Author: admin

മുനമ്പം: റവന്യൂ അവകാശങ്ങൾ പുനസ്ഥാപിച്ചു കിട്ടുന്നതിനായി മുനമ്പം ജനത നടത്തുന്ന റിലേ നിരാഹാരം എഴുപത്തി രണ്ടാം ദിനത്തിലേക്ക് . എഴുപത്തി ഒന്നാം ദിന നിരാഹാര സമരത്തിൻ്റെ ഉദ്ഘാടനം വികാരി ഫാ ആന്റണി സേവ്യർ തറയിൽ സിപി നിർവഹിച്ചു. മുനമ്പത്തെ പ്രശ്നം നൂറു ശതമാനവും കേന്ദ്ര സർക്കാർ പരിഹരിക്കുമെന്ന് മുൻ കേന്ദ്ര മന്ത്രിയും , ബി ജെ പി നേതാവുമായ രാജീവ് ചന്ദ്രശേഖർ പ്രസ്താവിച്ചു. മുനമ്പം ജനതക്ക് ഐക്യദാർഢ്യം പ്രഖ്യാപിച്ച് സമരപന്തൽ സന്ദർശിക്കുകയായിരുന്നു അദ്ദേഹം. മുനമ്പം ജനതയുടെ നീതിക്കു വേണ്ടിയുള്ള പോരാട്ടത്തിൽ മാമംഗലം കർമ്മലമാതാ ഇടവക സമൂഹം മുനമ്പം ജനതയോടൊപ്പമുണ്ടെന്ന് കർമ്മലമാതാ പള്ളി വികാരി ഫാ. സാജൻ പടിയാരംപറമ്പിൽ പറഞ്ഞു. മാമംഗലം കർമ്മലമാതാ ഇടവക സമൂഹം മുനമ്പം ജനതയോടൊപ്പമുണ്ടെന്ന് കർമ്മലമാതാ പള്ളി വികാരി ഫാ. സാജൻ പടിയാരംപറമ്പിൽ കെ എസ് ഷാജു, അഡ്വ: ശങ്കു ടി ഭാസ്, അഡ്വ: ഷോൺ ജോർജ്ജ്, ജിജീ ജോസഫ്, കോട്ടൂർ ബാഹുലേയൻ, തൃശൂർ അതിരൂപത തരകൻ ഫാമിലി…

കൊച്ചി. വിദേശികളും സ്വദേശികളുമായ ക്രൈസ്തവ മിഷണറിമാരാണ് കേരളത്തിൽ മതസൗഹാർദത്തിന്റേയും വിദ്യാഭ്യാസപരവുമായ സമഗ്ര സംസ്ക്കാരം വാർത്തെടുത്തതെന്ന് ജസ്റ്റിസ് ബാബു മാത്യു പി തോമസ് അഭിപ്രായപ്പെട്ടു. മൂന്ന് വർഷം നീണ്ടു നിന്ന വല്ലാർപാടം പള്ളിയുടെ മഹാജൂബിലി ആഘോഷങ്ങളുടെ ഔദ്യോഗിക സമാപന സമ്മേളനം ഉത്ഘാടനം ചെയ്തു സംസാരിക്കുകയായിരുന്നു അദ്ദേഹം. വരാപ്പുഴ അതിരൂപത സഹായ മെത്രാൻ റവ.ഡോ. ആന്റണി വാലുങ്കൽ ജൂബിലി സ്മരണികയുടെ പ്രകാശന കർമ്മം നിർവ്വഹിച്ചു. ചടങ്ങിൽ ബസിലിക്ക റെക്ടർ ഫാ. ജെറോം ചമ്മിണിക്കോടത്ത് അധ്യക്ഷനായിരുന്നു. ആത്മീയഗാനശുശ്രൂഷ രംഗത്ത് പ്രശസ്തനായ ഫാ. ബിബിൻ ജോർജ് കലാപരിപാടികളുടെ ഉത്ഘാടനം നിർവ്വഹിച്ചു. ഫാ.ആന്റണി ഷൈൻ കാട്ടുപറമ്പിൽ, ഫാ. സാവിയോ ആന്റണി തെക്കേപ്പാടത്ത്, മഹാജൂബിലി ജനറൽ കൺവീനർ പീറ്റർ കൊറയ,പാരിഷ് കൗൺസിൽ വൈസ് പ്രസിഡണ്ട് അഡ്വ.എൽസി ജോർജ്, കേന്ദ്ര സമിതി ലീഡർ പി.എൽ ജോയ്, സുവനീർ ചീഫ് എഡിറ്റർ യു.ടി.പോൾ എന്നിവർ പ്രസംഗിച്ചു.

കൊച്ചി:വരാപ്പുഴ അതിരൂപതയും റെഡ് എക്സൽ മീഡിയ ഹബ്ബും സംയുക്തമായി സംഘടിപ്പിക്കുന്ന ക്രിസ്മസ് ആഘോഷങ്ങൾ ജിംഗിൾ വൈബ്സ് വരാപ്പുഴ അതിരൂപത ആർച്ച് ബിഷപ്പ് ഡോ. ജോസഫ് കളത്തിപറമ്പിൽ ഉദ്ഘാടനം ചെയ്തു. വ്യവസായ മന്ത്രി പി രാജീവ് , എം.പി. ഹൈബി ഈഡൻ, കൊച്ചി മേയർ അനിൽകുമാർ,എംഎൽഎ ടി.ജെ വിനോദ് ,കോഡിനേറ്റർ ഫാദർ യേശുദാസ് പഴമ്പിള്ളി, മോൺ. മാത്യു കല്ലിങ്കൽ, അഡ്വക്കേറ്റ് ഷെറി തോമസ്, കൗൺസിലർ മനു ജേക്കബ് എന്നിവർ സന്നിഹിതരായിരുന്നു എറണാകുളം സെൻ്റ് ആൽബർട്‌സ് ഹൈസ്കൂൾ ഗ്രൗണ്ടിൽ , 28 വരെ നീണ്ടുനിൽക്കുന്ന മേളയിൽ രാവിലെ 11 മണി മുതൽ രാത്രി 11 മണി വരെ പൊതുജനങ്ങൾക്ക് പ്രവേശനം ഉണ്ടായിരിക്കും. 2500 പേർക്ക് ഇരിക്കാവുന്ന പന്തലിൽ പ്രശസ്തരായ കലാകാരന്മാരുടെ വിവിധങ്ങളായ പരിപാടികൾ എല്ലാ ദിവസവും വൈകിട്ട് ഉണ്ടായിരിക്കും. നൂറോളം സ്റ്റാളുകളിലായി ഫുഡ് കൗണ്ടറുകൾ ,ആധുനിക വസ്തുക്കളുടെ വില്പന കേന്ദ്രങ്ങൾ, കുട്ടികൾക്കും, മുതിർന്നവർക്കും വിനോദ കേന്ദ്രങ്ങൾ എന്നിവ ഇവിടെ സജ്ജമാക്കിയിട്ടുണ്ട്. പ്രവേശന ഫീസ് 50…

കൊച്ചി: തേവര സെന്റ് ജോസഫ് ആൻഡ് സെന്റ് ജൂഡ് പള്ളിയിൽ ക്രിസ്തുമസ് ആഘോഷങ്ങളുടെ ഭാഗമായി കുട്ടികൾ സാന്റോ ക്ലോസിന്റെ വേഷം ധരിച്ച് ക്രിസ്തുമസ് റാലി നടത്തി. വികാരി ഫാ.ജൂഡിസ് പനക്കൽ റാലി ഉദ്ഘാടനം ചെയ്തു. ഫാ.പാക്സൻ ഫ്രാൻസിസ് പള്ളിപ്പറമ്പിൽ, ഫാ.റാഫേൽ കോമരഞ്ചാത്ത് തുടങ്ങിയവർ നേതൃത്വവും നൽകി.

ഹൈദരാബാദ്: സന്തോഷ് ട്രോഫി ഫുട്‌ബോള്‍ ടൂര്‍ണമെന്റില്‍ ഡൽഹിക്കെതിരെ കേരളത്തിന് മൂന്ന് ഗോളിന്റെ തകർപ്പൻ ജയം. ഡൽഹിയെ എതിരില്ലാത്ത മൂന്ന് ​ഗോളുകൾക്കാണ് കേരളം തോൽപ്പിച്ചത്. ആദ്യ പകുതിയിലായിരുന്നു മുഴുവൻ ഗോളുകൾ നേടിയത്. 16-ാം മിനിറ്റിൽ നസീബ് റഹ്‌മാൻ ആദ്യ ഗോൾ നേടി. ശേഷം ജോസഫ് ജസ്റ്റിൻ 31-ാം മിനിറ്റിലും ടി ഷിജിൻ 40-ാം മിനിറ്റിലും ഗോൾ നേടി. നേരത്തെ മൂന്ന് മത്സരങ്ങളും ജയിച്ച് ക്വാർട്ടർ ഫൈനൽ ഉറപ്പിച്ച കേരളത്തെ സംബന്ധിച്ച് സമ്മർദമില്ലാത്ത പോരാട്ടമായിരുന്നു. ജയത്തോടെ ഗ്രൂപ്പ് ജേതാക്കളായി തന്നെ ക്വാർട്ടർ ഫൈനലിലേക്ക് കേരളം മാർച്ച് ചെയ്തു. കേരളത്തിനോട് പരാജയപ്പെട്ടതോടെ ക്വാർട്ടർ പ്രവേശനത്തിന് ഡൽഹിക്ക് ​ഇനിയും കാത്തിരിക്കേണ്ടി വരും.

കൊച്ചി:തുടർച്ചയായ മൂന്ന് പരാജയങ്ങൾക്കൊടുവിൽ കൊച്ചിയിൽ ഗംഭീര തിരിച്ചുവരവ് നടത്തി കേരള ബ്ലാസ്റ്റേഴ്‌സ്. മുഹമ്മദൻസിനെ എതിരില്ലാത്ത മൂന്ന് ഗോളുകൾക്ക് തോൽപ്പിച്ചായിരുന്നു ബ്ലാസ്റ്റേഴ്‌സിന്റെ ജയം. രണ്ടാം പകുതിയിലായിരുന്നു മുഴുവൻ ഗോളുകളും. 63-ാം മിനിറ്റിൽ സെൽഫ് ഗോളിലൂടെയായിരുന്നു ആദ്യ ഗോൾ. 81-ാം മിനിറ്റിൽ കുറോ സിംഗിന്റെ അസിസ്റ്റിൽ നോഹ തകർപ്പൻ ഹെഡർ ഗോൾ നേടിയതോടെ ലീഡ് രണ്ടാക്കി. ഒടുവിൽ രണ്ടാം പകുതിയുടെ അവസാനത്തിൽ കോഫ് കൂടി ഗോൾ കണ്ടെത്തിയതോടെ സ്കോർ 3-0 ആയി. വിജയത്തോടെ 13 മത്സരങ്ങളിൽ നിന്ന് നാല് ജയവും രണ്ട സമനിലയും ഏഴ് തോൽവിയുമായി ബ്ലാസ്റ്റേഴ്സ് പത്താം സ്ഥാനത്തെത്തി. 12 മത്സരങ്ങളിൽ നിന്ന് ഒരു ജയമാണ് മാത്രമുള്ള മുഹമ്മദൻസ് ടേബിളിൽ അവസാന സ്ഥാനക്കാരായി 13-ാം സ്ഥാനത്ത് തുടരുകയാണ്.

തിരുവനന്തപുരം: ചൂരൽമല-മുണ്ടക്കൈ ഉരുൾപൊട്ടലിനെത്തുടർന്ന് ദുരന്തബാധിതരെ പുനരധിവസിപ്പിക്കുന്നതിനുള്ള കരട് പദ്ധതി മന്ത്രിസഭാ യോഗത്തിൽ അവതരിപ്പിച്ചു. ചീഫ് സെക്രട്ടറിയാണ് കരട് രേഖ അവതരിപ്പിച്ചത്. 26-ന് മന്ത്രിസഭാ യോഗം പദ്ധതി രേഖ അംഗീകരിക്കും. പട്ടികയിലെ അപാകതകൾ പരിഹരിക്കും. ടൗൺഷിപ്പ് എങ്ങനെ എന്ന കാര്യത്തിലും ചർച്ച നടന്നു. ചുമതല സംബന്ധിച്ച് അടുത്ത മന്ത്രിസഭാ യോഗത്തിൽ തീരുമാനിക്കും. കിഫ്ബിയുടെ ടൗൺഷിപ്പ് ഡിസൈനാണ് ചർച്ച് ചെയ്തത്. ടൗൺഷിപ്പിൽ 1000 സ്ക്വയർഫീറ്റുള്ള ഒറ്റനില വീടുകൾ നിർമ്മിക്കും . വീടുകൾ വാഗ്ദാനം ചെയ്തവരുമായി മുഖ്യമന്ത്രി ചർച്ച നടത്തും. 38 സംഘടനകൾ ഇതിനകം സന്നദ്ധത അറിയിച്ച് സർക്കാരിനെ സമീപിച്ചിട്ടുണ്ട്. ഇവരുമായി നേരിട്ട് സംസാരിക്കാനാണ് തീരുമാനം. ഏജൻസി ആരാണെന്നതിൽ അടുത്ത മന്ത്രിസഭാ യോഗം തീരുമാനമെടുക്കും. കോടതി തീരുമാനത്തിന് പിന്നാലെ തന്നെ ഭൂമി ഏറ്റെടുക്കും. അതിനുള്ള മുന്നൊരുക്കങ്ങളും യോഗം ചർച്ച ചെയ്തു. കിഫ്ബി തയ്യാറാക്കിയ ആയിരം സ്ക്വയർ ഫീറ്റ് വീടിൻറെ പ്ലാനാണ് തത്വത്തിൽ അംഗീകരിച്ചിട്ടുള്ളത്. ടൗൺഷിപ്പിൻറെ നിർമ്മാണ ചുമതല ഒരു ഏജൻസിയെ ഏൽപ്പിക്കാനും മേൽനോട്ട സമിതിയെ നിയോഗിക്കാനും…

ന്യൂഡൽഹി:അംബേദ്‌കറിനെതിരെയുള്ള പരാമര്‍ശത്തില്‍ കേന്ദ്ര ആഭ്യന്തര മന്ത്രി അമിത് ഷായുടെ രാജി ആവശ്യപ്പെട്ട് രാജ്യത്തെ 150 നഗരങ്ങളിൽ വാർത്താ സമ്മേളനം നടത്താന്‍ കോണ്‍ഗ്രസ്. ലോക്‌സഭയിലെയും രാജ്യസഭയിലെയും കോൺഗ്രസ് എംപിമാരും സിഡബ്ല്യുസി അംഗങ്ങളും ചേര്‍ന്ന് വാര്‍ത്താ സമ്മേളനം വിളിക്കുമെന്ന് കോൺഗ്രസ് നേതാവ് പവൻ ഖേര അറിയിച്ചു. ഇന്നും നാളെയുമായി വാര്‍ത്താ സമ്മേളനം വിളിച്ചു ചേര്‍ക്കാനാണ് കോണ്‍ഗ്രസിന്‍റെ തീരുമാനം. ‘ഡിസംബർ 22, 23 തീയതികളിൽ 150ല്‍ അധികം നഗരങ്ങളിൽ നമ്മുടെ ലോക്‌സഭ, രാജ്യസഭ എംപിമാരും സിഡബ്ല്യുസി അംഗങ്ങളും ആഭ്യന്തര മന്ത്രി അമിത് ഷായുടെ രാജി ആവശ്യപ്പെട്ട് വാർത്താ സമ്മേളനം നടത്തും. അമിത് ഷാ ബാബാ സാഹെബ് അംബേദ്‌കറോട് അനാദരവ് കാണിച്ചതിനെ അപലപിക്കും.’- പവൻ ഖേര പറഞ്ഞു. ഡിസംബർ 24 ന് കോണ്‍ഗ്രസ് ബാബാസാഹെബ് അംബേദ്‌കർ സമ്മാൻ മാർച്ചുകൾ നടത്തുമെന്നും ജില്ലാ കലക്‌ടർമാർ മുഖേന രാഷ്‌ട്രപതിക്ക് മെമ്മോറാണ്ടം സമർപ്പിക്കുമെന്നും പവന്‍ ഖേര വ്യക്തമാക്കി. അതിലും അമിത് ഷായുടെ രാജി ആവശ്യപ്പെടുമെന്നും അദ്ദേഹം പറഞ്ഞു.രാജ്യസഭയിലെ പ്രസംഗത്തിനിടെയാണ് കേന്ദ്ര മന്ത്രി…

ന്യൂഡല്‍ഹി: ക്രിസ്‌മസ്, ശബരിമല തീർഥാടനത്തോടനുബന്ധിച്ച് കേരളത്തിലേക്ക് പ്രത്യേക ട്രെയിൻ സർവീസുകൾ. 2024-ലെ ക്രിസ്‌മസ് ഫെസ്റ്റിവലിൽ കേരളത്തിലേക്കും തിരിച്ചുമുള്ള വർധിച്ച യാത്രാ ആവശ്യകത കണക്കിലെടുത്ത് ക്രിസ്‌മസിന് വിവിധ റെയിൽവേ സോണുകളിലുടനീളം 149 പ്രത്യേക ട്രെയിൻ സര്‍വീസുകളും 10 പ്രത്യേക ട്രെയിനുകളും ഓപ്പറേഷൻ നടത്തുമെന്ന് റെയിൽവേ മന്ത്രാലയം അറിയിച്ചു. ശബരിമല തീർഥാടകരുടെ സുഗമമായ യാത്രയ്ക്കായി കേരളത്തിലേക്കും തിരിച്ചും 416 പ്രത്യേക ട്രെയിൻ ട്രിപ്പുകളും പ്രഖ്യാപിച്ചിട്ടുണ്ട്. കേന്ദ്ര സഹമന്ത്രി ജോർജ് കുര്യൻ്റെ അഭ്യർഥന മാനിച്ചാണ് കേന്ദ്ര റെയിൽവേ മന്ത്രി അശ്വിനി വൈഷ്‌ണവ് കേരളത്തിലേക്കുള്ള പ്രത്യേക ട്രെയിൻ സര്‍വീസിന് അനുമതി നൽകിയത്. ഈ പ്രഖ്യാപനങ്ങൾ ഉത്സവ സീസണിൽ ജനങ്ങളുടെ സൗകര്യം വർധിപ്പിക്കുന്നതിന് വേണ്ടിയുള്ളതാണെന്നും റെയില്‍വേ മന്ത്രാലയം വ്യക്തമാക്കി. 2024 ക്രിസ്‌മസിനോട് അനുബന്ധിച്ച് വിവിധ സോണുകളിലായി മൊത്തം 149 പ്രത്യേക ട്രെയിൻ ട്രിപ്പുകൾ പ്രഖ്യാപിച്ചിട്ടുണ്ട്.

കൊച്ചി : പ്രതിസന്ധികൾക്കിടയിലും ക്രിസ്മസ് ഫെയറുമായി സപ്ലൈകോ. സബ്സിഡി സാധനങ്ങൾക്ക് പുറമേ, ബ്രാൻഡഡ് നിത്യോപയോഗ സാധനങ്ങൾ അഞ്ചു മുതൽ 30 ശതമാനം വരെ വിലക്കുറവിൽ വാങ്ങാൻ കഴിയും. ഈ മാസം 30 വരെയാണ് ക്രിസ്മസ് ഫെയർ.സപ്ലൈകോയുടെ സ്വന്തം ബ്രാൻഡായ ശബരി ഉത്പന്നങ്ങൾക്ക് പ്രത്യേക വിലക്കുറവുണ്ട്. പ്രമുഖ കമ്പനികളുടെ നിത്യോപയോഗ ബ്രാൻഡഡ് ഉൽപ്പന്നങ്ങൾക്കും പ്രത്യേക ഓഫറുകൾ ഒരുക്കിയിട്ടുണ്ട്. 150 ലധികം ഉൽപ്പന്നങ്ങളാണ് ഇത്തരത്തിൽ വിലക്കുറവിൽ ലഭിക്കുക. ജില്ല ഫെയറുകളിലും സൂപ്പർ മാർക്കറ്റുകളിലും 30വരെ ഉച്ചയ്ക്ക് രണ്ടര മുതൽ നാലുവരെ ഫ്ലാഷ് സെയിൽ നടത്തും. സബ്സിഡിയിതര ഉൽപ്പന്നങ്ങൾക്ക് നിലവിൽ നൽകുന്ന ഓഫറിനേക്കാൾ 10%വരെ അധിക വിലക്കുറവ് ഈ സമയത്ത് ലഭ്യമാകും. ഇന്നലെ തിരുവനന്തപുരത്ത് മുഖ്യമന്ത്രിയാണ് ക്രിസ്മസ് ചന്ത ഉദ്ഘാടനം ചെയ്തത്. രാവിലെ 10 മുതൽ വൈകിട്ട് എട്ടു മണി വരെയാണ് ഫെയർ.