Author: admin

പാവങ്ങളോടുള്ള അനുകമ്പ ഒരു വിളിയും ഉൾവിളിയും വെല്ലുവിളിയും ആണെന്ന് KCBC ലേബർ കമ്മീഷൻ ചെയർമാൻ ബിഷപ്പ് റൈറ്റ്. റവ. ഡോ. സെൽവിസ്റ്റർ പൊന്നുമുത്തൻ

ഗാസ : ഗാസയില്‍ ചോരയൊഴുക്കല്‍ തുടര്‍ന്ന് ഇസ്രയേല്‍.ഇന്ന് പുലര്‍ച്ചെ നടത്തിയ ആക്രമണത്തില്‍ പത്ത് പേരാണ് കൊല്ലപ്പെട്ടത് . അതിനിടെ, പോഷകാഹാരക്കുറവ് കാരണം ഒരു പലസ്തീന്‍ കുട്ടി കൂടി മരിച്ചു. ഇതോടെ പട്ടിണി മരണം 222 ആയി. ഇവരില്‍ 101 പേരും കുട്ടികളാണ്. കഴിഞ്ഞ ദിവസം ഇസ്രയേല്‍ കൊലപ്പെടുത്തിയ അല്‍ ജസീറ മാധ്യമപ്രവര്‍ത്തകരുടെ സംസ്‌കാരം നടന്നു. കൊലപാതകത്തെ ലോകമെമ്പാടും അപലപിച്ചു. യൂറോപ്യന്‍ യൂണിയന്‍, ചൈന, ഇസ്രയേലിന്റെ അടുത്ത പങ്കാളി ജര്‍മനി അടക്കമുള്ളവ അപലപിച്ചിട്ടുണ്ട്. അന്താരാഷ്ട്ര മനുഷ്യാവകാശ നിയമത്തിന്റെ നഗ്നമായ ലംഘനമാണ് ഇതെന്ന് യു എന്‍ പ്രസ്താവന ഇറക്കി.മാധ്യമപ്രവര്‍ത്തകരുടെ കൊലപാതകത്തില്‍ ലോകത്തിന്റെ വിവിധ ഭാഗങ്ങളില്‍ പ്രതിഷേധ പ്രകടനം നടന്നു. 2023 ഒക്ടോബര്‍ ഏഴ് മുതല്‍ ഇസ്രയേല്‍ ഗാസയില്‍ നടത്തുന്ന ആക്രമണത്തില്‍ 61,499 പേര്‍ കൊല്ലപ്പെട്ടിട്ടുണ്ട്. 1,53,575 പേര്‍ക്ക് പരുക്കേറ്റു. ഒക്ടോബര്‍ ഏഴിലെ ഹമാസ് ആക്രമണത്തില്‍ ഇസ്രയേലില്‍ 1,139 പേരാണ് കൊല്ലപ്പെട്ടത്.

കൊച്ചി : മൂത്തകുന്നം പനവേൽ ദേശീയ പാതയിലെ പറവൂർ ഇടപ്പള്ളി ഭാഗത്ത് നടക്കുന്ന റോഡ് നിർമ്മാണത്തിൽ കൂനമ്മാവ് പള്ളിപ്പടിയിലും പള്ളിക്കടവ് റോഡിലും അടിപ്പാതയോ എലവേറ്റഡ് പാതയോ വേണമെന്ന് ആവശ്യപ്പെട്ട് നടക്കുന്ന സമരത്തിൻറെ 282 – ആം ദിവസം KLCA വരാപ്പുഴ അതിരൂപത സമിതി ഐക്യദാർഢ്യം പ്രഖ്യാപിച്ച് നിൽപ്പ് സമരം നടത്തി അതിരൂപതാ പ്രസിഡൻറ് സിജെ പോൾ അധ്യക്ഷത വഹിച്ച ഐക്യദാർഢ്യ സമ്മേളനം ആധ്യാത്മിക ഉപദേഷ്ടാവ് ഫാ.മാർട്ടിൻ തൈപ്പറമ്പിൽ ഉദ്ഘാടനം ചെയ്തു. .സംസ്ഥാന പ്രസിഡൻറ് അഡ്വ. ഷെറി ജെ തോമസ് മുഖ്യ പ്രഭാഷണം നടത്തി. കിൻഫ്ര ചെയർമാൻ സാബു ജോർജ്, കൂനമ്മാവ് മേഖലാ പ്രസിഡൻറ് ബിജു മുല്ലൂർ, അതിരൂപത വൈസ് പ്രസിഡൻ്റ് റോയ് ഡിക്കുഞ്ഞ എന്നിവർ അഭിവാദ്യങ്ങൾ അർപ്പിച്ച് സംസാരിച്ചു. സമര സമിതി വൈസ് ചെയർമാൻ മാത്തപ്പൻ കാനപ്പിള്ളി സ്വാഗതം ആശംസിച്ചു. അതിരൂപത ജനറൽ സെക്രട്ടറി റോയ് പാളയത്തിൽ നന്ദിയർപ്പിച്ചു. അതിരൂപത, മേഖല, യൂണിറ്റ് ഭാരവാഹികളും പ്രവർത്തകരും പങ്കെടുത്തു സമരസമിതി ചെയർമാൻ തമ്പി…

തിരുവനന്തപുരം: തദ്ദേശ തെരഞ്ഞെടുപ്പ് വോട്ടര്‍ പട്ടികയിൽ പേര് ചേർക്കുന്നതിനും ഒഴിവാക്കുന്നതിനും തിരുത്തലുകൾ വരുത്തുന്നതിനുമായി നീട്ടി നൽകിയ സമയം ഇന്ന് വൈകീട്ട് അഞ്ച് മണിക്ക് അവസാനിക്കും. ഇന്നു കൂടി വോട്ടർമാർക്ക് അപേക്ഷ നൽകാവുന്നതാണ്. വോട്ടര്‍പട്ടികയില്‍ പേര് ചേര്‍ക്കുന്നതിനും തിരുത്തല്‍ വരുത്തുന്നതിനും www.sec.kerala.gov.in എന്ന വെബ്‌സൈറ്റോ നിങ്ങളുടെ തദ്ദേശസ്വയംഭരണസ്ഥാപനമോ സന്ദര്‍ശിക്കാം . 2025 ജനുവരി ഒന്നിനോ മുന്‍പോ 18 വയസ് പൂര്‍ത്തിയായവര്‍ക്ക് വോട്ടര്‍ പട്ടികയില്‍ പേര് ചേര്‍ക്കാം. തിങ്കളാഴ്ച വരെ 32 ലക്ഷത്തിൽ കൂടുതൽ അപേക്ഷകളാണ് വിവിധ മാറ്റങ്ങൾക്കായി നൽകിയത്. ഇതിൽ 27 ലക്ഷത്തിൽ കൂടുതൽ പേർ പട്ടികയിൽ പേര് ഉൾപ്പെടുത്താൻ അപേക്ഷ നൽകിയവരാണ്. ഈ മാസം 30നാണ് അന്തിമപട്ടിക പ്രസിദ്ധീകരിക്കുക .

ചെന്നൈ: വാല്‍പ്പാറയില്‍ ഏഴ് വയസുകാരനെ ആക്രമിച്ച് കൊന്നത് കരടിയാണെന്ന് സ്ഥിരീകരണം . കഴിഞ്ഞ ദിവസം രാത്രിയായിരുന്നു സംഭവം. കുട്ടിയെ പുലി കടിച്ചുകൊന്നതാണെന്നായിരുന്നു ആദ്യ ഘട്ടത്തില്‍ പുറത്തുവന്ന വിവരം. അസം സ്വദേശികളുടെ മകന്‍ നൂറുല്‍ ഇസ്ലാമാണ് മരിച്ചത്. തേയിലത്തോട്ടത്തിലായിരുന്നു മൃതദേഹം കണ്ടെത്തിയത്. പോസ്റ്റ്‌മോര്‍ട്ടത്തിന് ശേഷം മൃതദേഹം സംസ്‌കരിക്കും. നേരത്തെ വാല്‍പ്പാറയില്‍ പുലി ഇറങ്ങിയിരുന്നു. ദിവസങ്ങള്‍ക്ക് മുമ്പ് മറ്റൊരു കുട്ടിയെ പുലി കടിച്ചുകൊണ്ടുപോയിരുന്നു. ഏറെ തിരച്ചിലിന് ശേഷമായിരുന്നു മൃതദേഹം കണ്ടെത്തിയത്. ഈ പുലിയ പിടിക്കാന്‍ വനംവകുപ്പിന് കഴിഞ്ഞില്ല . ഇതിനിടയിലാണ് കരടിയുടെ ആക്രമണം . പകല്‍പോലും പുറത്തിറങ്ങാന്‍ ഭയമാണെന്ന് പ്രദേശവാസികൾ പറയുന്നു .

ന്യൂഡൽഹി: താത്ക്കാലിക വൈസ് ചാൻസലർ നിയമനത്തിൽ ഗവർണർ രാജേന്ദ്ര ആർലേക്കർക്കെതിരെ കേരളം സുപ്രീംകോടതിയിലേക്ക് . ഡിജിറ്റൽ, കെടിയു വി സിമാരായി സിസ തോമസ്, കെ ശിവപ്രസാദ് എന്നിവരെ വീണ്ടും നിയമിച്ചതോടെയാണിത് . സർക്കാർ നൽകിയ പാനൽ തള്ളിയാണ് രാജ്ഭവൻ വിജ്ഞാപനം ഇറക്കിയത്. നടപടിയെ നിയമപരമായി നേരിടാനാണ് സർക്കാർ തീരുമാനം.ഡിജിറ്റൽ സർവകലാശാല വൈസ് ചാൻസലറായി സിസാ തോമസിനേയും കെടിയു സർവകലാശാല വൈസ് ചാൻസലറായി കെ ശിവപ്രസാദിനേയും നിയമിച്ചത് ചട്ടവിരുദ്ധമാണെന്നാണ് കേരളം ഹർജിയിൽ ചൂണ്ടിക്കാട്ടുന്നത്. നിയമനം സംബന്ധിച്ച ഗവർണറുടെ ഉത്തരവ് റദ്ദാക്കണമെന്നും സംസ്ഥാന സർക്കാർ ആവശ്യപ്പെട്ടു.ഡിജിറ്റൽ, സാങ്കേതിക സർവകലാശാല വി സി നിയമനത്തിൽ ഗവർണർക്ക് ഹൈക്കോടതിയിൽ നിന്ന് തിരിച്ചടി കിട്ടിയിരുന്നു. വിസി നിയമനം സർക്കാർ പാനലിൽ നിന്ന് വേണമെന്നായിരുന്നു ഹൈക്കോടതി ഉത്തരവ് . ഇതിനെതിരെ ഗവർണർ സുപ്രീംകോടതിയെ സമീപിച്ചു . ഡിജിറ്റൽ, സാങ്കേതിക സർവകലാശാലകളിൽ സ്ഥിരം വിസിമാരെ ഉടൻ നിയമിക്കണമെന്നായിരുന്നു സുപ്രീംകോടതി വ്യക്തമാക്കിയത്. അതുവരെ താത്ക്കാലിക വിസിമാർക്ക് തുടരാമെന്നും വിസി നിയമനത്തിനായി ഗവർണർക്ക് വിജ്ഞാപനം…

കോഴിക്കോട്: ആർച്ച്‌ബിഷപ്പായി ഉയർന്നതിനുശേഷം ആദ്യമായി ചെറുവണ്ണൂരിലെത്തിയ കോഴിക്കോട് അതിരൂപതാ ആർച്ച്‌ബിഷപ്പ് ഡോ. വർഗീസ് ചക്കാലക്കലിനും , വെനേറിനി സന്യാസിനി സഭയുടെ സുപീരിയർ ജനറലായി തെരഞ്ഞെടുത്ത ആദ്യ ഇന്ത്യക്കാരിയും മലയാളിയുമായ സിസ്റ്റർ സിസി മുരിങ്ങമ്യാലിനും, ജനറൽ കൗൺസിലറായി തെരഞ്ഞെടുക്കപ്പെട്ട സിസ്റ്റർ ബ്രിജിത് വടക്കേപുരക്കലിനും ചെറുവണ്ണൂരിൽ സ്വീകരണവും ആദരവും നൽകി. ചെറുവണ്ണൂർ ജംഗ്ഷനിൽ നടന്ന സ്വീകരണത്തിന് ശേഷം, മുത്തുകുടകളും മഞ്ഞ–വെള്ള നിറത്തിലുള്ള ബലൂണുകളും, മാലാഖവേഷം ധരിച്ച കുട്ടികളുടെ അകമ്പടിയോടുകൂടി വർണ്ണപ്പകിട്ടാർന്ന റാലിയിലൂടെ തുറന്ന ജീപ്പിൽ വിശിഷ്ടാതിഥികളെ സ്കൂൾ പരിസരത്തേക്ക് കൊണ്ടുവന്നു. അവിടെ നടന്ന കൃതജ്ഞതാ ദിവ്യബലിക്ക് ആർച്ച്‌ബിഷപ്പ് മുഖ്യകാർമികത്വം വഹിച്ചു. തുടർന്ന് ചെറുവണ്ണൂർ ലിറ്റിൽ ഫ്ലവർ യു.പി. സ്കൂൾ നടന്ന അനുമോദനയോഗം കോഴിക്കോട് അതിരൂപത ആർച്ച്‌ബിഷപ്പ് തിരി തെളിച്ച് ഉദ്ഘാടനം ചെയ്തു. ചെറുവണ്ണൂർ തിരുഹൃദയ ദേവാലയം സഹവികാരി ഫാ. ജെർലിൻ സ്വാഗതപ്രസംഗം നടത്തി. യോഗത്തിൽ അധ്യക്ഷനായി കോഴിക്കോട് രൂപത വികാരി ജനറൽ മോൺ. ജൻസൻ പുത്തൻവീട്ടിൽ സന്നിഹിതനായി. ഉദ്ഘാടന പ്രസംഗത്തിൽ ആദരിക്കപ്പെടുന്ന മൂന്ന് വ്യക്തികളുടെ…

പത്തനംതിട്ട : ഇന്ത്യയുടെ വിവിധ സംസ്ഥാനങ്ങളിൽ നിരന്തരമായി കൂട്ടം ചേർന്ന് ക്രൈസ്തവരെയും, പുരോഹിതരരെയും, കന്യാസ്ത്രീകളെയും മർദ്ദിക്കുകയും, ആൾക്കൂട്ട വിചാരണ നടത്തുകയും, പൗരന്മാരുടെ ഭരണഘടനാപരമായ മതസ്വാതന്ത്ര്യം ഹനിക്കുകയും ചെയ്യുന്ന അതിതീവ്ര ഹിന്ദുത്വ സംഘടനയായ ബജ്റംങ്ങ്ദളിനെ നിരോധിക്കണം എന്ന് ആവശ്യപ്പെട്ട് ക്രിസ്ത്യൻ മൂവ്മെൻ്റ് ഓഫ് ഇന്ത്യ പ്രധാനമന്ത്രിക്ക് കത്തയച്ചു. കഴിഞ്ഞ ദിവസം ഒഡീഷയിലെ ജലേശ്വറിൽ ആണ് കുർബാനയ്ക്ക് പോയ വൈദീകരായ ഫാ. ലിജോ ജോർജ്ജ് നിരപ്പേൽ, ഫാ. വി ജോജോ, കന്യാസ്ത്രിമാരായ എലേസ ചെറിയാൻ, മോളിലൂയിസ് എന്നിവരെ ഗംഗാധർ ഗ്രാമത്തിൽ മതപരിവർത്തനം ആരോപിച്ച് നൂറിലേറെ വരുന്ന ബജ്റംങ്ദൾ പ്രവർത്തകർ തടഞ്ഞുവച്ച് ആൾകൂട്ട വിചാരണ ചെയ്തും, മർദ്ദിച്ചും വാഹനങ്ങൾ നശിപ്പിച്ചതുമായ സംഭവം ഇന്ത്യയുടെ മതേതര ആത്മാവിനെ കീറി മുറിക്കുന്നതും, പോലീസിൻ്റെ സാന്നിധ്യത്തിലും അവർ അഴിച്ചുവിട്ട അക്രമവും, മർദ്ദനവും പൗരനീതിക്കെതിരും നിയമവാഴ്ചയുടെ പോരായ്മയുമായി കാണുന്നു. ന്യൂന പക്ഷത്തിന്റെമേലുള്ള അക്രമാസക്തമായ പീഡന നടപടികളാണ് ഈ സംഭവങ്ങൾ വളിച്ചു അറിയിക്കുന്നത്. വൈദികരെയും, കന്യാസ്ത്രീകളെയും ആക്രമിച്ച കുറ്റവാളികളെ അറസ്റ്റ് ചെയ്ത് വിചാരണ…

കൊച്ചി:ദൈവവചനത്തിൽ ആഴമായി വിശ്വാസമർപ്പിച്ച്, ദൈവീക പദ്ധതിക്കായി ജീവിതം പൂർണമായി സമർപ്പിച്ച്,ജീവിതത്തിന്റെ ഏക പ്രത്യാശയായ ക്രിസ്തുവിൽ നന്മ നിറഞ്ഞതും മെച്ചപ്പെട്ടതുമായ ഒരു ജീവിതത്തിനായി ഒരുങ്ങുവാൻ വരാപ്പുഴ മെത്രാപ്പോലീത്ത ഡോ. ജോസഫ് കളത്തിപറമ്പിൽ ആഹ്വാനം ചെയ്തു. വരാപ്പുഴ അതിരൂപത ബിസിസി സംഘടിപ്പിച്ച സിംഫോണിയ 2025 കുടുംബ സംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. വരാപ്പുഴ അതിരൂപതയിലെ 103 ഇടവകകളിൽ നിന്നുള്ള വിധവകളുടെയും വിഭ്യാര്യരുടെയും ഏകസ്ഥരുടെയും സംഗമമാണ് എറണാകുളം പാപ്പാളി ഹാളിൽ വച്ച് നടത്തപ്പെട്ടത്.ബിസിസി ഡയറക്ടർ ഫാ. യേശുദാസ് പഴമ്പിള്ളി അധ്യക്ഷത വഹിച്ചു . ചടങ്ങിൽ വരാപ്പുഴ അതിരൂപത മതബോധന ഡയറക്ടർ ഫാ. വിൻസൻ്റ് നടുവിലപറമ്പിൽ, എറണാകുളം ജില്ലാ പഞ്ചായത്ത് വൈസ് പ്രസിഡണ്ട് അഡ്വ. എൽസി ജോർജ്, എറണാകുളം ജില്ലാ പഞ്ചായത്ത് മെമ്പർ യേശുദാസ് പറപ്പിള്ളി , സി എസ് എസ് സംസ്ഥാന ജനറൽ സെക്രട്ടറി ബെന്നി പാപ്പച്ചൻ, ജനറൽ കൺവീനർ നിക്സൻ വേണാട്ട് എന്നിവർ പ്രസംഗിച്ചു .സാമൂഹ്യ സേവനത്തിൽ ഭോപ്പാൽ സാംസ്‌സു യൂണിവേഴ്സിറ്റിയിൽ നിന്നും…

കൊച്ചി :1975-ൽ സെന്റ് ഫ്രാൻസീസ് സേവ്യർ ദേവാലയത്തിൽ ആരംഭിച്ച കെ.സി.വൈ.എം പോണേൽ യൂണിറ്റിന്റെ സുവർണ്ണ ജൂബിലി ആഘോഷങ്ങളുടെ ഔദ്യോഗിക ലോഗോ പ്രകാശനം വരാപ്പുഴ അതിരൂപതാ ആർച്ച് ബിഷപ്പ് ഡോ. ജോസഫ് കളത്തിപ്പറമ്പിൽ നിർവഹിച്ചു. കെ.സി.വൈ.എം പോണേൽ യൂണിറ്റ് പ്രസിഡന്റ് ജോയാന തോമസ് ജോൺ അധ്യക്ഷത വഹിച്ചു . പോണേൽ ഇടവക വികാരി ഫാ. ആന്റണി ബിബു കാടംപറമ്പിൽ ആമുഖപ്രഭാഷണം നടത്തി . സെക്രട്ടറി ഹൃദ്യ റോസ്, എക്സിക്യൂട്ടീവ് അംഗങ്ങളായ ആൻ്റണി വിമൽ ബെനിറ്റോ, തോമസ് ബെൻഹർ ജോഷി, ആഷ്ന ജോസഫീന എന്നിവർ സന്നിഹിതരായിരുന്നു. സഭയ്ക്കും സമൂഹത്തിനുമായി ആത്മീയതയും സാമൂഹിക പ്രതിബദ്ധതയും നിറഞ്ഞ പ്രവർത്തനങ്ങളിലൂടെ മുൻപന്തിയിൽ നിൽക്കുന്ന പോണേൽ യൂണിറ്റ്, കഴിഞ്ഞ അഞ്ച് പതിറ്റാണ്ടുകളായി യുവജനങ്ങളുടെ നേതൃത്വ സാധ്യതകൾ വളർത്താനും സാമൂഹിക മാറ്റത്തിനും വലിയ പങ്ക് വഹിച്ചുകൊണ്ടിരിക്കുകയാണ്.