Author: admin

കൊച്ചി : വാട്ടര്‍ മെട്രോക്ക് വീണ്ടും ദേശീയ അംഗീകാരം. പ്രവര്‍ത്തനം, സാങ്കേതിക വൈദഗ്ധ്യം, സേവനം തുടങ്ങിയവയിലെ മികവിന് സ്‌കോച്ച് ഗ്രൂപ്പ് നല്‍കുന്ന ഗോള്‍ഡ് മെഡലാണ് കൊച്ചി വാട്ടര്‍ മെട്രോയ്ക്ക് ലഭിച്ചത്. ജനങ്ങള്‍ക്ക് മികച്ച സേവനം ലഭ്യമാക്കുന്ന ഗതാഗത മേഖലയിലെ പദ്ധതിക്കുള്ള ദേശീയ അവാര്‍ഡാണിത്. രാജ്യത്തിനു വേണ്ടി തനത് സംഭാവനകള്‍ നല്‍കുന്ന വ്യക്തികള്‍ക്കും സ്ഥാപനങ്ങള്‍ക്കും പദ്ധതികള്‍ക്കുമാണ് ഈ അവാർഡുകൾ നല്‍കിവരുന്നത്. ന്യൂഡല്‍ഹിയില്‍ നടന്ന ചടങ്ങില്‍ കൊച്ചി മെട്രോ റെയില്‍ ലിമിറ്റഡിനുവേണ്ടി ഡയറക്‌ടര്‍ പ്രോജക്‌ട്‌സ് ഡോ. എംപി രാംനവാസ് അവാര്‍ഡ് സ്വീകരിച്ചു. സ്‌കോച്ച് ഗ്രൂപ്പ് വൈസ് ചെയര്‍മാന്‍ ഡോ ഗുര്‍ഷരണ്‍ ധന്‍ജനില്‍ നിന്നാണ് അവാര്‍ഡ് സ്വീകരിച്ചത്. രാജ്യാന്തര പുരസ്‌കാരമായ ഗുസ്‌റ്റാവ് ട്രൂവേ അവാര്‍ഡ്, ഷിപ്ടെക് ഇൻ്റര്‍നാഷണല്‍ അവാര്‍ഡ്, ഇക്കണോമിക് ടൈംസ് എനര്‍ജി ലീഡര്‍ഷിപ്പ് അവാര്‍ഡ്, തുടങ്ങി നിരവധി പുരസ്‌കാരങ്ങള്‍ കൊച്ചി വാട്ടര്‍ മെട്രോക്ക് നേരത്തെ ലഭിച്ചിട്ടുണ്ട്. കൊച്ചിയുടെ ജല ഗതാഗത രംഗത്തും വിനോദ സഞ്ചാര മേഖലയിലും ഒരു വർഷം കൊണ്ട് വലിയ മുന്നേറ്റമാണ് വാട്ടർ…

സീ​യൂ​ൾ: രാ​ജ്യ​ത്ത് സൈ​നി​ക​നി​യ​മം ഏ​ർ​പ്പെ​ടു​ത്തി​യ​തി​നെ തു​ട​ർ​ന്നു​ണ്ടാ​യ പ്ര​തി​ഷേ​ധ​ങ്ങ​ൾ​ക്ക് പി​ന്നാ​ലെ​ ദ​ക്ഷി​ണ കൊ​റി​യ​ൻ പ്ര​തി​രോ​ധ മ​ന്ത്രി കിം ​യോം​ഗ്-​ഹ്യു​ൻ രാ​ജി​വ​ച്ചു. ചൊ​വ്വാ​ഴ്ച വൈ​കു​ന്നേ​രമാണ് പ്ര​സി​ഡ​ന്‍റ് യൂ​ൺ സു​ക് യോൾ അ​പ്ര​തീ​ക്ഷി​ത​മാ​യി രാ​ജ്യ​ത്ത് പ​ട്ടാ​ള​നി​യ​മം പ്ര​ഖ്യാ​പി​ച്ച​ത് . പ​ട്ടാ​ള​നി​യ​മം പി​ൻ​വ​ലി​ച്ചെ​ങ്കി​ലും പ്ര​സി​ഡ​ന്‍റ് യൂ​ൺ സു​ക് യോ​ളി​നെ​തി​രെ പ്ര​തി​പ​ക്ഷ പാ​ർ​ട്ടി​ക​ൾ പാ​ർ​ല​മെ​ന്‍റി​ൽ ഇം​പീ​ച്ച്മെ​ന്‍റ് പ്ര​മേ​യം അ​വ​ത​രി​പ്പി​ച്ചു. വോ​ട്ടെ​ടു​പ്പ് വെ​ള്ളി, ശ​നി ദി​വ​സ​ങ്ങ​ളി​ലു​ണ്ടാ​കും. പ്ര​തി​പ​ക്ഷ​ത്തി​നു പാ​ർ​ല​മെ​ന്‍റി​ൽ ഭൂ​രി​പ​ക്ഷ​മു​ണ്ട്. യൂ​ണി​ന്‍റെ പീ​പ്പി​ൾ പ​വ​ർ പാ​ർ​ട്ടി​യു​ടെ നേ​തൃ​ത്വ​വും അ​ദ്ദേ​ഹ​ത്തി​നെ​തി​രേ തി​രി​ഞ്ഞി​ട്ടു​ണ്ട്.പ്ര​തി​രോ​ധ മ​ന്ത്രി​യു​ടെ രാ​ജി പ്ര​സി​ഡ​ന്‍റ് സ്വീ​ക​രി​ച്ചു. സൗ​ദി അ​റേ​ബ്യ​യി​ലെ അം​ബാ​സ​ഡ​ർ ചോ​യ് ബ്യും​ഗ്-​ഹ്യു​ക്ക് പു​തി​യ പ്ര​തി​രോ​ധ മ​ന്ത്രി​യാ​കും.

തിരുവനന്തപുരം: എന്‍എസ്എസ് അടക്കമുള്ള സംഘടനകളുടെ പ്രാമാണിത്വം ചെറുക്കാന്‍ നായാടി മുതല്‍ നസ്രാണി വരെ എന്ന പുതിയ സാമൂഹിക കൂട്ടായ്മയ്ക്ക് എസ്എന്‍ഡിപി യോഗം. തിങ്കളാഴ്ച മൈസൂരില്‍ നടന്ന സംഘടനയുടെ നേതൃക്യാമ്പിന്റെ സമാപനത്തിലായിരുന്നു ആഹ്വാനം. എസ്എന്‍ഡിപി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍ മുന്നോട്ടുവച്ച ആശയം ക്യാമ്പ് ഐകകണ്‌ഠ്യേന പാസാക്കി. ഒരുകാലത്ത് എൻ എസ് എസിനെ കൂട്ടുപിടിച്ച് നായരീഴവ ഐക്യത്തിനായി ശ്രമിച്ചതും ഇദ്ദേഹമാണ് .2015 ല്‍, ‘നായാടി മുതല്‍ നമ്പൂതിരി വരെ’ ഐക്യത്തിന് ആഹ്വാനം ചെയ്തിരുന്നു. തുടക്കത്തില്‍ ഈ ആശയവുമായി എന്‍എസ്എസ് യോജിച്ചെങ്കിലും, പിന്നീട് ഇതില്‍ നിന്നും അകലം പാലിക്കുകയായിരുന്നു. ‘നായാടി മുതല്‍ നമ്പൂതിരി വരെ’ എന്ന മുദ്രാവാക്യം ‘നായാടി മുതല്‍ നസ്രാണി വരെ’ എന്നതിലേക്ക് ഞങ്ങള്‍ നീട്ടുകയാണ്. ‘ഇത് കാലഘട്ടത്തിന്റെ ആവശ്യമാണ്.’ വെള്ളാപ്പള്ളി നടേശന്‍ ദി ന്യൂ ഇന്ത്യന്‍ എക്‌സ്പ്രസിനോട് പറഞ്ഞു. കേരള രാഷ്ട്രീയത്തില്‍ മുസ്ലീങ്ങള്‍ക്ക് മുന്‍തൂക്കം ലഭിക്കുന്നു. അതുകൊണ്ടാണ് ഇത്തരമൊരു ആശയം മുന്നോട്ട് വെക്കുന്നത്. പല ക്രിസ്ത്യന്‍ സമുദായ നേതാക്കളും അത് വ്യക്തിപരമായി…

വയനാട്: ചൂരല്‍മല-മുണ്ടക്കെെ ദുരന്തം അതീവ ഗുരുതര വിഭാഗത്തിൽ ഉൾപ്പെടുത്തിയെന്ന് കേന്ദ്ര സർക്കാർ. 2,219 കോടിയുടെ പാക്കേജ് വേണമെന്ന കേരളത്തിൻ്റെ ആവശ്യം അന്തർ സംസ്ഥാന സമിതി പരിഗണിക്കുന്നു. കൃത്യമായ മാർഗ്ഗനിർദ്ദേശങ്ങൾ പാലിക്കുന്നെങ്കിൽ ഈ തുക വയനാടിന് അനുവദിക്കും. രാജ്യസഭയിലാണ് കേന്ദ്രസർക്കാർ നിലപാട് അറിയിച്ചത്. സംസ്ഥാനത്തിന്റെ ദുരന്തനിവാരണ ഫണ്ടിൽ 783 കോടി ഉണ്ടെന്നും കേന്ദ്രം ചൂണ്ടികാട്ടി. പാക്കേജുമായി ബന്ധപ്പെട്ട കാര്യങ്ങൾ സംസാരിക്കാൻ പ്രിയങ്കാ ഗാന്ധി എംപി അമിത ഷായുമായി കൂടികാഴ്ച നടത്തിയിരുന്നു. നാല് മാസമായിട്ടും വയനാട്ടിൽ സഹായം ലഭിച്ചില്ലെന്ന് പ്രിയങ്ക ഗാന്ധി ചൂണ്ടികാട്ടി. പ്രിയങ്കക്കൊപ്പം യുഡിഎഫ്, എൽഡിഎഫ് എംപിമാരും സന്ദർശനത്തിന് എത്തിയിരുന്നു. രാഷ്ട്രീയം മറന്ന് ദുരന്തബാധിതർക്കൊപ്പം നിൽക്കണമെന്ന് ആവശ്യം ചർച്ചയിൽ ഉന്നയിച്ചു. ചൂരല്‍മല-മുണ്ടക്കൈ ദുരന്തത്തെ ദേശീയ ദുരന്തമായി പ്രഖ്യാപിക്കണമെന്നും, വയനാടിനായി പ്രത്യേക പാക്കേജ് അനുവദിക്കണം എന്നും കേരളം ആവശ്യം മുൻപേ തന്നെ ഉയർത്തിയിരുന്നു. എന്നാല്‍ ദേശീയ ദുരന്തമായി പ്രഖ്യാപിക്കാനാകില്ല എന്നായിരുന്നു കേന്ദ്രത്തിന്റെ നിലപാട്. ദുരിതാശ്വാസ നിധിയില്‍ നിന്ന് ആവശ്യമെങ്കില്‍ വയനാടിനായി ചിലവഴിക്കാമെന്നും കേന്ദ്രം സംസ്ഥാന സര്‍ക്കാരിനെ…

മുംബൈ: ചര്‍ച്ചകള്‍ക്കൊടുവില്‍ മഹാരാഷ്ട്രയുടെ മുഖ്യമന്ത്രിയാകാന്‍ ദേവേന്ദ്ര ഫഡ്‌നാവിസ്. സത്യപ്രതിജ്ഞ നാളെയുണ്ടായേക്കും. എട്ട് സുപ്രധാന വകുപ്പുകളുടെ ചുമതല ദേവേന്ദ്ര ഫഡ്നാവിസിനുണ്ടാകുമെന്നാണ് സൂചന. അജിത് പവാറും ഏക്നാഥ് ഷിൻഡെയും ഉപമുഖ്യമന്ത്രിമാരാകും. മഹാരാഷ്ട്രയിലെ മുഖ്യമന്ത്രി ആരാകുമെന്ന കാര്യത്തിൽ ഏറെ ദിവസമായി മഹായുതി സഖ്യത്തിൽ തർക്കം തുടരുകയായിരുന്നു. പുതിയ മുഖ്യമന്ത്രിയുടെ സത്യപ്രതിജ്ഞ ഡിസംബർ അഞ്ചിന് നടക്കുമെന്ന് ബിജെപി നേതാക്കൾ വ്യക്തമാക്കിയിരുന്നു. ഫഡ്‌നാവിസ് തന്നെയാകും മുഖ്യമന്ത്രി എന്ന് ബിജെപി ഉറപ്പിച്ച് പറഞ്ഞിരുന്നെങ്കിലും അവസാന ദിവസങ്ങളിൽ ഏക്നാഥ് ഷിൻഡെ പൊടുന്നനെ ചർച്ചകളിൽ നിന്ന് അപ്രത്യക്ഷനായത് വലിയ ആശങ്കയുണ്ടാക്കിയിരുന്നു.

കൊച്ചി: കെആർഎൽസിബി സി ഹെറിറ്റേജ് കമ്മീഷന്റെ നേതൃത്വത്തിൽ സംഘടിപ്പിച്ച ബെച്ചിനെല്ലി ക്വിസ് മത്സരങ്ങളുടെ ഫൈനലിൽ വരാപ്പുഴ അതിരൂപത തുണ്ടത്തുംകടവ് ഇൻഫൻ്റ് ജീസസ് ഇടവകാംഗം എബിൻ ജോസ് ജെയിംസ് ഒന്നാം സ്ഥാനത്തിന് അർഹനായി.ഇടപ്പള്ളി നോർത്ത് തിരുഹൃദയ ഇടവക അംഗം അന്ന മരിയ അബ്രഹാം രണ്ടാം സ്ഥാനവും തുണ്ടത്തും കടവ് ഇൻഫന്റ് ജീസസ് ഇടവക മേരി ജെയിംസ് മൂന്നാം സ്ഥാനവും നേടി. വരാപ്പുഴ മൗണ്ട് കാർമൽ ആൻഡ് സെൻ്റ് ജോസഫ് ബസിലിക്കയിൽ വച്ച് നടന്ന സമാപനമത്സരം ബസിലിക്ക റെക്ടർ ഫാ ജോഷി കൊടിയന്തറ ഒസിഡി ഉദ്ഘാടനം ചെയ്തു. മൂന്നു ഘട്ടങ്ങളിലായി നടന്ന മത്സരങ്ങളുടെ സമാപനമായിവരാപ്പുഴ ബസിലിക്കയിൽവച്ച് ഫൈനൽ മത്സരങ്ങൾ സംഘടിപ്പിച്ചത്. കെആർഎൽസിബി സി ഹെറിറ്റേജ് കമ്മീഷൻ ചെയർമാൻ അഭിവന്ദ്യ അലക്സ്‌ വടക്കുംതല പിതാവ്, കമ്മീഷൻ സെക്രട്ടറി ഫാ. ഡോ. ആൻ്റണി പാട്ടപ്പറമ്പിൽ, ഹെറിറ്റേജ് കമ്മീഷൻ എക്സിക്യുട്ടീവ് അംഗം മാനിഷാദ് മട്ടക്കൽ എന്നിവരുടെ നേതൃത്വത്തിലായിരുന്നു ബെച്ചിനെല്ലി ക്വിസ് മത്സരങ്ങൾ സംഘടിപ്പിച്ചത്. ബിജോയ് ജോസഫ് വരാപ്പുഴ, ആൻ്റി…

വിജയപുരം: KRLCC യുടെ ആഹ്വാനമനുസരിച്ചു ലത്തീൻ ദിനാഘോഷം വിജയപുരം രൂപതയിൽ ഇന്നലെ സംഘടിപ്പിച്ചു. ബിഷപ്പ് സെബാസ്റ്യൻ തേക്കെത്തേച്ചെറിൽ ലത്തീൻ ദിന സന്ദേശം നൽകി. സഹായ മെത്രാൻ ഡോ.ജസ്റ്റിൻ മഠത്തിൽ പറമ്പിൽ, ഫാ.വർഗീസ് കൊട്ടക്കാട്ട്, ഫാ.വിൽസൺ കാപ്പാട്ടിൽ, ഫാ.ആൻ്റണി പാട്ടാപറമ്പിൽ, ഫാ.അഗസ്റ്റിൻ മെച്ചേരിൽ, PRO ഹെൻറി ജോൺ, മുനിസിപ്പൽ കൗൺസിലർ മൊളിക്കുട്ടി സെബാസ്ററ്യൻ, വി. എസ്.ആൻ്റണി, റോബർട്ട് മാർട്ടിൻ തുടങ്ങിയവർ പ്രസംഗിച്ചു. ഫോട്ടോ.വിജയപുരം ലത്തീൻ ദിനാഘോഷത്തോട് അനുബന്ധിച്ച്, വിമലഗിരി പാസ്റ്ററൽ സെൻ്ററിൽ ബിഷപ്പുമാരായ സെബാസ്ററ്യൻ തേക്കെത്തെ ചെരിലും ജസ്റ്റിൻ മഠത്തിൽ പറമ്പിലും ചേർന്ന് പതാക ഉയർത്തുന്നു.

ബിജോ സിൽവേരി ഡമാസ്‌കസ്: സിറിയയില്‍ ഒന്‍പതു വര്‍ഷത്തെ ഇടവേളയ്ക്കുശേഷം അല്‍ഖായിദ-ഇസ് ലാമിക സ്റ്റേറ്റ് ഭീകരവാദ ബന്ധമുള്ള ഹയാത് തഹ്രീര്‍ അല്‍ഷാം ജിഹാദി തീവ്രവാദികള്‍ പുരാതന ക്രൈസ്തവ മേഖലയായ അലെപ്പോ നഗരവും പ്രാന്തപ്രദേശങ്ങളും പിടിച്ചെടുത്തു. രാജ്യത്തെ രണ്ടാമത്തെ വലിയ നഗരമായ അലെപ്പോയില്‍ നിന്ന് സിറിയ പ്രസിഡന്റ് ബഷാര്‍ അല്‍ അസദിന്റെ സൈന്യത്തെ തുരത്തിയാണ് തുര്‍ക്കിയുടെ പിന്തുണയുള്ള വിമതര്‍ വന്‍ മുന്നേറ്റം നടത്തിയത്. കഴിഞ്ഞ 14 വര്‍ഷത്തെ ആഭ്യന്തര കലാപത്തിനിടയില്‍ അലെപ്പോ പൂര്‍ണമായും വിമതരുടെ പിടിയിലാകുന്നത് ആദ്യമായാണ്. റഷ്യയുടെ പിന്തുണയോടെ സിറിയ സൈന്യം അലെപ്പോയിലും സമീപപ്രദേശമായ ഇദ്ലിബിലും വിമതര്‍ക്കെതിരെ നടത്തിയ വ്യോമാക്രമണത്തിലും വന്‍ നാശനഷ്ടമുണ്ടായി. ഇറാന്‍ ഇസ്ലാമിക റിപ്പബ്ലിക്കിന്റെ പിന്തുണയും സിറിയന്‍ പ്രസിഡന്റിനുണ്ട്. അലെപ്പോയെ ഡമാസ്‌കസുമായി ബന്ധിപ്പിക്കുന്ന പ്രധാന രാജ്യാന്തര ഹൈവേയില്‍ ഗതാഗതം തടഞ്ഞുകൊണ്ട് മുന്നേറിയ വിമതര്‍, കീഴടങ്ങിയ സിറിയിന്‍ സൈനികരെ കഴുത്തറുത്തുകൊന്നതായും റിപ്പോര്‍ട്ടുണ്ട്. വിമതര്‍ക്കെതിരെ റഷ്യന്‍ വ്യോമസേന നടത്തിയ ബോംബാക്രമണത്തില്‍, വിശുദ്ധനാട്ടിലെ കത്തോലിക്കാ ദേവാലയങ്ങളുടെയും സ്ഥാപനങ്ങളുടെയും സംരക്ഷണ ചുമതലയുള്ള ഫ്രാന്‍സിസ്‌കന്‍ സന്ന്യാസസമൂഹത്തിന്റെ നിയന്ത്രണത്തിലുള്ള…

വത്തിക്കാന്‍: ലോക മതസമ്മേളനത്തില്‍ ഫ്രാന്‍സിസ് പാപ്പയുടെ മുമ്പില്‍നിന്നു ഗാനമാലപിച്ച് റോമിലെ മലയാളി വിദ്യാര്‍ഥികളും അത് രചിച്ച ഫാ. പോള്‍ സണ്ണിയും ഏവരുടെയും ശ്രദ്ധയും അഭിനന്ദനവും നേടി. ശ്രീനാരായണഗുരു ആലുവായില്‍ വിളിച്ചു ചേര്‍ത്ത മതസൗഹാര്‍ദ്ദ സമ്മേളനത്തിന്റെ നൂറാം വാര്‍ഷികത്തിന്റെ ഭാഗമായി വത്തിക്കാനില്‍ നടന്ന സര്‍വ്വമത സമ്മേളനം ലോക ശ്രദ്ധയാകര്‍ഷിച്ചിരുന്നു. പരിശുദ്ധ ഫ്രാന്‍സിസ് പാപ്പയോടൊപ്പം ശിവഗിരി മഠത്തിലെ സന്ന്യസ്തരും വിവിധ മതങ്ങളിലെ പ്രതിനിധികളും പങ്കെടുത്ത പ്രത്യേക കൂടിക്കാഴ്ചയിലാണ് കുട്ടികള്‍ മതേതരത്വത്തിന്റെയും സാഹോദര്യത്തിന്റെയും സന്ദേശം വിളിച്ചോതുന്ന ഗാനം ആലപിച്ചത്. ശ്രീനാരായണഗുരുവിന്റെ അദ്വൈത ദര്‍ശനത്തില്‍ അധിഷ്ഠിതമായി എഴുതിയ ഗാനം ഏറെ സന്തോഷത്തോടുകൂടിയാണ് ഫ്രാന്‍സിസ് പാപ്പ ശ്രവിച്ചത്. ഗാനത്തിന്റെ ഇറ്റാലിയന്‍ പരിഭാഷ ഫ്രാന്‍സിസ് പാപ്പയ്ക്ക് നല്‍കിയിരുന്നു. ഇന്ത്യയുടെ ആത്മീയതയുടെയും വിശ്വസംസ്‌കാരത്തിന്റെയും ചൈതന്യം പേറുന്ന സന്ദേശം കുട്ടികള്‍ നന്നായി ആലപിച്ചുവെന്ന് ഫ്രാന്‍സിസ് പാപ്പ അവരെ അഭിനന്ദിച്ചുകൊണ്ട് പറഞ്ഞു. കുട്ടികള്‍ക്ക് പാപ്പ ജപമാല സമ്മാനിച്ച് അനുഗ്രഹങ്ങള്‍ നേര്‍ന്നു. ജോഷ്‌ന, ജോയല്‍, സിന്‍ഡ്രല്ല, കമീല, എമിലിയ, ബില്‍ഗീസ്, ബെല്‍ഗ്രേന്‍സ്, ഡിവിന, കാതറിന്‍ എന്നിവരാണ്…