കോഴിക്കോട്: മുണ്ടകൈ – ചൂരൽമല ഉരുൾപൊട്ടൽ ദുരിതബാധിതരെ പുനരധിവസിപ്പിക്കാൻ കേരള കത്തോലിക്കാ മെത്രാൻ സമിതി ( കെസിബിസി)യുo കോഴിക്കോട് രൂപതയുടെ ശതാബ്ദി ആഘോഷ ഭവന പദ്ധതിയും ചേർന്ന് ഭവനരഹിതർക്ക് നടപ്പാക്കുന്ന ഭവന നിർമ്മാണ പദ്ധതിയുടെ ഉദ്ഘാടനം 20ന് വൈകുന്നേരം അഞ്ചിന് വിലങ്ങാട് സെന്റ് ജോർജ് പള്ളിഹാളിൽ കെസിബിസി ചെയർമാൻ കർദിനാൾ ബസേലിയോസ് ക്ലീമീസ് കാതോലിക്കബാബ നിർവഹിക്കുo.
കേരളത്തിൽ ലത്തീൻ കത്തോലിക്കാ മെത്രാൻ സമിതി (കെആർഎൽസിബിസി) പ്രസിഡന്റും കോഴിക്കോട് രൂപത ബിഷപ്പ് വർഗീസ് ചക്കാലക്കൽ സമ്മേളനത്തിൽ അധ്യക്ഷനായിരിക്കും. കെസിബിസി സെക്രട്ടറി കണ്ണൂർ രൂപത ബിഷപ്പ് ഡോക്ടർ അലക്സ് വടക്കുംതല അനുഗ്രഹ പ്രഭാഷണം നടത്തും.
ഷാഫി പറമ്പിൽ എംപി, ഈ കെ വിജയൻ എംഎൽഎ, വാണിമോൽപഞ്ചായത്ത് പ്രസിഡന്റ് പി.സുരയ്യ, നരിപ്പറ പഞ്ചായത്തു പ്രസിഡന്റ് കെ. ബാബു തുടങ്ങിയർ പങ്കെടുക്കും.
കോഴിക്കോട് രൂപതയുടെ നിയന്ത്രണത്തിലുള്ളതും മേപ്പാടി തീർത്ഥാടന കേന്ദ്രത്തിന്റെ പരിധിയിലുള്ള മേഖല അരപ്പറ്റയിൽ ഉള്ള സ്ഥലത്താണ് കോഴിക്കോട് രൂപതയുടെ നേതൃത്വത്തിലുള്ള പുനരുധിവാസ ഭവന പദ്ധതി നടപ്പിലാക്കുന്നത്.
ഭാരത മെത്രാൻ സമിതിയുടെ സാമൂഹിക ശുശ്രൂഷ സമിതിയായ കാരിത്താസ് ഇന്ത്യയുടെയും കേരള മെത്രാൻ സമിതിയുടെ സാമൂഹിക ശുശ്രൂഷ സമിതിയായ കേരള സോഷ്യൽ സർവീസ് ഫോറത്തിന്റെയും കോഴിക്കോട് രൂപതയുടെയും ബിഷപ്പ് ഡോ. വൾഗ്ഗീസ് ചക്കാലക്കലിന്റെയും നേതൃത്വത്തിൽ, വികാരി ജനറൽ ഡോ. ജെൻസൺ പുത്തൻ വീട്ടിലും, ഫിനാൻഷ്യൽ അഡ്മിനിസ്ട്രേറ്റർ ഫാദർ പോൾ പേഴ്സിയും, സാമൂഹിക സേവന വിഭാഗമായ ജീവനയുടെ ഡയറക്ടർ ഫാദർ ആൽഫ്രെഡ് വടക്കേത്തണ്ടിൽ, മേപ്പാടി തീർത്ഥാടന കേന്ദ്ര വികാരി ഫ. സണ്ണി പടിഞ്ഞാറിടത്തിന്റേയും, നേതൃത്വത്തിൽ കോഴിക്കോട് രൂപതയുടെ പുനരിവാസ് ഭവന പദ്ധതി പൂർത്തീകരിക്കുമെന്ന് രൂപത വാർത്താക്കുറിപ്പിലൂടെ അറിയിച്ചു.