ഗ്രാൻഡ് പാരൻസ് ദിനാചരണത്തിൽ വൃക്ഷത്തൈ നട്ടു

ചെറുവണ്ണൂർ: ആഗോള മുത്തശ്ശി മുത്തശ്ശന്മാരുടെ ദിനത്തിനോടനുബന്ധിച്ച് ചെറുവണ്ണൂർ തിരുഹൃദയ ഇടവകയിലെ കുഞ്ഞുമക്കൾ അവരുടെ മുത്തശ്ശി മുത്തശ്ശന്മാർക്കും വയോജനങ്ങൾക്കും സമ്മാനങ്ങൾ കൈമാറി ആദരവ് നൽകുകയും ദിവ്യബലിയർപ്പിച്ച് പ്രാർത്ഥിക്കുകയും ചെയ്തു. തുടർന്ന് പുതിയ ദേവാലയത്തിനു മുമ്പിൽ വികാരി ഫാദർ ജിജു പള്ളിപ്പറമ്പിൽ, കുടുംബസമിതി കോഡിനേറ്റർ ജോമോൻ കുട്ടംപറമ്പിൽ, ഹെഡ്മാസ്റ്റർ സനീഷ് ജോൺ, എന്നിവരോടൊപ്പം വൃക്ഷത്തൈ നട്ടു. എല്ലാവർക്കും മധുരം നൽകി. കുടുംബ ശുശ്രൂഷ സമിതിയും വിശ്വാസ പരിശീലന കമ്മീഷനും നേതൃത്വം നൽകി