മണ്ഡല പുനർനിർണയത്തിനും സെൻസസിനും കാത്തു നിൽക്കാതെ വനിതാ സംവരണം ഉടനടി പ്രാ വർത്തികമാക്കണം :കെ എൽ സി ഡബ്ല്യൂ എ

കൊച്ചി : വനിതാ സംവരണം ഉടനടി നടപ്പിലാക്കണമെന്ന് കെ എൽ സി ഡബ്ല്യൂ എ സംസ്ഥാന സമിതി. 2023 സെപ്റ്റംബർ മാസം തന്നെ സഭകളിൽ തത്വത്തിൽ പാസാക്കിയ വനിതാ സംവരണം അതിലെ മണ്ഡല പുനർനിർണയം ഉൾപ്പെടെയുള്ള നിബന്ധനകൾ ഒഴിവാക്കി പ്രാവർത്തികമാക്കാനുള്ള രീതിയിൽ നടപടികൾ കൈക്കൊള്ളണം. ആവശ്യമെങ്കിൽ മണ്ഡലം പുനർനിർണയവും സെൻസസും ഒഴിവാക്കാനുള്ള പുതിയ ഭേദഗതി കൊണ്ടുവന്ന് സംവരണം അടിയന്തരമായി നടപ്പിലാക്കണം എന്ന് കെ എൽ സി ഡബ്ല്യൂ എ കേന്ദ്രസർക്കാരിനോട് ആവശ്യപ്പെട്ടു. സംസ്ഥാന സെക്രട്ടറിയേറ്റു യോഗത്തിൽ സംസ്ഥാന പ്രസിഡന്റ്‌ റാണി പ്രദീപ്‌ ,സംസ്ഥാന ജനറൽ സെക്രട്ടറി ജാക്വലിൻ ജോബ്,വൈസ് പ്രസിഡന്റ്‌മാരായ ഉഷ രാജൻ,സീന എസ്,സെക്രട്ടറിമാരായ സോഫി രാജു,കുഞ്ഞമ്മ,ഷീജ,ഐറിൻ,മെട്ടിൽഡ,ഗ്ലാഡിസ് എന്നിവർ സംസാരിച്ചു