് താൻ വിജയിച്ചത്. മസ്‌കുമായി സംസാരിക്കാൻ താൽപര്യമില്ല. മറ്റ് കാര്യങ്ങൾ ചെയ്യുന്നതിൽ തിരക്കിലാണെന്നും ട്രംപ് പറഞ്ഞു.സർക്കാറിൻ്റെ നികുതി ഇളവുകൾ റദ്ദാക്കുന്ന കോസ്റ്റ് ബില്ലുമായി ബന്ധപ്പെട്ട വിഷയത്തിലായിരുന്നു ഉറ്റസുഹൃത്തുമായി ട്രംപ് ഉടക്കിപ്പിരിഞ്ഞത്. ‘വൺ ബിഗ് ബ്യൂട്ടിഫുൾ’ എന്ന് വിശേഷിപ്പിക്കുന്ന ബില്ലിനെ മസ്‌ക് രൂക്ഷ ഭാഷയിൽ വിമർശിച്ചു . ബില്ലിനെ വെറുപ്പുളവാക്കുന്ന മ്ലേച്ഛത എന്നാണ് മസ്‌ക്‌ വിളിച്ചത്.

കെ ആർ എൽ സി സിയുടെ 45 ആമതു ജനറൽ അസ്സംബ്ലി 2025 ജൂലൈ 11 മുതൽ 13 വരെ ഇടക്കൊച്ചി ആൽഫാ പാസ്റ്ററൽ സെന്ററിൽ വെച്ച് നടത്തപ്പെടും

ഇംഫാൽ: വീണ്ടും മണിപ്പൂർ സംഘർഷഭരിതമാവുകയാണ് . മെയ്‌തെയ് തീവ്ര സംഘടനയായ ‘ആംരംഭായ് തെങ്കോൽ’ നേതാവിന്റെ അറസ്റ്റിനെ തുടർന്നാണ് സംഘർഷം വീണ്ടും പൊട്ടിപ്പുറപ്പെട്ടത് . നേതാവിനെ വിട്ടയക്കണമെന്നാണ് പ്രതിഷേധക്കാരുടെ ആവശ്യം. സർക്കാർ അഞ്ച് ജില്ലകളിലെ ഇന്റർനെറ്റ് സേവനങ്ങൾ റദ്ദാക്കി. ഇംഫാൽ, വെസ്റ്റ് ഇംഫാൽ, ഥൗബൽ, ബിഷ്ണുപുർ, കാചിങ് ജില്ലകളിലാണ് അഞ്ച് ദിവസത്തേക്ക് വിലക്ക്. ഇംഫാലിൽ പ്രതിഷേധക്കാർ തെരുവിലിറങ്ങി . റോഡിൽ ടയറുകൾ കത്തിച്ചു. വിദ്വേഷ സന്ദേശങ്ങളും വീഡിയോകളും പ്രചരിപ്പിച്ച് കലാപം ആളിക്കത്തിക്കാൻ സോഷ്യൽ മീഡിയ ദുരുപയോഗം ചെയ്യപ്പെടാമെന്നും ഇത് സ്ഥിതി കൂടുതൽ വഷളാക്കുമെന്നും അധികൃതർക്ക് ആശങ്കയുണ്ട് . സ്ഥിതിഗതികൾ നിയന്ത്രണവിധേയമാക്കാൻ കൂടുതൽ സുരക്ഷാ സേനയെ വിന്യസിച്ചു . ബിഷ്ണുപൂരിൽ പൂർണ്ണ കർഫ്യൂ ഏർപ്പെടുത്തിയിട്ടുണ്ട്.

വിധവകൾക്ക് സ്വയം തൊഴിൽ ചെയ്തു വരുമാനം കണ്ടെത്തുന്നതിന് സാമ്പത്തീക സഹായ കൊടുക്കുന്നു.

വത്തിക്കാൻ :യുറോപ്യൻ സമിതിയുടെ അദ്ധ്യക്ഷനായ അന്തോണിയൊ കോസ്ത വത്തിക്കാനിൽ പാപ്പയെ സന്ദർശിച്ചു.ജൂൺ 6-ന് വെള്ളിയാഴ്ചയായിരുന്നു ഈ കൂടിക്കാഴ്ച. തുടർന്ന് വത്തിക്കാൻ സംസ്ഥാനകാര്യദർശി കർദ്ദിനാൾ പീയെത്രൊ പരോളിനും രാഷ്ട്രങ്ങളുമായുള്ള ബന്ധങ്ങൾക്കായുള്ള ഉപകാര്യദർശി മോൺസിഞ്ഞോ മിറൊസ്ലാവ് വച്ചോവ്സ്കിയുമായും കൂടിക്കാഴ്ച നടത്തി. പൊതു താല്പര്യമുള്ള വിഷയങ്ങളുമായി, പ്രത്യേകിച്ച് ലോകത്തിലെ പട്ടിണി നിർമ്മാർജ്ജനത്തിനും ഏറ്റവും ദരിദ്രനാടുകളുടെ വികസനം പരിപോഷിപ്പിക്കുന്നതിനും വേണ്ടി ഒരു നാണ്യനിധി രൂപീകരിക്കുന്നതിനുള്ള നിർദ്ദേശവുമായി, ബന്ധപ്പെട്ട സംഭാഷണങ്ങൾ കൂടുതൽ സജീവമാക്കുന്നതിനുള്ള താൽപ്പര്യവും ഇരുവിഭാഗവും പ്രകടിപ്പിച്ചു. ഉക്രൈയിനിലെയും ഗാസയിലെയും സംഘർഷവാസ്ഥകളും പരാമർശവിഷയമായി.

വി മറിയം ത്രേസ്സ്യ ധന്യൻ ജോസഫ് വിതയത്തിൽ തീർത്ഥാടന കേന്ദ്രത്തിൽ വി മറിയം ത്രേസ്യയുടെ തിരുനാൾ ഇന്ന് ആഘോഷിക്കപ്പെടുന്നു.