നെയ്യാറ്റിൻകര: നെയ്യാറ്റിൻകര ഇൻ്റഗ്രൽ ഡവലപ്മെൻ്റ് സൊസൈറ്റിയുടെ നേതൃത്വത്തിൽ സാമൂഹ്യാധിഷ്ഠിത ഭിന്നശേഷി പുനരധിവാസ പദ്ധതിയുടെ ഇരുപത്തിരണ്ടാം വാർഷികാഘോഷം ലോഗോസ് പാസ്റ്ററൽ സെൻ്ററിൽ വച്ച് സംഘടിപ്പിച്ചു.
അസോസിയേഷൻ പ്രസിഡന്റ് തങ്കമണി അധ്യക്ഷത വഹിച്ച പൊതുസമ്മേളനം കോവളം നിയോജകമണ്ഡലം എം.എൽ.എ. .എം.വിൻസെന്റ് ഉദ്ഘാടനം ചെയ്‌തു.ഡൽഹി ശിവശക്തി മോഡൽ സ്കൂളിൽ സംഘടിപ്പിച്ച ദേശീയ സ്പെഷ്യൽ ഒളിമ്പിക്സ് വനിത വിഭാഗം ഫ്ലോർബോൾ ചാമ്പ്യൻഷിപ്പിൽ വെങ്കല മെഡൽ നേടിയ ആരതിയെ ആദരിച്ചു.
നെയ്യാറ്റിൻകര രൂപത വികാരി ജനറൽ മോൺ.ജി. ക്രിസ്തുദാസ് അനുഗ്രഹ പ്രഭാഷണവും NIDS ഡയറക്ടർ വെരി.റവ. ഫാ.രാഹുൽ ബി. ആൻ്റോ ആമുഖ സന്ദേശവും നൽകി. മുഖ്യ സന്ദേശവും ട്രസ്റ്റ് ഫോർ റീട്ടെയിലേഴ്സ് ആൻ്റ് റീട്ടെയിൽ അസോസിയേഷൻ ഓഫ് ഇന്ത്യയുടെ സഹകരണത്തോടെ ഭിന്നശേഷി കുട്ടികൾക്ക് വേണ്ടി സംഘടിപ്പിക്കുന്ന സൗജന്യ സ്വയംതൊഴിൽ പരിശീലന കോഴ്സിന്റെ രണ്ടാമത്തെ ബാച്ചിൻ്റെ ഉദ്ഘാടനവും കമ്മീഷണർ ഫോർ പേഴ്സൺ വിത്ത് ഡിസബിലിറ്റി കേരള പി.റ്റി.ബാബുരാജ് നിർവഹിച്ചു.
നിഡ്സ് കമ്മീഷൻ സെക്രട്ടറി ഫാ.ഡെന്നിസ് മണ്ണൂർ, പ്രോജക്ട് ഓഫീസർ മൈക്കിൾ, അസി.പ്രൊജക്ട് ഓഫീസർ ശ്രീ. ബിജു ആൻ്റണി, മുൻ കുളത്തൂർ ഗ്രാമ പഞ്ചായത്ത് പ്രസിഡന്റ് സുധാർജ്ജുനൻ, മുൻ ജില്ലാ പഞ്ചായത്ത് സ്റ്റാൻഡിംഗ് കമ്മിറ്റി ചെയർപേഴ്സൺ ഉഷകുമാരി, മുൻ അസോസിയേഷൻ സെക്രട്ടറി അനിൽ, അസോസിയേഷൻ സെക്രട്ടറി സൗമ്യ പി.റ്റി., അസോസിയേഷൻ അംഗം രെജി, ട്രെയിനർ ദീപ്തി എന്നിവർ സംസാരിച്ചു.
സംഘാംഗങ്ങളുടെ വിവിധ കലാപരിപാടികളും അസോസിയേഷൻ അംഗം സതീഷ് കുമാറിൻ്റെ മാജിക് ഷോയും ആഘോഷത്തെ വർണാഭകരമാക്കി. വിദ്യാഭ്യാസ ധനസഹായ പദ്ധതി, ചികിത്സാ ധനസഹായ പദ്ധതി, പ്രദർശന വിപണന മേള, മുറ്റത്തൊരാട് പദ്ധതി, പശുക്കുട്ടി വിതരണ പദ്ധതി, ഭവനത്തിന് 5 കിലോ അരി വിതരണ പദ്ധതി, എസ് എസ് എൽ സി, പ്ലസ് ടു വിജയികൾക്ക് അവാർഡ് വിതരണം കലാകായിക മത്സര വിജയികൾക്ക് സമ്മാനവിതരണവും സംഘടിപ്പിച്ചു. സി.ബി. ആർ. കോ- ഓഡിനേറ്റർ ശശികുമാർ, ട്രെയിനർ കുമാരി സോന എന്നിവർ നേതൃത്വം നൽകി.
