റോം രൂപതയുടെ പുതിയ അജപാലന വർഷത്തിന് പാപ്പാ തുടക്കം കുറിക്കും

റോം: റോം രൂപതയുടെ പുതിയ അജപാലന വർഷത്തിന് ലെയോ പതിനാലാമൻ പാപ്പ ഔദ്യോഗികമായി തുടക്കം കുറിക്കും. സെപ്റ്റംബർ 18ന് റോമിലെ സെന്റ് ജോൺ ലാറ്ററൻ ബസിലിക്കയിൽ നടക്കുന്ന രൂപതാ അസംബ്ലിയിലാണ് പാപ്പ പങ്കെടുക്കുന്നത്.റോം രൂപതയിലെ വിവിധ ഇടവകകളിൽ നിന്നുള്ള പ്രതിനിധികൾ അസംബ്ലിയിൽ സന്നിഹിതരാകും. പുതിയ അജപാലന വർഷത്തിലെ പ്രവർത്തനങ്ങൾക്കും മുൻഗണനകൾക്കും ദിശനിർണയിക്കുന്ന പ്രധാന സംഗമമായിരിക്കും ഇത്.പുതിയ അജപാലന വർഷത്തിന് ഔദ്യോഗികമായി തുടക്കം കുറിക്കുന്ന യോഗമാണ് രൂപതാ അസംബ്ലിയെന്ന് അസംബ്ലിയിലേക്കുള്ള ക്ഷണക്കത്തിൽ കർദിനാൾ ബാൽദൊ റെയ്‌ന വ്യക്തമാക്കി.