കോട്ടപ്പുറം കിഡ്‌സിൽ ‘ബാഗ് ഓഫ് ഡ്രീംസ്’ സംഘടിപ്പിച്ചു

കൊച്ചി : കോട്ടപ്പുറം ഇന്റഗ്രേറ്റഡ് ഡെവലപ്പ്മെന്റ് സൊസൈറ്റിയുടെ ആഭിമുഖ്യത്തിൽ ‘ബാഗ് ഓഫ് ഡ്രീംസ്’ പരിപാടി സംഘടിപ്പിച്ചു. കിഡ്‌സ് കാമ്പസിലെ പൂമൊട്ടിലെ എൽ.പി. വിഭാഗം വിദ്യാർത്ഥികൾക്കായാണ് പരിപാടി നടന്നത്.
കിഡ്‌സ് അസിസ്റ്റന്റ് ഡയറക്ടർ ഫാ. നിഖിൽ മൂട്ടിക്കൽ സ്വാഗതം ആശംസിച്ചു. ഡയറക്ടർ ഫാ. നിമേഷ് അഗസ്റ്റിൻ കാട്ടാശ്ശേരി അധ്യക്ഷത വഹിച്ചു. കൈപ്പമംഗലം നിയുക്ത എം.എൽ.എ. കെ . കെ . വൽസരാജ് പരിപാടി ഉദ്ഘാടനം ചെയ്തു. തുടർന്ന് വിദ്യാർത്ഥികൾക്കുള്ള ബാഗ് വിതരണം നടത്തി.
പരിപാടിയുടെ ഭാഗമായി താഴപ്പായ നിർമ്മാണ വർക്ക്‌ഷോപ്പിൽ പങ്കെടുത്ത അംഗങ്ങൾക്ക് സർട്ടിഫിക്കറ്റുകളും വിതരണം ചെയ്തു. കിഡ്‌സ് അസോസിയേറ്റ് ഡയറക്ടർ ഫാ. വിനു പീറ്റർ പടമാട്ടുമ്മൽ ആശംസകൾ നേർന്നു.