പരിസ്ഥിതിദിനാചരണം 2026

തിരുവനന്തപുരം : നെയ്യാറ്റിൻകര ഇൻ്റഗ്രൽ ഡവലപ്മെൻ്റ് സൊസൈറ്റി ആരോഗ്യ പരിപാലനമദ്യ വിരുദ്ധ കമ്മീഷൻ്റെ നേതൃത്വത്തിൽ പൂഴനാട് ഫാത്തിമ നഴ്സറി സ്‌കൂൾ ഹാളിൽ വച്ച് പരിസ്ഥിതിദിനാചരണം സംഘടിപ്പിച്ചു. കമ്മീഷൻ സെക്രട്ടറി ഫാ. ഡെന്നിസ് മണ്ണൂർ അദ്ധ്യക്ഷത വഹിച്ച യോഗം നിഡ്‌സ് ഡയറക്ടർ ഫാ. ക്രിസ്റ്റഫർ യശയ്യ ഉദ്ഘാടനം ചെയ്തു. കമ്മീഷൻ സെക്രട്ടറി അൽഫോൻസ ആൻ്റിൽസ്, നഴ്‌സറി കോ ഓഡിനേറ്റർ ലളിത, മേഖല ആനിമേറ്റർ പ്രകാശി, നഴ്‌സറി പ്രധാനാധ്യാപിക അംബിക എന്നിവർ സംസാരിച്ചു. നിഡ്‌സ് ഡയറക്ടർ ഫാ. ക്രിസ്റ്റഫർ യശയ്യ, ഫാ. ഡെന്നിസ് മണ്ണൂർ എന്നിവർ ഫലവൃക്ഷ തൈ വിതരണം ചെയ്യുകയും വൃക്ഷ തൈ നട്ട് ഉദ്ഘാടനം ചെയ്യുകയും ചെയ്തു. തുടർന്ന് നഴ്‌സറി കുട്ടികൾ രക്ഷകർത്താക്കൾ PTA അംഗങ്ങൾ യൂണിറ്റ് പ്രതിനിധികൾ പലവിധ തൈകൾ നട്ട് പരിസ്ഥിതി ദിനാചരണം ആഘോഷമാക്കി.