ഇന്ദ്രൻസിനേയും മുരളി ഗോപിയേയും കേന്ദ്ര കഥാപാത്രങ്ങളാക്കി സാഗർ സംവിധാനം ചെയ്യുന്ന പുതിയ ചിത്രം കനകരാജ്യത്തിന്റെ ട്രെയിലര് പുറത്ത്. സെക്യൂരിറ്റി ജീവനക്കാരന്റെ റോളിലാണ് ഇന്ദ്രൻസ് ചിത്രത്തിലെത്തുന്നത്.
ഇന്ദ്രന്സിന്റെ കരിയറിലെ തന്നെ മികച്ച വേഷങ്ങളില് ഒന്നായിരിക്കും കനകരാജ്യത്തിലേത് എന്നാണ് ട്രെയിലർ നൽകുന്ന സൂചന. ജൂലൈ 5-ന് ചിത്രം തീയറ്ററുകളിലെത്തും.
വർഷങ്ങൾക്ക് മുൻപ് ആലപ്പുഴയിൽ നടന്ന രണ്ട് യഥാർത്ഥ സംഭവങ്ങളെ ആസ്പദമാക്കിയാണ് ചിത്രം ഒരുക്കിയിരിക്കുന്നത്. അജിത് വിനായക ഫിലിംസിൻ്റെ ബാനറിൽ വിനായക അജിത്താണ് ഈ ചിത്രം നിർമ്മിക്കുന്നത്.
ശ്രീജിത്ത് രവി, ദിനേശ് പ്രഭാകർ, കോട്ടയം രമേഷ്, രാജേഷ് ശർമ്മ, ഉണ്ണി രാജ്, അച്ചുതാനന്ദൻ, ജയിംസ് ഏല്യാ, ഹരീഷ് പേങ്ങൻ, രമ്യ സുരേഷ്, സൈനാ കൃഷ്ണ, ശ്രീവിദ്യാ മുല്ലശ്ശേരി, ആതിര പട്ടേല് തുടങ്ങിയവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു.