Author: admin

തിരുവനന്തപുരം: മുൻ മുഖ്യമന്ത്രിയും മുതിര്‍ന്ന സിപിഐഎം നേതാവുമായ വി എസ് അച്യുതാനന്ദന്റെ ആരോഗ്യ നില ഗുരുതരമായി തുടരുന്നു. പട്ടം എസ് യു ടി ആശുപത്രിയിലെ തീവ്രപരിചരണ വിഭാഗത്തിൽ ചികിത്സയിലാണ് അദ്ദേഹം . മരുന്നുകളോട് പ്രതികരിക്കുന്നുണ്ടെങ്കിലും രക്തസമ്മർദ്ദവും വൃക്കകളുടെ പ്രവർത്തനവും സാധാരണ നിലയിലായിട്ടില്ലെന്ന് മെഡിക്കൽ ബുള്ളറ്റിനിൽ വ്യക്തമാക്കുന്നു. അച്യുതാനന്ദന്റെ ആരോഗ്യസ്ഥിതി വിലയിരുത്താൻ വിദഗ്ധ സംഘത്തെ നിയോ​ഗിച്ചിട്ടുണ്ട് . തിരുവനന്തപുരം മെഡിക്കൽ കോളേജിൽ നിന്നുള്ള 7 ഡോക്ടർമാരെയാണ് ഇതിനായി നിയോഗിച്ചത്. കാർഡിയോളജി, ന്യൂറോളജി, ഗ്യാസ്ട്രോ എൻട്രോളജി, ക്രിട്ടിക്കൽ കെയർ, ജനറൽ മെഡിസിൻ, പൾമണറി മെഡിസിൻ വിഭാഗം എന്നീ വിഭാഗങ്ങളിലെ ഡോക്ടർമാരുടെ സംഘത്തെയാണ് സർക്കാർ വിഎസിന്റെ ആരോഗ്യനില വിലയിരുത്തുന്നതിനായി നിയോ​ഗിച്ചത്. ആന്തരികാവയവങ്ങളുടെ പ്രവർത്തനം കാര്യക്ഷമമല്ലെന്നാണ് സർക്കാർ നിയോഗിച്ച തിരുവനന്തപുരം മെഡിക്കൽ കോളേജിലെ സംഘത്തിന്റെ വിലയിരുത്തൽ. രക്തസമ്മർദ്ദവും വൃക്കകളുടെ പ്രവർത്തനവും സാധാരണ നിലയിലല്ല. വിദഗ്ധ സംഘത്തിന്റെ കൂടി അഭിപ്രായം കണക്കിലെടുത്ത് ഡയാലിസിസ് പുനരാരംഭിച്ചിട്ടുണ്ട്.  കഴിഞ്ഞ 23-നാണ് ഹൃദയാഘാതത്തെ തുടര്‍ന്ന് വിഎസിനെ ആശുപത്രിയിൽ പ്രവേശിപ്പിച്ചത്. പതിവ് പരിശോധനയ്ക്ക് ശേഷം…

കൊച്ചി: അന്താരാഷ്ട്ര ലഹരി വിരുദ്ധ ദിനത്തോടനുബന്ധിച്ച്എറണാകുളം ലൂർദ് ആശുപത്രിയുടെയും ലൂർദ് കോളേജ് ഓഫ് നഴ്സിംഗ് എൻ.എസ്.എസ്. യൂണിറ്റിന്റെയും ആഭിമുഖ്യത്തിൽ ചാത്യാത്ത് LMCC ഹയർ സെക്കൻഡറി സ്കൂളുമായി സഹകരിച്ച് ബോധപൂർണ്ണിമ വാക്കത്തോണും ബോധവൽക്കരണ പരിപാടികളും സംഘടിപ്പിച്ചു. ഈവർഷത്തെ ലഹരി വിരുദ്ധ മുദ്രാവാക്യങ്ങൾ ആയലഹരിയുടെ ചങ്ങല തകർക്കൽ, പ്രതിരോധം, ചികിത്സ, വീണ്ടെടുക്കൽ എന്നീ നാലുകാര്യങ്ങൾക്ക് ഊന്നൽ നൽകിക്കൊണ്ടാണ് വാക്കത്തോണും ബോധവൽക്കരണ പരിപാടികളുും നടത്തിയത്. എറണാകുളം ലൂർദ് ആശുപത്രിയിൽ നിന്ന് ആരംഭിച്ച വാക്കത്തോൺ കൊച്ചി സിറ്റി പോലീസ് നടപ്പിലാക്കുന്ന ചിൽഡ്രൻ ആൻ്റ് പോലീസ് പദ്ധതിയുടെ കോർഡിനേറ്റർ SHO ശ്രീ. ബാബു ജോൺ പി ഫ്ലാഗ് ഓഫ് ചെയ്തു. ലൂർദ് ഹോസ്പിറ്റൽ അസോസിയേറ്റ് ഡയറക്ടർ ഫാ. വിമൽ ഫ്രാൻസിസ്, ലൂർദ് ആശുപത്രി വെൽഫെയർ ഓഫീസർ ഫാ. ആൻറണി റാഫേൽ കൊമരംചാത്ത് എന്നിവർ ആശംസകൾ നേർന്നു. തുടർന്ന് ചാത്യാത്ത് LMCC ഹയർസെക്കൻഡറി സ്കൂളിൽ നാലാം സെമസ്റ്റർ BSc നേഴ്സിങ് വിദ്യാർത്ഥികളുടെ നേതൃത്വത്തിൽ ലഹരി വിരുദ്ധ സന്ദേശം നല്കുന്ന ഫ്ലാഷ്…

കൊടുങ്ങല്ലൂർ : കോട്ടപ്പുറം രൂപതയുടെ സാമൂഹ്യശൂശ്രൂഷ സമിതികളെ കൂടുതല്‍ ശക്തിപ്പെടുത്തുകയും ഏകോപിപ്പിക്കുകയും ചെയ്യുക എന്ന ലക്ഷ്യത്തോടെ കോട്ടപ്പുറം കിഡ്സില്‍വെച്ച് സാമൂഹ്യശുശ്രൂഷ സമിതി കണ്‍വീനര്‍മാര്‍ക്കായി സെമിനാര്‍ സംഘടിപ്പിച്ചു. സെമിനാറിന്റെ ഉദ്ഘാടനം കോട്ടപ്പുറം രൂപത ബിഷപ്പ് ഡോ. അബ്രോസ് പുത്തന്‍വീട്ടില്‍ നിര്‍വ്വഹിച്ചു. കിഡ്സ് ഡയറക്ടര്‍ ഫാ. നിമേഷ് അഗസ്റ്റിന്‍ കാട്ടാശ്ശേരി അദ്ധ്യക്ഷനായിരുന്ന യോഗത്തില്‍ അഡ്വ. ഷെറി തോമസ് സെമിനാറിന് നേതൃത്വം നല്‍കി. കിഡ്സ് അസി. ഡയറക്ടര്‍ ഫാ. എബ്നേസര്‍ ആന്‍റണി കാട്ടിപ്പറമ്പില്‍ കിഡ്സിന്‍റെ വിവിധ ഡിപ്പാര്‍ട്ടുമെന്‍റുകളെ കുറിച്ചു സംസാരിച്ചു. കിഡ്സ് കോ-ഓഡിനേറ്റര്‍ സി. ഷൈനിമോള്‍ സ്വാഗതവും കോ-ഓഡിനേറ്റര്‍ ശ്രിമതി ഗ്രേയ്സി ജോയ് നന്ദിയും പറഞ്ഞു. വിവിധ ഇടവകകളില്‍നിന്നുമായി സാമൂഹ്യ ശുശ്രൂഷ സമിതി കൺവീനർമാരും കിഡ്സ് ആനിമേറ്റസും, സ്റ്റാഫും സെമിനാറിൽ പങ്കെടുത്തു.

കൂനമ്മാവ് : ലോക ലഹരിവിരുദ്ധ ദിനത്തോട് അനുബന്ധിച്ചു വരാപ്പുഴ അതിരൂപത സി എൽ സിയുടെ നേതൃത്വത്തിൽ വി.ചാവറയച്ഛന്റെ തിരുസന്നിധി ആയ കൂനമ്മാവ് സെന്റ്. ഫിലോമിനാസ് ദേവാലയത്തിൽ വച്ചു ലഹരി വിരുദ്ധ സന്ദേശനൃത്തം അവതരിപ്പിച്ചു. ചേരാനല്ലൂർ സെന്റ്. ജെയിംസ് ഇടവകയിലെ സി എൽ സി അംഗങ്ങൾ നൃത്ത-ദൃശ്യവിഷ്കാരത്തിനു ചുവടുകൾ വെച്ചു.ലഹരി ഉപയോഗവർദ്ധനവ് അത്യധികമായി വർധിച്ചുവരുന്ന ഈ സാഹചര്യത്തിൽ യുവജനങ്ങൾ സ്വയം മാറി ചിന്തിച്ചു നൃത്തവും സംഗീതവും കായികവും തുടങ്ങിയ ആരോഗ്യപരമായ പ്രവർത്തികളിൽ നിന്ന് ലഭിക്കുന്ന ആവേശം ലഹരിയാക്കണമെന്ന് ലഹരി വിരുദ്ധ ദിനാചാരണം ഉത്ഘാടനം ചെയ്ത കൂനമ്മാവ് ഇടവക സഹവികാരി ഫാ. സിനു ചമ്മണിക്കോടത്ത് ഓർമപ്പെടുത്തി. ഫാ. തോംസൺ IVD, അതിരൂപത സി എൽ സി പ്രസിഡന്റ്‌ അലൻ ടൈറ്റസ്, ജനറൽ സെക്രട്ടറി ഡോണ ഏണസ്റ്റിൻ, ട്രഷറര്‍ അമൽ മാർട്ടിൻ, മീഡിയ കോർഡിനേറ്റർ ജെസ്വിൻ ,മറ്റു സി എൽ സി അംഗങ്ങളും യുവജനങ്ങളും സന്നിഹിതരായിരുന്നു.

കോട്ടപ്പുറം : കോട്ടപ്പുറം രൂപതാദിനാഘോഷത്തിനും വിശുദ്ധ തോമസിൻ്റെ തിരുനാളിനും കോട്ടപ്പുറം മാർക്കറ്റിലെ മുസിരിസ് സെൻ്റ് തോമസ് കപ്പേളയിൽ നാളെ (ജൂലൈ ഒന്ന് ) വൈകീട്ട് 5.30 ന് കൊടികയറും. കോട്ടപ്പുറം രൂപത വികാരി ജനറൽ മോൺസിഞ്ഞോർ റോക്കി റോബി കളത്തിൽ കൊടിയേറ്റ് നിർവ്വഹിക്കും. തുടർന്ന് നടക്കുന്ന ദിവ്യബലിക്ക് രൂപത എപ്പിസ്കോപ്പൽ വികാരി റവ.ഡോ. ഫ്രാൻസിസ്കോ പടമാടൻ മുഖ്യകാർമ്മികനാകും. കടക്കര ഉണ്ണിമിശിഹ പള്ളി വികാരി ഫാ. മിഥുൻ മെൻ്റസ് പ്രസംഗിക്കും. രണ്ടിന് വൈകീട്ട് 5.30 ന് ദിവ്യബലി ക്ക് ഗോതുരുത്ത് ഫൊറോന വികാരി ഫാ. ജാക്സൻ വലിയപറമ്പിൽ മുഖ്യകാർമ്മികത്വം വഹിക്കും. രൂപത ഫിനാൻഷ്യൽ അഡ്മിസ്ട്രേറ്റർ ഫാ.ജോബി കാട്ടാശ്ശേരി പ്രസംഗിക്കും. ജൂലൈ മൂന്നിന് വൈകീട്ട് 4.30ന് കോട്ടപ്പുറം സെൻ്റ് മൈക്കിൾസ് എൽപി സ്കൂളിൽ നിന്ന് കോട്ടപ്പുറം മാർക്കറ്റിലെ സെൻ്റ് തോമസ് കപ്പേളയിലേക്ക് നടക്കുന്ന പ്രവേശന പ്രദക്ഷിണത്തിൽ ബിഷപ്പ് ഡോ. അംബ്രോസ് പുത്തൻവീട്ടിലിനൊപ്പം രൂപത, ഇടവക, സന്യസ്ത പ്രതിനിധികളും രൂപതയിലെ വൈദീകരും അണിനിരക്കും. തുടർന്ന് സെൻ്റ്…

കോഴിക്കോട്: മുഖ്യമന്ത്രിയുടെ വാഹനവ്യൂഹത്തിലേക്ക് കയറിയ വാഹനവും അതിലുണ്ടായിരുന്ന അഞ്ച് പേരും കോഴിക്കോട് പോലീസ് കസ്റ്റഡിയിൽ. കണ്ണൂരിൽ നിന്ന് കോഴിക്കോട് ഗസ്റ്റ് ഹൗസിലേക്ക് വരുന്നതിനിടെ രാത്രി പത്ത് മണിയോടെ എലത്തൂർ എത്തുന്നതിന് മുമ്പ് ഈ വാഹനം മുഖ്യമന്ത്രിയുടെ വാഹനവ്യൂഹത്തിലേക്ക് കയറുകയായിരുന്നു. ചുങ്കത്ത് വച്ച് പൊലീസ് വാഹനം തടഞ്ഞ് വാഹനത്തിലുണ്ടായിരുന്ന അഞ്ച് പേരെയും കസ്റ്റഡിയിൽ എടുക്കുകയായിരുന്നു. നടക്കാവ് പൊലീസ് കസ്റ്റഡിയിൽ എടുത്ത ഇവരെ ചോദ്യം ചെയ്തപ്പോൾ ഇലക്ട്രിക്ക് വർക്കുമായി ബന്ധപ്പെട്ട് കണ്ണൂരിൽ നിന്ന് പാലക്കാട്ടേക്ക് പോകുകയായിരുന്നു എന്നാണ് പറഞ്ഞത്. കാറിനുള്ളിൽ നിന്ന് വാക്കിടോക്കി കണ്ടെടുത്തു . മലപ്പുറം സ്വദേശികളായ നസീബ്, ജ്യോതിബാസ്, മുഹമ്മദ് ഹാരിസ്, ഫൈസൽ, പാലക്കാട് സ്വദേശി അബ്ദുൽ വാഹിദ് എന്നിവരാണ് പിടിയിലായത് .

കൊച്ചി :ഫാദർ ഫിർമൂസ് ഫൗണ്ടേഷൻ സംഘടിപ്പിക്കുന്നഫാ.സ്റ്റാൻസ്വാമി അനുസ്മരണത്തിൽ മനുഷ്യാവകാശ പ്രവർത്തകരായആൻ്റോ അക്കരെ സി. ക്രിസ്റ്റിൻ ജോസഫ് എന്നിവർ പ്രഭാഷണം നടത്തും. ജൂലൈ 5 ശനിവൈകിട്ട് ഏഴിന്ഓൺലൈനിലാണ് പരിപാടി.ഫൗണ്ടേഷൻ പ്രസിഡൻറ് മാത്യു ലിഞ്ചൻ റോയി, ജനറൽ സെക്രട്ടറി എൻ സി അഗസ്റ്റിൻ, ജോസഫ് ജൂഡ്, ജോയ് ഗോതുരുത്ത്, ഷാജി ജോർജ് എന്നിവർ പ്രസംഗിക്കും.

തോപ്പുംപടി: അന്താരാഷ്ട്ര ലഹരി വിരുദ്ധ ദിനത്തോടനുബന്ധിച്ച് കെ.സി.വൈ.എം. നസ്രത്ത് യൂണിറ്റിന്റെ ആഭിമുഖ്യത്തിൽ ബോധവൽക്കരണ ക്ലാസ് നടത്തുകയുണ്ടായി. കെ.സി.വൈ.എം കൊച്ചി രൂപത ജനറൽ സെക്രട്ടറി ഹെസ്ലിൻ ഇമ്മാനുവേൽ ഉദ്ഘാടനം ചെയ്തു. തോപ്പുംപടി പോലീസ് സ്റ്റേഷൻ എസ്.ഐ. സൂരജ് കുമാറിന്റെ നേതൃത്വത്തിൽ നടത്തിയ ക്ലാസിൽ കെ.സി.വൈ.എം നസ്രത്ത് യൂണിറ്റ് പ്രസിഡന്റ് ജെനിഫർ ദിവ്യ അധ്യക്ഷത വഹിച്ചു. ഫാദർ ഡാനി പൈലി പ്രാർത്ഥനയോടെ ആരംഭിച്ചു. കെ.സി. വൈ.എം നസ്രത്ത് യൂണിറ്റ് സെക്രട്ടറി റീറ്റ മേരി, ട്രഷറർ സാൽവിൻ സേവ്യർ, ചൈതന്യ എച്ച്.എസ് വിഭാഗം എച്ച്.എം സോളി മങ്ങാട്ട് എന്നിവർ സംസാരിച്ചു. കെ.സി.വൈ.എം നസ്രത്ത് യൂണിറ്റ് ഡയറക്ടർ ഫാദർ ആഷ്ബൽ, ആനിമേറ്റർ ബിനോയ് പി.കെ, കെ.സി.വൈ.എം കൊച്ചി രൂപത ട്രഷറർ ജോർജ് ജിക്സൺ, സെക്രട്ടറി അക്ഷയ മരിയ, എക്സിക്യൂട്ടിവ് ടോം ആ ആന്റണി എന്നിവർ സന്നിഹിതരായിരുന്നു.

കൊച്ചി: അന്താരാഷ്ട്ര ലഹരി വിരുദ്ധ ദിനത്തോടനുബന്ധിച്ച് കെ.സി.വൈ എം നസ്രത്ത് യൂണിറ്റിൻ്റെ ആഭിമുഖ്യത്തിൽ സൈക്കിൾ റാലി സംഘടിപ്പിച്ചു. നസ്രത്ത് തിരുക്കുടുംബ ദേവാലയത്തിൽ നിന്നും ആരംഭിച്ച് കൊച്ചി ബിഷപ് ഹൗസിൽ അവസാനിച്ച സൈക്കിൾ റാലി കൊച്ചി എം.എൽ.എ കെ.ജെ മാക്സി ഫ്ലാഗ് ഓഫ് ചെയ്ത് കൊണ്ട് ഉദ്ഘാടനം ചെയ്തു. കെ.സി.വൈ.എം നസ്രത്ത് യൂണിറ്റ് പ്രസിഡന്റ് ജെനിഫർ ദിവ്യ അധ്യക്ഷത വഹിച്ചു. കെ.സി.വൈ.എം നസ്രത്ത് യൂണിറ്റ് ഡയറക്ടർ ഫാദർ ആഷ്ബൽ ജേക്കബ് വടശ്ശേരി, കെ.സി.വൈ.എം കൊച്ചി രൂപത പ്രസിഡന്റ് ഡാനിയ ആന്റണി, നസ്രത്ത് യൂണിറ്റ് സെക്രട്ടറി റീറ്റ മേരി, ട്രഷറർ സാൽവിൻ സേവ്യർ എന്നിവർ സംസാരിച്ചു. ആനിമേറ്റർ ബിനോയ് പി.കെ, കെ.സി.വൈ.എം കൊച്ചി രൂപത സെക്രട്ടറി അക്ഷയ മരിയ, കെ.സി.വൈ.എം കൊച്ചി രൂപത ട്രഷറർ ജോർജ് ജിക്സൺ, എക്സിക്യൂട്ടിവ് ടോം ആന്റണി, കെ.സി.വൈ.എം സംസ്ഥാന സെനറ്റ് അംഗം കാസി പൂപ്പന, കെ.സി.വൈ.എം മുൻ സംസ്ഥാന ജനറൽ സെക്രട്ടറി ക്രിസ്റ്റി ചക്കാലക്കൽ, ഫാദർ ഡാനി പൈലി…

ന്യൂഡൽഹി :ചേരികൾ പൊളിച്ചുനീക്കുന്നതിനെതിരെ ഡൽഹി ജന്തർ മന്തറിൽ പ്രതിഷേധമുയർത്തി ആം ആദ്മി പാർട്ടി. ബിജെപി സർക്കാർ അഞ്ചുമാസം കൊണ്ട് ഡൽഹിയെ തകർത്തെന്നും പ്രധാനമന്ത്രി നരേന്ദ്രമോദി നുണയനാണെന്നും എഎപി കൺവീനർ അരവിന്ദ് കേജ്‌രിവാൾ ആരോപിച്ചു. അനധികൃത ചേരികൾ പൊളിച്ചുനീക്കുന്നതിലെ ജനരോഷം മുതലെടുക്കാനാണ് ജന്തർ മന്തറിലെ സമരം. ബിജെപിയെയും കോൺഗ്രസിനെയും രൂക്ഷമായി വിമർശിച്ചാണ് കേജ്‍രിവാൾ രംഗത്തുള്ളത് . ഡൽഹിയിലെ വൻ തോൽവിയെ തുടർന്ന് തണുപ്പൻ മട്ടിലായ ആം ആദ്മി പാർട്ടിയെ പഞ്ചാബിലെയും ഗുജറാത്തിലെയും നിയമസഭ ഉപതിരഞ്ഞെടുപ്പ് വിജയങ്ങൾ വീണ്ടും സജീവമാക്കി.