വത്തിക്കാൻ :’നിർമ്മിത ബുദ്ധിയും വൈദ്യശാസ്ത്രവും മനുഷ്യാന്തസ്സിനോടുള്ള വെല്ലുവിളി’, എന്ന പ്രമേയത്തിൽ നടക്കുന്ന അന്താരാഷ്ട്ര സമ്മേളനത്തിൽ സംബന്ധിക്കുന്നവർക്ക് , ലിയോ പതിനാലാമൻ പാപ്പാ സന്ദേശം നൽകി. വൈദ്യശാസ്ത്രത്തിലും ആരോഗ്യ സംരക്ഷണത്തിലും നിർമ്മിത ബുദ്ധി ഉയർത്തുന്ന ഈ പുതിയ പ്രയോജനങ്ങളെയും, വെല്ലുവിളികളെയും കുറിച്ച് ചർച്ച ചെയ്യുന്നതിനായി, കത്തോലിക്കാ ഡോക്ടർമാരുടെ അന്താരാഷ്ട്ര ഫെഡറേഷനുമായി ചേർന്നാണ് ഈ സമ്മേളനം നടത്തിയത്.ആധുനികലോകത്തിൽ നിലനിൽക്കുന്ന ഡിജിറ്റൽ വിപ്ലവം, വ്യാവസായിക വിപ്ലവവുമായി ഏറെ താരതമ്യപ്പെട്ടതാണെന്നു പാപ്പാ, തന്റെ സന്ദേശത്തിൽ, ആമുഖമായി പറഞ്ഞു. കൂടുതൽ വ്യാപകമായ സാങ്കേതിക പുരോഗതിയുടെ കാലഘട്ടത്തിലാണ് നാം ജീവിക്കുന്നതെന്നു പറഞ്ഞ പാപ്പാ, ഇത് സാഹചര്യങ്ങളെക്കുറിച്ചുള്ള നമ്മുടെ ധാരണയെയും, നമ്മെയും മറ്റുള്ളവരെയും നാം കാണുന്ന രീതിയെയും പരിവർത്തനം ചെയ്യുന്നുവെന്നും, നമ്മുടെ ചിന്താരീതിയെ ഏറെ ആഴത്തിൽ സ്പർശിക്കുന്നുവെന്നും പറഞ്ഞു . മെഷീനുകളുമായുള്ള അമിതമായി നാം നടത്തുന്ന ഇടപെടലുകൾ, നമുക്ക് ചുറ്റുമുള്ള ആളുകളുടെ മുഖങ്ങൾ തിരിച്ചറിയാതെ പോകുവാനുള്ള അപകടസാധ്യതയും, മനുഷ്യരായ എല്ലാറ്റിനെയും എങ്ങനെ തിരിച്ചറിയാമെന്നും, വിലമതിക്കാമെന്നും മറക്കുവാനുള്ള സാധ്യതയും മുമ്പോട്ട് വയ്ക്കുന്നുവെന്നു പാപ്പാ…
Read More
