അമ്മക്കൊരു സമ്മാനം

കൊല്ലം : കേരള ലാറ്റിൻ കാത്തലിക് ബിഷപ്സ് കൗൺസിൽ വിമൺസ് കമ്മീഷനും ലാറ്റിൻ കാത്തലിക് വിമൺസ് അസ്സോസിയേഷനും തിരുമുല്ലവാരം ഇടവക കുടുംബ പ്രേക്ഷിത ശുശ്രൂഷയും സാമൂഹ്യ പ്രേക്ഷിത ശുശ്രൂഷയും സംയുക്തമായി നടത്തിയ ലോക മാതൃദിനാഘോഷവും ലോക നഴ്‌സസ് ദിനാചരണവും തിരുമുല്ലവാരം ഇടവകയിൽ വെച്ച് നടത്തുകയുണ്ടായി. കൊല്ലം മേയർ എ.കെ. ഹഫീസ് ഉദ്ഘാടനം ചെയ്ത സമ്മേളനത്തിൽ ഇടവക വികാരി ഫാ . ജോളി എബ്രഹാം അധ്യക്ഷത വഹിച്ചു. കോർപ്പറേഷൻ കൗൺസിലർമാരായ രഞ്ജിത്ത് കലുങ്കു മുഖം, അജിത്ത് ചോഴത്തിൽ , കെ എൽ സി ഡബ്ലി യു പ്രസിഡൻ്റ് വത്സല ജോയി ഡോ. ശ്രീജ സി എസ് മേരി ഗീത ടീന ജോൺസൺ എന്നിവർ ആശംസകൾ അർപ്പിച്ചു. കെ ആർ എൽ സി ബി സി വിമൺസ് കമ്മീഷൻ സെക്രട്ടറി ജെയിൻ ആൻസിൽ ഫ്രാൻസിസ് മാതൃദിനം സന്ദേശo നൽകി
നഴ്സസ് ദിനചാരണത്തിന്റെ ഭാഗമായി മെഡിക്കൽ ക്യാമ്പും സംഘടിപ്പിച്ചിരുന്നു . പങ്കെടുത്ത അമ്മമാരുടെ വിവിധ മേഖലകളിലെ സേവനങ്ങളെ പരിഗണിച്ച് 15 പേരെ ആദരിക്കുകയുണ്ടായി. 75 അമ്മമാർക്ക് പുതുവസ്ത്രങ്ങൾ വിതരണം ചെയ്തു. മാതൃദിനാഘോഷങ്ങളുടെ പ്രധാനപ്പെട്ട ആചാരമായ “മദറിംഗ് കേക്ക്”മുറിച്ച് വിതരണം ചെയ്തു.