കൊല്ക്കത്ത: ഇന്ത്യന് സൂപ്പര് ലീഗില് ഈസ്റ്റ് ബംഗാള് 2-1ന് ബ്ലാസ്റ്റേഴ്സിനെ തോല്പ്പിച്ചു.ഇതോടെ കേരള ബ്ലാസ്റ്റേഴ്സ് ഒന്പതാം തോല്വിയാണ് ഏറ്റുവാങ്ങുന്നത് .
കഴിഞ്ഞ മൂന്നു മത്സരങ്ങളും തോറ്റ ഈസ്റ്റ് ബംഗാളിന് ബ്ലാസ്റ്റേഴ്സിനെതിരായ ജയം ആത്മവിശ്വാസം പകരുന്നു . 20-ാം മിനിറ്റില് പി വി വിഷ്ണുവും 72-ാം മിനിറ്റില് ഹിജാസി മെഹറുമാണ് ഈസ്റ്റ് ബംഗാളിന് വേണ്ടി ഗോളുകള് നേടിയത്. 84-ാം മിനിറ്റില് ഡാനിഷ് ഫറൂഖ് ആണ് ബ്ലാസ്റ്റേഴ്സിന് വേണ്ടി ആശ്വാസ ഗോള് കണ്ടെത്തിയത്.
18 മത്സരങ്ങള് പൂര്ത്തിയാക്കിയ ബ്ലാസ്റ്റേഴ്സ് 21 പോയിന്റുമായി എട്ടാം സ്ഥാനത്താണ്. 17 പോയിന്റുള്ള ഈസ്റ്റ് ബംഗാള് 11-ാമതാണ്. 20-ാം മിനിറ്റില് സ്പാനിഷ് താരം ക്ലെയ്റ്റന് സില്വയുടെ പാസില് ബോക്സിന്റെ വലതു ഭാഗത്തുനിന്നും വിഷ്ണു എടുത്ത ഇടം കാല് ഷോട്ട് കേരള ഗോളി സച്ചിന് സുരേഷിനെയും മറികടന്നാണ് വലയിലെത്തിയത്.