വരാപ്പുഴ : വരാപ്പുഴ അതിരൂപതയിലെ കൂനമ്മാവ് സെന്റ് ഫിലോമിനാസ് ആന്റ് വിശുദ്ധ ചാവറ തീര്‍ത്ഥാടന കേന്ദ്രത്തില്‍ തിരുനാളിനും വിശുദ്ധ ചാവറ കുര്യാക്കോസ് ഏലിയാസച്ചന്റെ വിശുദ്ധ പദവി ദശവര്‍ഷ ആഘോഷത്തിനും ഒരുക്കം തുടങ്ങി. പന്തല്‍ കാല്‍നാട്ട് കര്‍മ്മം പ്രതിപക്ഷ നേതാവ് വി. ഡി. സതീശന്‍ എം.എല്‍.എ. നിര്‍വ്വഹിച്ചു. റെക്ടര്‍ മോണ്‍സിഞ്ഞോര്‍ സെബാസ്റ്റ്യന്‍ ലൂയീസ്, സഹവികാരി സുജിത് സ്റ്റാന്‍ലി നടുവിലപറമ്പില്‍, ഡീക്കന്‍ ഗോഡ്‌സണ്‍ ചമ്മണിക്കോടത്ത്, തിരുനാള്‍ ആഘോഷകമ്മറ്റി കണ്‍വീനര്‍മാര്‍ എന്നിവര്‍ പങ്കെടുത്തു.
ഡിസംബര്‍ 26ന് വൈകിട്ട് 4.30ന് അര്‍ത്തുങ്കല്‍ ബസിലിക്കയില്‍ നിന്നുള്ള ദീപശിഖയും കുടുംബയൂണിറ്റുകളില്‍ നിന്നുള്ള തിരുസ്വരൂപ പ്രയാണവും പള്ളിയങ്കണത്തില്‍ എത്തും. തുടര്‍ന്ന് കൊടികയറ്റം, കബറിടത്തില്‍ പുഷ്പാര്‍ച്ചന, പൊന്തിഫിക്കല്‍ ദിവ്യബലിയില്‍ ആര്‍ച്ച് ബിഷപ്പ് ഡോ. ജോസഫ് കളത്തിപ്പറമ്പില്‍ മുഖ്യകാര്‍മ്മികത്വം വഹിക്കും. ഫാ. ജോണ്‍ കപ്പിസ്താന്‍ ലോപ്പസ് വചന സന്ദേശം നല്കും.
ഓരോ ദിവസവും പ്രത്യേക നിയോഗ പ്രാര്‍ത്ഥനകള്‍. തിരുനാള്‍ ദിവസങ്ങളിള്‍ രാവിലെ 6നും, 7നും, 10.30നും വൈകിട്ട് 5.30നും ദിവ്യബലി, നൊവേന, ആരാധന. 28ന് ശനിയാഴ്ച തിരുനാള്‍ നേര്‍ച്ചസദ്യ. രാവിലെ 9.30ന് ആഘോഷമായ പൊന്തിഫിക്കല്‍ ദിവ്യബലിയില്‍ കോട്ടപ്പുറം രൂപത ബിഷപ്പ് ഡോ. അംബ്രോസ് പുത്തന്‍വീട്ടില്‍ മുഖ്യ കാര്‍മ്മികത്വം വഹിക്കും. ഫാ. മാത്യു ജോംസണ്‍ തോട്ടുങ്കല്‍ വചന സന്ദേശം നല്കും. തുടര്‍ന്ന് ഊട്ടുപുര ഹാളിന്റെ ശിലാസ്ഥാപനം, സൗഖ്യദായക നേര്‍ച്ചസദ്യ ആശീര്‍വ്വാദവും വിതരണവും. ഉച്ചയ്ക്ക് 12നും 2നും 4നും വൈകിട്ട് 5.30നും, 7നും ദിവ്യബലി. നേര്‍ച്ച സദ്യ വിതരണം രാത്രി 8 വരെ നീണ്ടുനില്‍ക്കും. 29ന് രാവിലെ വാഹന ആശീര്‍വ്വാദം. 10ന് ആഘോഷമായ ദിവ്യബലിയില്‍ ഫാ. ലാസര്‍ സിന്റോ തൈപ്പറമ്പില്‍ മുഖ്യകാര്‍മ്മികത്വം വഹിക്കും. വൈകിട്ട് 5.30ന് ജോസഫ് തട്ടാരശ്ശേരിയുടെ മുഖ്യകാര്‍മ്മികത്വത്തില്‍ ദിവ്യബലി. വൈകിട്ട് 7ന് പൊതുസമ്മേളനം.
30ന് വൈകിട്ട് 5.30ന് ഫാ. നോര്‍ബിന്‍ പഴമ്പിള്ളിയുടെ മുഖ്യകാര്‍മ്മികത്വത്തില്‍ ദിവ്യബലി. രാത്രി 7.30ന് പാലാ കമ്മ്യൂണിക്കേഷന്റെ നാടകം – ശാന്തം. ജനുവരി 2ന് രാവിലെ 10.30ന് ഫാ. ആന്റണി റാഫേല്‍ കൊമരംചാത്തിന്റെ മുഖ്യ കാര്‍മ്മികത്വത്തില്‍ ദിവ്യബലി. വൈകിട്ട് 5.30ന് ഫാ. ബിബിന്‍ ജോര്‍ജ്ജ് തറേപറമ്പില്‍ മുഖ്യകാര്‍മ്മികത്വം വഹിക്കും. ഫാ. ഡയസ് ആന്റണി വലിയമരത്തുങ്കല്‍ വചനസന്ദേശം നല്കും. രാത്രി 7.30ന് പാലാ അമല കമ്മ്യൂണിക്കേഷന്റെ ഗാനമേള. തിരുനാള്‍ ദിനമായ ജനുവരി 3ന് 6നും 7നും 10.30നും ദിവ്യബലി. വൈകിട്ട് 5ന് പൊന്തിഫിക്കല്‍ ദിവ്യബലിയില്‍ കണ്ണൂര്‍ രൂപത ബിഷപ്പ് ഡോ. അലക്‌സ് വടക്കുംതല മുഖ്യകാര്‍മ്മികത്വം വഹിക്കും.
ഫാ. ജോസഫ് വിപിന്‍ ചൂതംപറമ്പില്‍ വചന സന്ദേശം നല്കും. ചാവറ സ്‌നേഹഭവന്റെ താക്കോല്‍ദാനം, ആഘോഷമായ പ്രദക്ഷിണം, വര്‍ണ്ണക്കാഴ്ച, എസ്. പി.വൈ.സി. ഒരുക്കുന്ന ദീപക്കാഴ്ച. വിശുദ്ധ ചാവറ കുര്യാക്കോസ് ഏലിയാസച്ചന്‍ തന്റെ ജീവിതത്തിന്റെ അവസാന ഏഴ് വര്‍ഷക്കാലം ചെലവഴിച്ച് മരണമടഞ്ഞ, പൂജ്യശരീരം, അടക്കം ചെയ്തിരിക്കുന്ന വരാപ്പുഴ അതിരൂപതയിലെ പുരാതന ദൈവാലയമാണ് സെന്റ് ഫിലോമിനാസ് ചാവറ തീര്‍ത്ഥാടന കേന്ദ്രം. തിരുനാള്‍ ആഘോഷങ്ങള്‍ക്ക് റെക്ടര്‍ മോണ്‍സിഞ്ഞോര്‍ സെബാസ്റ്റ്യന്‍ ലൂയീസ് സഹവികാരി ഫാ. സുജിത് സ്റ്റാന്‍ലി നടുവിലവീട്ടില്‍, ഫാ. ലാസര്‍ സിന്റോ തൈപ്പറമ്പില്‍, ഡീക്കന്‍ ഗോഡ്‌സന്‍ ചമ്മണിക്കോടത്ത്, പ്രസുദേന്തിമാര്‍ തിരുനാളാഘോഷ കമ്മറ്റിയും നേതൃത്വം നല്‍കുന്നു.
