കെ.സി.വൈ.എം മുൻകാല പ്രവർത്തകരുടെ കൂട്ടായ്മ കാരുണ്യത്തിന്റെ മാതൃകയായി

കൊച്ചി: തോപ്പുംപടി സെന്റ് സെബാസ്റ്റ്യൻ ഇടവകയിലെ 1985-ലെ കെ.സി.വൈ.എം മുൻകാല പ്രവർത്തകരുടെ കൂട്ടായ്മ പള്ളുരുത്തി കാരുണ്യഭവനിലെ അമ്മമാരോടൊപ്പം ഒരു ദിവസം ചെലവഴിച്ച് സാമൂഹിക പ്രതിബദ്ധതയുടെ മാതൃകയായി. പരിപാടിയുടെ ഭാഗമായി കാരുണ്യഭവനിലേക്ക് ഒരു വീൽചെയറും നിത്യോപയോഗ സാധനങ്ങളും കൈമാറി. ഫാ. വിബിൻ മാളിയക്കൽ പരിപാടി ഉദ്ഘാടനം ചെയ്തു. കൺവീനർ ടോസി പൂപ്പൻ അധ്യക്ഷത വഹിച്ചു. കൗൺസിലർ സുമിത് ജോസഫ് മുഖ്യപ്രഭാഷണം നടത്തി.പി. പി. ജേക്കബ്, സുപ്പീരിയർ സിസ്റ്റർ വിബിന, ജെയിൻ ജേക്കബ്, ജോജി ജോസഫ്, പി. ജി. മാക്സൺ എന്നിവർ ആശംസകൾ നേർന്ന് സംസാരിച്ചു.സ്നേഹവും കരുതലും പങ്കുവെച്ച ഈ സംഗമം മുൻകാല കെ.സി.വൈ.എം പ്രവർത്തകരുടെ സാമൂഹിക പ്രതിബദ്ധതയും സേവനമനോഭാവവും വീണ്ടും അടിവരയിടുന്നതായി പങ്കെടുത്തവർ അഭിപ്രായപ്പെട്ടു.