ലെയോ പതിനാലാമൻ പാപ്പ സാൻ മരീനോയും റിമിനിയും സന്ദർശിക്കും

വത്തിക്കാൻ: ഓഗസ്റ്റ് 22 ശനിയാഴ്ച ഇറ്റലിയിലെ സാൻ മരീനോയും റിമിനിയും സന്ദർശിക്കാനൊരുങ്ങി ലെയോ പതിനാലാമൻ പാപ്പ. രാവിലെ മുതൽ വൈകുന്നേരം വരെ നീളുന്ന സന്ദർശനത്തിൽ സാൻ മരീനോയിലെ രാഷ്ട്ര, സഭാ നേതൃത്വങ്ങളുമായി പാപ്പാ കൂടിക്കാഴ്ച നടത്തും.ഔദ്യോഗിക കൂടിക്കാഴ്ചകൾക്ക് ശേഷം റിമിനിയിലെത്തുന്ന പാപ്പാ, അവിടെ നടക്കുന്ന “ജനതകൾക്കിടയിലെ സൗഹൃദത്തിനായുള്ള സമ്മേളനത്തിൽ” പങ്കെടുക്കും. തുടർന്ന് വൈകുന്നേരം റിമിനി തുറമുഖത്ത് വിശുദ്ധ ബലിയർപ്പിക്കും.പരിപാടികൾക്ക് ശേഷം പാപ്പാ വത്തിക്കാനിലേക്ക് മടങ്ങും. യൂറോപ്പിലെ ഏറ്റവും ചെറിയ സ്വതന്ത്ര രാജ്യങ്ങളിലൊന്നായ സാൻ മരീനോയിലെ പാപ്പായുടെ സന്ദർശനത്തിന് പ്രത്യേക പ്രാധാന്യമുണ്ട്.